((كم ليلة بكيتها غبن يا فلان))
 

كم ليلة بكيتها غبن ............ يا فلان
ومن القهر هلت دموعي ...... هماليل
أبكي حزين وعلتي وسط .. الاوطان
وعروق قلبي برا الاوطان ... والجيل
قلبي ينادي وينك اليوم ....... سلمان
من عقبكم طاحت عزومي مع الحيل
ارجي صغير يجلي الهم ...... واحزان
يقضي لزوم ما قضوه ...... المخابيل
طير يعزك الوحش طير ....... حوران
يشفي غليلك طلعته كنها ...... سهيل
وطير عشاه بديرته ما رفع ...... شان
حاله في باله ما نقل لك من .. الشيل
ولا دري بك لو دموعك ..... بالاوجان
يزيد همك مع بلاويك ......... وخبيل
سبحان من فرق بالانضا. .. والانسان
هذا يذوب وذاك راس ما هو .... ذيل
تلقى بعضهم طلعته طلع ..... شيهان
من هيبته كن الحباري ....... محابيل
من مخلبه يشبع اهيله ....... وجيران
يا سعد من هده جزيل ... المحاصيل
ابا اتسلى واتصبر .............. بقيفان
ما لي عزا من عقبهم غير .... هالقيل
حتى يتحقق شملنا وننسى الاحزان
اللي تسبب في بلاها ........ المهابيل

القارظ العنزي

رد: ((كم ليلة بكيتها غبن يا فلان))
 

صح لسانك
ابيات رائعه
بانتظار جديدك

رد: ((كم ليلة بكيتها غبن يا فلان))
 

حتى يتحقق شملنا وننسى الاحزان
اللي تسبب في بلاها ........ المهابيل

الله يجبر بخاطرك ويجمعك بسلمان في اقرب وقت يارب

~

رد: ((كم ليلة بكيتها غبن يا فلان))
 

صح بدنك عبير
اشكر لطفك
وحسن المتابعة

رد: ((كم ليلة بكيتها غبن يا فلان))
 

اللهم امين رآنيا
جزاك الله خير
على صادق الدعاء
وعلى حسن المتابعة

رد: ((كم ليلة بكيتها غبن يا فلان))
 

صح السانك شاعرنا ،


قواك الله ،