مَوْضوُع الأسبُوع السَادِس : العِقَاب ..~
 

اسعد الله اوقاتكم بكل خير

طبعا اعتذر اولا عن عدم ردي حتى الان على موضوع الاسبوع السابق لانشغالي

لكن حتى لا يروح علينا موضوع ذا الاسبوع قلت اطرحه لكم وأرد على الجميع بعدها

-

موضوع هذا الاسبوع عن العقاب

كل شخص مع اي احد وكل عيلة مع ابناءها مثلا عندها اسلوب معين في عقاب المخطيء

واكيد كلكم عوقبتم لو مرة بحياتكم

اعطونا قصصكم واتحفونا بالمواقف الطريفة ان حصلت معكم اثناء العقاب

~

رد: مَوْضوُع الأسبُوع السَادِس : العِقَاب ..~
 

•'












اه يالعقاب و ما ادراك ما العقاب هههههههه ،
العقاب شي طيب الصراحـهه
بس يختلف من شخص لـ شخص ،
في ناس الصراحـهه عقابهم مووووول مب شي ،
احب الناس يوم تعقاب الواحد
يكون بطريقه ذربه ، فيه درس له و منه يتعلم ،



.
.

امممم اذكر يوم نحن صغار في يوم العيد و لا اجازة
العايله كلها تتيمع في بيت يدتي ،
و هنا نبدا نخالف كل القوانيين هههههه
المهم نحن بالعاده نطلع العصر برا البيت موعد رجعونا يكون قبل المغرب ،
و الي يتاخر عمتي الله يطول بعمرها ادخله الحمام عززكم الله و تقفل ليت ههههههههه
طبعا ظلام و نخاف ،
بس نحن اذكياء يوم نتاخر نتاخر كلنا مع بعض ،
عسب نكون مع بعض ههههههه ،
ما انسى والله ذاك اليوم الي كنت من ضمن المتاخرين ،
ف شلتنا كلنا وكل واحد ماسك ايد الثاني بقوه هههههههههههه الخوف و عمايله ،
عن نفسسي خوافه الف والله ، كنت امس ايد بنات عماتي و اغمض عيوني ههههههههه
المهم ايام حلوه كانت والله من بعدها توبـهه اتاخر و لا شي ههههه




و شكرا
اذا اذكرت شيي برد لككككم ،

رد: مَوْضوُع الأسبُوع السَادِس : العِقَاب ..~
 

يوووه ذا العقاب مخيف صراحة
لو تقفل عليكم بغرفة كان افضل من الحمام اعزكم الله
عاد انا وحدة خوافة والقصص المخيفة اللي كنت اسمعها وان الجلوس في الحمام مو طيب يخليني اوسوس :ff1 (167):

في انتظار عودتك بقصصك
متاكدة من الضحكة ان عندك كمية قصص طريفة من ورا هالعقوبات :d

~

رد: مَوْضوُع الأسبُوع السَادِس : العِقَاب ..~
 

العقاب ...
اسمه يروع ...
اصبر هنا ...لين يجي أبوك يضربك ..
عقاب أول يختلف كثير عن اللحين ..
اللحين طف النت هذا عقاب ..اسحب الأيباد الجوال هذا عقاب ..
احس مافيه ضرب مثل أول ...
ــــ
من القصص الطريفة اللي حصلت لي ..والقصص واجد ..
كنا ساكنين في حي بسيط في الرياض ...
وانا أتمشى في وسط الحارة ..لفت نظري قطة ( قطوة ـ بسه ) :0227:
كانت كذا كشخه مو مثل القطاوه الفقراء اللي اشوفهم عند الزبايل وانتم بكرامة :ff1 (55):
المهم قلت خلاص بمسكه وابيعها >>> تفكير فلوس فقط :74:
المهم والحقها وتروح في جدار جارنا ...وجارانا هذا عصبي .. قلت ياولد ما تروح علي ..
والحقها فوق جدار جارنا ...بس هو شافني وعصب علي ..وبلغ أبوي الله يرحمه ..
يوم وصلت البيت كان العقاب شديد ...
ربطني أبوي بحبل ...وباللي ( الهوز حق الماء ) جلد جلد جلد حتى مدري وين رأسي من رجلي ..
ههههههه
وهذا اعنف عقاب ..جاني ..
وبس ومعليش على كثر الهذرة ..

تحياتي ..

رد: مَوْضوُع الأسبُوع السَادِس : العِقَاب ..~
 

طبعامن الموااقف في كثيير عندي
بس ماعندي وقت اكتب للأمانه بس
هذا الموقف شوي قصيير طبعا كنا
صغار وانا كنت وانا صغير عفريت:169:
فمره كنت عند خواالي وشفت الولد كرمكم
الله يفتحون الباب شوي ويخلون النعال
فوق الباب ونادي ولد الجيران وبس يفتحون
الباب يقع كرمكم الله النعال فوقه :ff1 (234):
طبعا انا على طول رجعت من الزياره
ابي اسوي نفسهم وبالفعل بلشت وكل شوي
واقع النعال فوق راس واحد مره كانت جايه
علينا بنقاليه تبيع وكنت مجهز كرمكم الله
بسطار مال عسكريه كبيير وثقيل :169:
وددقت الباب وقلنا لها حياج وفتحت الباب
وسقط البسطار فوق راسسها طمنا البياعه
انجننت وانا من الضحك انغمى عليها
وقسم بالله اكتب وميت ضحك ومارضتها
الوالده رحمة الله عليها الاعطتها فلوس
لين رضيت طبعا هذي موقف واكتفي

رد: مَوْضوُع الأسبُوع السَادِس : العِقَاب ..~
 

اسلوب العقاب الوحيد بعايلتنا هو الحرمان من الشي اللي تحبه
سواء طلعه او جوال او عزومه
وابشركم حققت الرقم القياسي فيها كلها :54: