مجتمع غلاك - يا جرحها ماعاد في قلبي مكان

مجتمع غلاك (https://g-lk.com/vb/index.php)

- أدبيات وجماليات اللغة العربية (https://g-lk.com/vb/forumdisplay.php?f=17)

- - يا جرحها ماعاد في قلبي مكان (https://g-lk.com/vb/showthread.php?t=15952)

يا جرحها ماعاد في قلبي مكان

-

يا جرحها.. ماعاد في قلبي مكان
وماعاد فيني .. احتمل جرحٍ جديد

فقدت طعم الحب .. وإحساس الأمان
وعن أجمل اشيائي .. احس اني بعيد

كانت زمان .. وكنت أنا نبض الزمان
والحين احس اني مع احزاني وحيد

واغلى المشاعر ذبلت .. ومات الحنان
واشد قسوة .. قسوة القلب العنيد

خسرت .. لكني خسرت بلا رهان
وللحين .. مدري منهو اللي مستفيد

مدري عشان الحظ قصّر .. أو عشان
اللي نريد محبته .. هو مايريد !!

لكن بسيطه .. دام منهو خان خان
واعدت نفسي وعد .. يشبه للوعيد

ما ابكي على الماضي .. الى فات الآوان
حتى ولا احزن .. طالما غيري سعيد

وما اقول كنت .. وما اقول الحب كان
بس ما اتحمل جرح ثاني .. من جديد

رد: يا جرحها ماعاد في قلبي مكان

صح لسان شاعرها وناقلتها
اختيار مميز كعادتك اختي عبير
شكرا لك

رد: يا جرحها ماعاد في قلبي مكان

سلمتي ع النقل ،
يعطيج العافيه ،

شكرًا لأطروحاتك المميزة
تقديري .. :11:

رد: يا جرحها ماعاد في قلبي مكان

الله يقويك ويعطيك العافية يالغلا
وشكرًا لجهودك :610:

~

رد: يا جرحها ماعاد في قلبي مكان

راقني انتقائك
سلمت يداك وبانتظار جديدك
:9517: