مجتمع غلاك - الا يانفسي الجهلا } ,,, ~

مجتمع غلاك (https://g-lk.com/vb/index.php)

- أدبيات وجماليات اللغة العربية (https://g-lk.com/vb/forumdisplay.php?f=17)

- - الا يانفسي الجهلا } ,,, ~ (https://g-lk.com/vb/showthread.php?t=10304)

الا يانفسي الجهلا } ,,, ~

-

قصيدة للشاعر؛
سمو الأمير خالد الكبير…~

على خد الثرى نسعى عسى سعي القدم مشكور
عسى حجاتنا في تالي الاعمار مبروره

عسى ذنب الجهل والعمد والغفله يجي مغفور
الى عرضت صحايفنا على الاشهاد منشوره

الا يانفسي الجهلا ترى الدنيا متاع غرور
ترى الايام لو طالت على الآجال مقصوره

ترى عقب الترف والعز والراحه وظل قصور
يزورك هادم اللذات والاقدار ماموره

وترى نشوة ربيع العمر ما تبقى زمن ودهور
تمر ايامها عجله وتذبل نضرة الصوره

مثل حلم الكرى لو طاف بالنايم وش بحور
يعود به ومن عادت حلوم الليل مبتوره

خصيب القاع لو عجت زماليقه بريح زهور
وغريف وانثنى عشبه وغنت فوقه طيوره

يزول ويندثر ريفه وعمره ما تعدى شهور
يروح وتنجرد خده وهي من قبل معموره

الا يالله ياعالم خفيات الدجي والنور
تروف بحال من نفسه على الايمان مفطوره
___