مجتمع غلاك

مجتمع غلاك (https://g-lk.com/vb/index.php)
-   القصص والروايات والمسرح " يمنع المنقول" (https://g-lk.com/vb/forumdisplay.php?f=107)
-   -   ريدة وجيرة الفصل الرابع (https://g-lk.com/vb/showthread.php?t=9333)

ابو الملكات 01-12-2021 02:55 AM

ريدة وجيرة الفصل الرابع
 
بسم الله الرحمن الرحيم
وبه نستعين
الفصل الرابع
سافروا الاسرتين وكان بيناتهم المكالمات الهاتفية ؟ وبارك يوسف لهمت بهاتف وكمان باركت له اميمة ؟ وفى اليوم الثالث لسفرهم جات من الابيض اخت الطيب الكبيرة لزيارة اخوانها الطيب واختها الاصغر وكمان للعلاجها ومعها ابنها المتوسط والذى يعمل مهندس مكانيكي فى النقل المكانيكي بالابيض ومتزوج وله ثلاثة اطفال ومعها بنتها الاصغر والتى اكملت الثانوية ورفضت القراء وفضلت تقعد فى البيت ؟ استقبلهم يوسف وعمته وخالة اميمة واميمة والصغار واتصل يوسف باابوه يخبره بوصول عمته واداها التلفون تسلم على ابوه ؟ وفى اليوم الخامس عادت الاسرتين بعد اربعة ايام فى الشمالية وفى اليوم التالى من وصولهم اخذ الطيب اخته الكبيرة وذهب بيها الى عيادة صديقه الدكتور أنس للكشف عليها وعمل تحليل لها وذهب ابنها المهندس الى رئاسة عمله فى الخرطوم بحري وذلك لتقديم كشف بطلبات الورشة فى الابيض وكان هذا جزء من سبب حضوره للخرطوم ؟ اما بنتها فطلبت من ابن خالها يوسف ان يفسحها شوية فى العاصمة فى الامسيات بعد العودة من الجامعة وطبعاً يوسف ما بقدر يرفض ليها طلب ؟ وطلب من عمه حسين بان يسمح لميمة بالذهاب معهم عشان يفسحوا بنت عمته ؟ وقال له عمه حسين طيب مالو اميمة اختك وكمان هي زاتها تفسح شوية وترتاح من المذاكرة الكتيرة دى بس الصغار خليهم عشان عندهم امتحانات قريب ؟ وبعد اسبوع اطمئن الطيب على اخته وانها كويسة ما عندها شي بس شوية ارهاق ترتاح كم يوم وتبقى كويسة وصرف لها الدكتور بعض الادوية وايضاً ابنها اكمل مهمته وخلاص حجزفى طائرة الاثنين لسفره ؟ وقال لخاله ناس امي بيقعدوا شوية معاكم ومع خالتي كم يوم وبعدين بيرجعوا الابيض ؟ وفى احد الامسيات والطيب جالس مع اخته الكبيرة ؟ وتساله يا الطيب شنو يوسف دا ما تعرس ليهو لحدى الليلة بلا عرس مالوا يا اخوي ؟ يرد الطيب والله يا اختي قال يخلص جامعة وبعدين يفكر فى العرس اولاد الزمن ديل ما زينا نحنا زمان ؟ وتقول له اخته البت دي جوها للعرس انا قلت اول حاجة اشوف ولد اخوي وبعدين اديهم رايي اها قلت شنو ؟ ويرد الطيب انا من ناحيتي احسن من بتك ما داير واحدة تاني تكون مراتوا خلاص انا بتكلم معه الليلة وبوريك رايه شنو بعد بكرة لما ترجعي وذلك اختها كانت منتظرة بت اختها ترجع من الفسحة وتسوقها مع امها لبيتها وبعد عودة يوسف وبت عمته واميمة دخل يوسف يذاكر شوية لانه عنده بكرة اختبار ضروري وجاء والده ؟ وساله اها ان شاء الله بت عمتك انبسطت ؟ ويرد يوسف تمام مبسوطة ؟ ويقول الطيب اسمع يا يوسف ولدي عمتك اليوم اتكلم معي بموضوع زواجك وقالت بتها جوها ناس للعرس وهي قالت اول تشوفك انت اها رايك شنو نعقد ليك عليها ولحدى ما تخلص الجامعة نعمل العرس قلت شنو ؟ يرد يوسف يا ابوي انا من زمان قلت ليك اكمل الجامعة وبعدين افكر فى الزواج خليها تزوج وربنا يسعدها ومادام انت جبت سيرة الزواج انا عاوزك تكلم عم حسين عشان تخطب لى اميمة منو ولعلمك يا ابوي انا لحدى الان ما قلت الى اميمة اناعاوز اتزوجك ولو انت وافقت انا من بكرة بتكلم مع اميمة واشوف رايها شنو وبعدين بكلمك وانت تكلم ابواها وبت عمتي ربنا يتمم ليها بخير وتعيش سعيدة فى حياتها ؟ ويقول له ابوه خلاص شوف رايها وانا بعدين بكلم ابوها وان شاء الله لو كان فى العمر بقية نكمل

عبير 01-12-2021 08:09 AM

رد: ريدة وجيرة الفصل الرابع
 
قصة رائعة
سلمت اناملك ابو الملكات

رآنيا 01-14-2021 11:46 AM

رد: ريدة وجيرة الفصل الرابع
 
الله يسعدك يارب وتسلم لنا قريحتك المبدعة

~

ابو الملكات 01-27-2021 05:29 PM

رد: ريدة وجيرة الفصل الرابع
 
اقتباس:

المشاركة الأصلية كتبت بواسطة عبير (المشاركة 233537)
قصة رائعة
سلمت اناملك ابو الملكات

اسعدني تواجدك في متصفحي وقراءة قصتي المتواضعة وان شاء الله القادم احلى
من القلب كل الود والاحترام

ابو الملكات 01-27-2021 05:30 PM

رد: ريدة وجيرة الفصل الرابع
 
اقتباس:

المشاركة الأصلية كتبت بواسطة رآنيا (المشاركة 235863)
الله يسعدك يارب وتسلم لنا قريحتك المبدعة

~

اسعدني تواجدك في متصفحي وقراءة قصتي المتواضعة وان شاء الله القادم احلى
من القلب كل الود والاحترام


الساعة الآن 01:24 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~

This Forum used Arshfny Mod by islam servant