|
محـــابر مع ورق
السلام عليكم شخباركم الجميع ضيفكم مزن المشاعر يرحب بالجميع ويكتب هنا أول قطرات الغيث أرجو تقبلها من ذائقتكم . محــابـــر مع ورق مــزن المشــاعر بينكم يالأجاويد أحـمـل محـابر مع ورق جيت لافي بكـتب قصـايد بينكم دون تقـليد من حرّ قول ٍ بالصدر كان غافي مثل السلاسل من ذهب بتلع الجيد شعر ٍ بقوله من دررها وصـافي عن كسر بيته حاشمه عن مناقيد اللي تشوف العيب بالوزن خافي وانظم قصيدي من بحور الفراهيد ستّة عشر مجموعها حيل كافي واليوم بقطف من لذيذ العناقيد عنقود رايق من جميل القوافي مسحوب لحنه من خفيف الأناشيد معـروف لحـنه من دروس النصافي مزن المشاعر |
رد: محـــابر مع ورق
حياك ربي وجيتك جية ...... العيد
مزن المشاعر والقصايد ... انظافي انا اشهد انك من زوحول وصناديد حر صميدع بالمواجيب ...... وافي هات القصايد هاتها واطلق .. القيد اكتب من اللي نطلبه ..... بالقوافي هات الغزل كله بليا .......... تراديد انثر لنا الطاروق طرق .... النصافي وأشعل بها نار تلظى مع .......الغيد تطرب لها عفرا تزيد .. . انحرافي من اللي تقرا وجهة القاف ... وتعيد حتى تقول ونعم يا ذا .... السنافي صح السانك مزن المشاعر وطولك اليوم اول الخير جزلة من جزل |
رد: محـــابر مع ورق
ياهلا وسهلا فيك اخوي مزن
وحيالله قلمك والابيات اللي شفنا بعضها في مجاراتك لشعراء المنتدى صح لسانك ولاهنت على هالابداع |
رد: محـــابر مع ورق
يا اهلًا وسهلا بك شاعرنا مزن
ومرحبا فيك ملايين بين اهلك وناسك للاسف ما اعرف اكتب شعر والا كان رديت عليك بشعر مثله لكن اجرب اسرق ابيات شاعرنا القارظ وأنسبها لي :54: الله يسعدك يارب ويحفظك ~ |
رد: محـــابر مع ورق
كلمات جدا رائعة
صح لسانك سلمت اناملك |
رد: محـــابر مع ورق
هلا فيك شاعرنا ونور المنتدى بتواجدك
ابياتك جميله وبدايه جدا رائعه معنا |
| الساعة الآن 08:09 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~