عزيزة يا بيوت الطين لك وسط الحشا منزال
http://s.alriyadh.com/2012/05/26/img/591635943069.jpg يشوق العين شوف اللي بقى من شامخ الاطلال والاقــي في سككها كــــل ذكـــرى عشقها غالي أســوق اقـــــدام شوقي للبيوت وخاطري مازال يعيش بشـــوفهن ذكـــــرى طفولة تحفظ آمالي عزيزة يا بيوت الطين لك وســـط الحشـا منزال امــرّك واترك دمـــــــوع الغلا تحكي لك احوالي اجي لك كـــل ما جـــــا للحزن في داخلي مدهال واجي لك كل مافـــــاض الحنين لشوف مدهالي اروح البير لين انـــي اوقف عند حــــــــد الجال واطل بوســـــطه ودمعي تنـــــاثر فيه من عالي وامر الســــــكة اللي في وسطها حفرة المصقال وانا اغلى شي ملكته وقتــها هو كسب مصقالي فقدت بها رفيـــــــق ٍ لا لقيته قال كيف الحــــال رفيق ٍ وافي وطيّب ولا قد غـــــــاب عن بـــالي واجي عند الشعيب اللي يمر بديرتي لا ســــــال هنا ذكـــرى وقوفي في وسطه وسيله قبــــــالي واروح لبيت عمّي وان طلعت امر بيت الخــــال واروح لجـــدتي واطلـــــــع وفي مخباتي ريالي اطير بفرحتي واللي سالني قلــــــــت معي ريال واروح اشري من الدكـــان توت مثلج وحـــالي واروح لبيت جيـــراني وادوّر وينه المدخـــــال انا اذكـــر يوم انا صغيّر نسيت بوســـطه نعالي هنا اذكر معاليــــق الســـــراج وحوله المنخال وهنــاك الدلــــــه اللي عندها مكسور فنجــالي وهنا فراش الحصير اللي جلس به مستريح البال ينام وما بقلبـــــــــه شي للأول ولا التـــــــــالي كفايه .. بطلـــــع من البيت يوم انه بدا ينـــهال مع اني صــرت احس ان التراب دموع تنهالي عسى الله يرحــــم اللي مات منهم طيبين الفـال ويجمعنا معــــاهم في وســـــــط جنات وظلالي تمر سنين من عمـــــــري واردد للمــــــلا موّال ترى اللي مالـــــه اول ماله بهذا الزمن تالـــــي |
رد: عزيزة يا بيوت الطين لك وسط الحشا منزال
رااائعة
صاح لسان شاعرها وناقلها يستحق الختم لا حرمنا جديدك ~ |
رد: عزيزة يا بيوت الطين لك وسط الحشا منزال
-
تسلمين يسعدلي روحكك.. نورتي ي آلغلآ .. |
رد: عزيزة يا بيوت الطين لك وسط الحشا منزال
||~
سـلمت آلآيآدي ع الجههد الرآئـع والمميز دمت وآََدم الله عطـآئك تحيـآتي |
رد: عزيزة يا بيوت الطين لك وسط الحشا منزال
-
آنرتي ي عسسل .. |
رد: عزيزة يا بيوت الطين لك وسط الحشا منزال
الله يعطيك الف مليون
عافيه لاخلاولاعدم منك - تحياتي لك - |
الساعة الآن 03:46 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~