|
(وانت بْكرامه)
..
.......الجمْع طرح وْضرب الايام قسمه .........وبعض الألم آلذِّ لي مْن السلامه .........ماهو بلازم يُورِق الحزْن بسمه ............اللازم اني ماانحني بانهزامه ....ويوم القرار "القبْر"ماهبت حسمه .......ومن طيب راسي كفِّنتني غمامه صبري الجميل إن كان مااثْمَر بِوسمه ..............للجن جنِّي ميلتَه إستقامه ...إن غبت.. وجبه لآكلي المِيْت دسمه ......ون جيت.. أَصْقَرهُم تحوَّل نعامه .........كم واحدٍ مفروض قدَّام إسمه ...يكتب مَ بين اقواس (وانت بْكرامه) المعتفس |
رد: (وانت بْكرامه)
فعلا انك معتفس والله ونعم
فيك وفي هقوتك يا بعيد الهقاوي لكن زمانك ما يعين واقصد في الزمن ناسه والا فالشاعر يقول: نعيب زماننا والعيب فينا وما لزماننا عيب .. سوانا طبت وطاب قافك ايها المعتفس وصح اللسان وكريم البنان لاهنت |
رد: (وانت بْكرامه)
سلمت يمناك ولاعدمناك
.. مابيني وبينك على القول لزمه والشعر هيض وغيض ماهو قمامه البعد عن بعض الرجاجيل حشمه والمرجله منا ليوم القيامه انكان ماتدري ترا الدين عصمه يبقى عزيز النفس عالي مقامه كلن على رشده وعرفه وحزمه علق على صدر الفداوي وسامه ان عودة للعرف حكمه ونقمه ماهي بفيد الضحك يابو دلامه يوم الجمل يكفيه عزمه ووسمه مايلحقه بعد المجارا ملامه |
رد: (وانت بْكرامه)
ماهو بلازم يُورِق الحزْن بسمه
............اللازم اني ماانحني بانهزامه الله عليك ~ شموخ وعزه ويكفيهم مابين القوسين صح لسانك وعلى شانك مبدع كالعادة ~ |
رد: (وانت بْكرامه)
اقتباس:
وبس الإتكالي اللي ينتظر الناس يعينوه فأمره الواحد يتوكل على الله ثم على نفسه وبيلقى الخير ان شاءالله دامه لاخالف لاكتاب ولاسنة شكرا لتواجدك الجميل |
رد: (وانت بْكرامه)
اقتباس:
وانت خالفتها لكنك ابدعت هيضتك السموحه ولا يهمك وماعليك بيتي ذا بيرددونه طويلا كم واحدن مفروض قدام اسمه يكتب م بين اقواس (وانت بكرامه) (: |
| الساعة الآن 01:26 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~