خلية النحل بحشوة الجبن
مساكم نحل ي احلى اعضاء
قصدي عسل هلاء خلصت من عمل صينية خلية النحل وقلت لازم احكيلكم الطريقه مع اني بعرف انكم كسالى وما بتجربوا اشي بس بتتفرجوا https://l.top4top.io/p_2929ftf3q0.jpg] المكونات كاستين ونص طحين ربع كاس زيت كاس ماء 3ملعقه كبيره حليب بودره 1 م كبيره خميره اعجني ع ايدك او ع العجانه لحد ما تصبح عندك عجينه متماسكه خمريها من نص ساعه ل ساعه حسب الجو جهزي الحشو انا شخصيا بحب حشوة الجبنه المالحه لكن بنقعها لحد ما يخف ملحها وتصير وسط مش مالحه ومش حلوه بصفيها من المي منيح وبهرسها بالشوكه بس تخمر العجينه بقطعها كرات صغيره وبحط بكل قطعه شوية جبنه وبسكرها وبرتبها بصينية مدهونه بالزيت بدهن وجهها بالفرشاية بشوية حليب ورشة سمسم مش محمص وبتركها شوي ترتاح قبل الخبز عشان احصل ع الشكل اللي بدي اياه وهو انه القطع تتلاصق ببعضها بعد الخبز وتصير متل خلية النحل بخبزها بالفرن من تحت لحد م تتحمر بعدين بشغل الفرن من فوق لتاخد لون اشقر حلو بكون جهزت القطر وتركته يبرد وبصبه عليها لحد ما تتشرب منيح وبسس |
رد: خلية النحل بحشوة الجبن
كتير منعملها
وشكلها بطلع معنا متل صورتك بالزبط ههههههه اوقات منحشيها بطاطا اوقات جبنة مالحة بس ليه القطر ههههههههه ؟؟؟ عوافي حبيبتي عالوصفة اللي بتشهي م ننحرم |
رد: خلية النحل بحشوة الجبن
اقتباس:
شكل الخليه ما بتحطولها قطر م بتكون حلوه ولك بالقطر بتكون تشهي نوورتي قمرنا🌹 |
رد: خلية النحل بحشوة الجبن
الله لو معه قهووووه يسلام
|
رد: خلية النحل بحشوة الجبن
اقتباس:
نوورت عبد الله مساك سعاده |
رد: خلية النحل بحشوة الجبن
دايماً بنسويها مع معجنات
صحتين وهنا ع قلبك الوصفه زاكيه وشهيه انتِ الشيف تبع غلاك تسلم ايدك تم الختم واضافة 400نقطه وخمس نجوم لشيف غلاك |
الساعة الآن 05:07 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~