مجتمع غلاك - قصص واقعية لأعضاء منتدانا ~متجدد ~

هههههه <<< يارب ماجيب العيد :97:

اولا شكرا هموسه على الموضوع الحلو والحماسي واتمنى جميع الاعضاء يتحمسون ويسدحون لنا قصصهم ومغامراتهم اما بعد << الله يستر هههههه :97:

القصص كثيرة بحياتي صراحه لكن قصة مانساها طول عمري وكانت ببداياتي في عالم النت
عنوانها ( عهوود ) هههههه:97:

كان ما ماكان شاب مرهف الاحساس يدعى ريوود 24 ساعه بالشات ماكنت اعرف منتديات
نايم بالشات سوالف وضحك ودردشه وهبال يعني الفله بانواعه ومستريح البال وقتا شاب
كيوت مرهف تخصصه طقطقه وضحك اخش الشات اعفس ابووه افجره ضحك ووناسه هههه

بيوم دخلت فتاة جميله هادئة حبوبه اسمها عهود واضح من اسمها انها مرهفه
كانت خجولة وتسولف بحدود وانا كنت اهبل فيها لين بيوم دخلت عليها خاص وقلت لها ليش
ساكته تعالي سولفي قالت ماحب الزحمه ومستحيه هههه قلت نسولف هنا طيب
قالت ياريت انا ماجي الا عشانك <<< هرمون الخروف عندي اشتغل وقلت ماءءءءء ههههه:97:

سولفنا ضحكنا صرنا نتقابل يوميا الى ان ارتحت لها وارتاحت لي وشكلي وقعت في الحب
سحبت على ربعي بالشات وصرت بس اسولف معاها ونضحك ونتكلم لين الفجر <<< عاطل ذيك الايام ههههه وبعدين ما قدرت اكتم مشاعري قلت لها احبك طبعا احبك ذيك الفترة كانت على عينك يا تاجر جت فترة باليوم احب اربع واطلق خمس وهكذا موضه هههههههه المهم كنت اغار عليها بقوة واهاوشها ليه تضحكين لفلان وعلتان عايش دور قيس وهي ترد اسفه
حبيبي ماعودها فديت اللي يغار علي <<< احم احم برج الاسد غيرتنا قويه ههههههه:97:
استمرينا على هالحال 7 شهور نحب ونغازل بعض شباب ومراهقه ما خليت اغنيه الا وحفظتها
وبيت شعر اسرقه واقولها اهداء لك حبيبتي كنت عايش الرومنسية صح هههه وفي يوم اغبر مانساه كان 13 رمضان قالت ريود ابيك بموضوع مهم الساعه 1 بالليل قلت لها ابشري غلاي
وقابلتها وكانت ساكتها قلت لها افتحي الكام <<< قديم هههههه حركات الطيبين ههههه:97:
لا سناب ولا تويتر ولا شي هههههه قالت ماقدر اخواني صاحين قلت ما يخالف سمي حبيبتي
رايد يشهد الله اني حبيتك وكنت ابي اسولف معاك من زمان بس بعترف لك بشي لان ضميري
يانبني وقررت اتوب
وش فيه حبيبتي خوفتيني بليززز فيك شي صارحيني قالت تسامحني اول قلت لها مسامحك
تكملي

رايد
روووودي
انا منيب عهوووووود <<<< ملامح الصدمه على خشته ههههههههه:97:

انتي منو اجل

انا شنب واسمي خالد ههههههههههههههههههههههههههههه اهلا اهلا بالعيد ههههههههه:97:

شنووووووووووووووووووو ولد قاعد 7 شهور شهور احب بولد واسمع اغاني واسرق شعر ههههههههه واخرتها ولد يا جليل الحيا ياللي فيك وما يخطيك حسبي الله عليك شقول لربعي
وش اقول للمجتمع حبيت ولد 7 شهوووووور هههههههههه روح ياشيخ الله يسامحك حطمتني
تكفى ريوود والله ماقصد كانت لعبه وقلبت جد وخفت اعترف تنصدم ههههههه طيب يالملعون 7 شهور على الاقل شهر شهرين تدري كم بنت كنسلت على شانك في 7 شهور هههههه
لكن ماقول الا حسبي الله عليك انقلع لا بارك الله فيك

اخ يالقهر تعرفون افلام الكرتون يوم يجيب واحد غبي ويطلع صورة حمار تكرمون هههههه
كذا تخيلت شكلي اكلت مقلب ودرس لن انسااه المصيبه مو هناااا المصيبه كان فعلا عايش دور الانثى يعني مثلا اكلمه اغازله يقول وه استحي بليزز لا تقول كذا هههههههه<<< انجلط:97:
لا ويوم كان يختفي يقولي عذر شرعي ما يحتاج اتكلم ههههههههه<< عطوني عقال هههه
احلى شي انها كانت تشرب دخان وتقولي عادي اهلي ما يدرون ههههه سبع شهور واناما خليت شي لكاظم الساهر وقلته لها كان موضه ذيك الايام هو وميحد حمد ههههه
لا وتغار بعد كان يجيني ويقولي تراي اغار عليك شفتك امس تسولف مع فلانه هههههه

ومن يومها فعلا قررت اترك الشات نهائيا وحولت منتديات من ذاك اليوم بدا مصطلح الخرفنه
انا من المؤسسين له هههههه :97:

ما يستفاد من القصه عزيزي التمساح
لا تصير خروف من اول كلمة حب او اعجاب ماتدري ان اللي ورا الشاشه عسكري ومستلم خفارة ههههههه:97:

اي بنت اسمها عهوود احظرها من حياتك منعا للاحراج حتي لو شفتها قدام عينك تحط ماكياج هههههه:97:

حاول ما تندفع بعلاقاتك مع الجنس اللطيف وخلك حذر وذهين وفطين زي مستريح البال ههههه

هذه القصة برعاية
بطاطس ليز
مكتبه جرير
مشغل عهووود النسائي <<< مسوين عرض 5 في 1 بمية ريال ههههههههه:97:

وسلامتكم

اختار الشريرة شهد محمد ورطتني باسئلة مالت عليها هههه:97: