مجتمع غلاك - قيـثـارة القلب

قَسِّم على القلب يَا الشّريان مدري الوريد
قيـثـارة القلب تسألني على ( ناسهـا ) ؟!
••
‏‎قيثارة ٍ .. كُل مـا طـلّ الصبـاح السعيـد
‏‎تسمع نَـغَـم عَزْفَهـا بـ ( آهـات جُلّاسها ) !
••
‏‎بالهون بالهون يا اللي تنظمـون القصيـد
‏‎( ميّاسة القـد ) قَدَّت فِـكْر ( مـيّـاسها ) !
••
‏‎لَبَّسْتَهاا من جنون البُوح ..( عقد ٍفريد )
‏‎وجمّلتـهـاا في عيون الناس .. بِــ الْبَاسها !
••
‏‎لِـين انكرتني ! ولا زلِْت ( القريب البعيد )
‏‎يشكي جـهَـل حِبْـرَهـا و أوراق كُـرّاسهـا !
••
‏‎حتى لو ان ركنه الهـادي رصـيده رصـيـد
‏‎نفايس النُدَّر اللي مَـ اصْعَب افـلاسهـا !!
••
‏‎يقطع بها البيد ويخوض البحر والجليد
‏‎ حتّى السِّمَا ساسها واقطـارها قَاسهـا !!
••
يا شور راس العنيـد الشُّور شـور ٍسديد
‏‎( ساعـة جديد الفرايد دقّت أجراسـهـا )
••
‏‎يا دُرّة البّوح .. ما راعاك خـلـق ٍ عديد !
كم شم وردتك ( جاهلهم ) ، وكم داسها
••
يا دُرّة ٍ ..! جيدهـا يطغى على كُـل جِيـد
معذور .. ملّا يـذوق الشَّهْد مِن كـاسهـا !
••
لو حسّو احساسها اللي كل ما ابطى يزيد
يجمع لها لولهـا .. ياقـوتـهـا .. ألماسهـا
••
‏‎استقبلـوها بـ / قبلات ٍ الغلا لـيل عـيـد
‏‎قُبلة على / يَدّهـا ، قُبلة على / راسها !!
••
‏‎ يا وادي الصيد ما شفنا بـ منحـاك صيد
‏‎ترى السبـاع الضّـواري ضـاقـت أنفاسها
••
‏‎شفنا حيود الجبل يرمى بها حيد .. حيد
‏‎يرمي بهـا حيـد حيـد ..! ويشتكي باسهـا
••
‏‎الله يعين الوحيد اللي لـ جرحه ( وحيد )
لا طـال حبس السجـيـنة ( مَلّ حَـبّاسها )
••
‏‎دايم على اطْلالَ الاُنْس يقول هل من مزيد
‏‎مَن ونّس أنـفـاس نفس ٍ نَفْـس وِنَّـاسها ؟!
••
أنا ملك بس ما له صـيـت مثْل [ الرشيد ]
في دولـة ن صيـتهـا مبني على سـاسـها
••
[ سفّاحهـا ] ما بـنـاهـا الّا بِـ نـار و حـديد
[ ورشيدهـا ] ذَكّـر الدنـيـا بـ [ عَـبّـاسهـا ]
••
مستشعر الشعرسولف بس ما ابغى نشيد
‎فضايـح الهاجــس اللي حُسْتَـه وحاسـهـا
••
‏‎تبغاني امدح حروفك ؟ انت مبدع أكـيـد
‏‎لـكن بـ تشكـيلها .. وبـ رسمة أقواسـها
••
مثلك مِثِل مَن هَبَد صَدْرَه وراحت هبيد
وابطى ورى طلعـة ن ما احتال مِـرواسهـا
••
فِي ديـرة ٍ فـارِح ن عسّاسها بـ ( الزِّهيد )‎
‏‎لا بـارك الله في ( الدّيـره و عسّـاسهـا ) !
••
‏‎مستعجلين المعايد ..كل يومين ( عيد )
‏‎( اثْيَابهم ) لاعبيـن لِعْب في .. قْياسهـاا
••
‏‎عسى العَوَض في جديد اللي قديمه جديد
‏‎قصايد المبدعين الله على ( احساسها ) !

:
فهد الهباش