مجتمع غلاك - وشلون يظهر من ظماك إرتجافي

_

يا (فاتنه) لو تجرحيني- عوافي
كل جرح أبوس إيديه مشكور / مشكور !

الجرح مِنك شيء جداً ( خُراااافي )
كنّه صباح النور بـ عيون عصفور !

وين الخناجر ، ما بعد قلت : كافي
كل عرق بدّل حزنه بـ وجه مسرور !

( مديّت صدري ) إجرحي / لا تخاااافي
هذا أنا بـ مصافح الجرح ( مشهور ) !

لا تعتبي لو صار منّي / تجّافي
ملّيت أغيب و أرجع أغيبك حضور !

يا بنت فيني حزن ما زال / خافي
لو تكشفينه ماتت بـ صبحك طيور !

أنا الغنّي اللي قضى العمر حافي
مابين حلمي و واقعي ألف طابور !

أنا الوحيد الآآمل بـ ( فرح غااافي )
عشمّت حزني سنين / خانتني شهور !

مؤمن بأني ( مختلف ) يا إختلافي
و جمهور حزني غير عن كل جمهور !

ملّيت أشكّل من شعوري / قوافي
و أكون أعمى ما فرح لحظه بـ نور !

عمري تعب عابر و ماله - منافي
راحل بلا وجهه على سكّة الجور !

شهرين أجمّع ما بقى من جفافي
شهرين ليت الما على يدّك يثور !

وشلون يظهر من ظماك إرتجااافي ؟
ياني ضميتك لين صرت أشربك زور !

ليلك ظلام ، و أكثري ( شمع طافي )
وشلون أنوّر عتمتك و أضوي الدور ؟!

هذا تعب عمري - و هذا إعترافي :
( أنا وطن لكن بلا حسّ و شعور ) !