بسم الله الرحمن الرحيم
وبه نستعين
الفصل الرابع
عاد والد منى من الرصيرص بعد اكمال مهمته بنجاح ؟ واخبرتو زوجته رجاء بموضوع زواج امجد ومنى وما دار وايضاً اتصل به الهادي والد امجد يهني بسلامة العودة وفتح معاهو موضوع الزواج وبعد اسبوع من عودته اجتمعت الاسرتين فى منزل المهندس بشير ؟ وطلب الهادي والد امجد من والد مني يد كريمته مني الى ابنه امجد ورحب بشير وقال طبعاً لازم رائها هي البنت اولاً ؟ وينادي بشير بنته وتجى مني ؟ نعم يا ابوي ؟ ويقول لها ابوها اجلس اسمعي يا بتي عمك الهادي دا جاء طالب يدك الى امجد ابنه انتي قلتي شنو وتسكت مني ؟ ويقول لها والدها اسمعي يا منى رايك مهم عشان بعدين ما تندمي وانتي عارفه امجد كويس انا من ناحيتي احسن منه مافي تاني ولد مهذب خلوق ومن البيت الي الجامعة وانتي عارفة كدا وصلاته فى المسجد وبيأم الناس فى المسجد اها قلتي شنو يابنتي ؟ خلاص يا ابوي انا موافقة ربنا يتمم بخير بس انا لسه باقي لى السنة دي من التخريج ؟ ويرد والد امجد كملي تعليمك اولاً يا بتي وبعدين العرس وهو زاتو امجد قال عاوز يقرا ويجيب الماجستير ؟ وتتدخل ام امجد وتقول لها والله يابتي ياكي بتنا وبريدك من جوه قلبي وانا من يوم ما شفتك سالت الله انك تكوني انتي من نصيب امجد ولدي والحمدلله واطلقت زغرودة طويلة ومعها ام مني ؟ وجو الجماعة جارين فيصل واماني ؟ بيسالوا فى شنو وتقول والدة امجد عقبالكم انتم كمان تكملوا الجامعة ونفرح بيكم ويضحكان الاثنين ؟ ويقول فيصل الى امجد طيب ياخي كان تكلمني أنا ولو بدس ؟ ويقول امجد بصراحه انا زاتي كنت خائف منى ما توافق بي لاني ماحصل اتكلمته معاها بخصوص زواج كلامنا كلو كان عام وانت زاتك بتسمعو المهم انت شد حيلك ونعرس ليكم انت وست الليمون ونجي نحنا نشرب الليمون والمنقة ويضحكان ويستغرب الجماعة ؟ وتسالهم ام منى شنو حكاية الليمون والمنقة دي يا اولاد ؟ ويشرح امجد القصة للاسرتين ويضحك الجميع ومع دعوات اهلهم لهم بنجاح ؟ وتمر الايام والشهور وامجد قدم لدراسة الماجستير وتم تعينه فى شركة اتصالات عالمية لها فروع فى انحاء العالم مع السماح له بان يحضر لرسالة الماجستير من داخل الشركة ومنى فى المرحلة النهائية لتخرجها وفيصل واماني فى سنة ثالثة فيصل طب اسنان واماني طب عام ؟ وجاء وقت التخريج ونالت منى درجة امتياز وابن عمها وهو وزوجته عندهم صيدلية طالبوها بان تجي تشتغل معهم ومنها تحضر للماجستير وكلمت منى امجد وفرح لها كثيراً والاسرة ايضاً فرحت لها ؟ ومر العام وامجد فى تقدم فى عمله ورسالته للماجستير تقدم فيها كثير ؟ وطالبه ابوه وامه بان يتزوج ومافى شى ناقصه ؟ وافق امجد وتكلم مع منى بان يتزوجوا ؟ وتم الزواج وسافر العريسين الى تونس لقضاء شهر العسل وايضا يقابل امجد زميله فى الجامعة محمد البورقيبة والذي كان وعده بان يقضي شهر فى تونس الخضراء ؟ وعادا بعد اسبوعين من تونس الخضراء وقضاء باقي الاجازة مع الاهل واخيراً استقروا فى منزلهم الذى اسستهو الشركة له مع عروسه منى وعادت منى الى صيدلية ابن عمها لمزوالة عملها ؟ وبعد خمسة شهور من الزواج طلبت الشركة من امجد ارساله الى بعثة لمدة ثلاثة شهور من اجل دراسة اجهزة جديدة سوف يتم استيرادها للشركة للعمل بها فى السودان وله الخيار باخذ زوجته معه او من دونها ؟ ويشاورها امجد بان تاخذ اجازة لمدة ثلاثة شهور منها فسحة وتغير جو ؟ وفعلاً وافقت منى بالسفر واخذت اجازة لمدة ثلاثة شهور وفى نهاية الشهر الثالث ظهر الحمل والان منى حامل وكانت سعادتهم كبيرة ؟ وتكلم امجد مع امه وابوه وعمه بشير وخالتو رجاء ونقل لهم الخبر السعيد وبعد اسبوع من البشارة بخبر حمل مني عادوا الي ارض الوطن ؟ وبعد الاسبوع التاني جات الاجهزة الجديدة وقام امجد بتركيبها وتشغيلها والشركة منحته مكافاة مالية كبيرة واجازة لمدة شهر فى اى مكان يختاره ولكنه فضل البقاء فى السودان لظروف حمل منى وعدم تكمنها من السفر بالطائرة ؟ وهي الان فى شهرها الثاني وخطر عليها السفر الطويل ؟ وهناك فيصل واماني الباقي لهم سنة وكم شهر ويتخرجوا اطباء مرت شهور الحمل الاولى بخير ورجعت منى الى عملها فى الصيدلية وفى شهرها السابع نصحتها الدكتورة بان تخلد للراحه لانها بكرية وتحتاج الى راحه اكثر ونفذت منى تعليمات الدكتورة وجلست فى البيت وكل من امها وخالتها ام امجد يخدمونها ولا يخلوها ترفع كباية موية وكلهم فى شوق لرؤية حفيدهم الجديد وحسب كلام الدكتورة بان المولود القادم ولد وجات مواعيد الولادة ؟ وحملت منى الى عيادة زميلتها وطبيبتها الدكتورة وفاء للولادة ان شاء الله لو كان فى العمر بقية نكمل