((مبروك يا فرعون تكتيك هامان))
 

شفت الهوى وقلوبهن لابو ..... .سلمان
يبون مسعود العامري ........ ما يبوني
اظني يا مسعود ضيعت ......... عنوان
ضيعت عنوان الهوى ......... واتركوني
مبروك يا فرعون تكتيك ......... هامان
وزيرك اللي ما يخيب .......... ظنوني
ضيعتني وضيعت عمري ...... بشيطان
شيطانكم يالذيب حطم ......... فنوني
كنت احسب اني طيب القلب وانسان
لكن كفرت بطيبتي .......... واعذروني
خلاص انا هاجرت ما ريد ........ غزلان
غزلانكم ما ربعوا مع ............. مزوني
ياما ذرفت الدمع بخدود....... الاوجان
لاجل العذارى عذبتني ........... عيوني
كم ليلة من اجلهن بت ........... سهران
وافرح اليامريتهن .............. هرجوني
واليوم قالوا صف بالبعد ....... يا فلان
اياك وضاوي حولنا ............ ما تموني
الضاوي ضو قلوبنا وخوش ....... فنان
ما شفت قيفانه سحر .......... علقوني
والا انت قافك عندنا سم ......... ديبان
ما فيه مثل القاف الضاوي ..... جنوني
ما لومهن لو ربعن يم ............. جيزان
سمعن هروج ابليس ..... ما يسمعوني
وانا بقيت بساحة العشق ....... حيران
طرشان زفة والملا ........... يرقصوني

القارظ العنزي

رد: ((مبروك يا فرعون تكتيك هامان))
 

صح لسانك القارظ العنزي
بانتظار جديدك

رد: ((مبروك يا فرعون تكتيك هامان))
 

ابداع يالقارظ

صح لسانك وسلم نبضك

رد: ((مبروك يا فرعون تكتيك هامان))
 

صح لسانك شاعرنا المبدع القارظ
ولا حرمنا مِن جديدك

~

رد: ((مبروك يا فرعون تكتيك هامان))
 

صحة روعاتك عبير
ربي يخليك

رد: ((مبروك يا فرعون تكتيك هامان))
 

يسلم عمرك المعتفس
سعدنا بوجودك لاهنت