((أبكي على اللي للوله دايم اسعاف))
 

ياللي كتبت القاف واسرفت بالقاف
خفف علينا لا تزيد .......... الضغينة
حنا لكم فراش يالترف ..... والحاف
حتى العجينة لو تبيني ...... عجينة
بس امنحوني يا ملا بعض الانصاف
ايضا اصرفوا لي من طرفكم معينة
يمكن تخفف سود الاعوام واعجاف
يكفي عذابي والظروف ...... اللعينة
قلبي يحن لشوفة الشوق ... ميلاف
وروحي تمنى تنتعش ...... بالخدينة
الترفة اللي طيفها غاب .... ما طاف
غابت طيوفه واختفى في .. قطينه
لا طارف جاني ولا قيل من .. شاف
والعين عافت نومها مع ..... وسينه
أبكي على اللي للوله .. دايم اسعاف
والقلب يبكي ..... شوفها من حنينه

القارظ العنزي

رد: ((أبكي على اللي للوله دايم اسعاف))
 

صح لسانك شاعرنا المبدع
والله يبعد عن قلبك كل حزن يارب

~

رد: ((أبكي على اللي للوله دايم اسعاف))
 

صح بدنك رآنيا
ويقبل الله منك
صادق الدعاء
وصالحه طبت
وطاب مرورك
وحضورك

رد: ((أبكي على اللي للوله دايم اسعاف))
 

صح لسانك مدد بلا عدد

لي عوده باذن الله
مشغوله حاليا

ودي وباقة جوري

رد: ((أبكي على اللي للوله دايم اسعاف))
 

صح لسانك شاعرنا
أبيات جميلة رغم حزنها

رد: ((أبكي على اللي للوله دايم اسعاف))
 

صح بدنك المعتفس لاهنت