بسم الله الرحمن الرحيم
وبه نستعين
الفصل السادس
ومرت الاعوام وكبر الاولاد وحمز باقى له ثلاثة اعوام وينزل المعاش ويستلم صديقه دينق مكانه فى رئاسة القسم ويتفرغ هو للاعمال الحرة والتى دخل فيها شريك مع اخوه زوجته يعقوب ؟ واصبحت مريم كل عام تسافر للعيد مع اهل حمزه فى الشمال ؟ وفى احد الزيارات وكان الصغيرة فاطنة فى عمر ثلاثة سنوات طلبت بنت عمه بان تترك مريم فاطنة معها لانها كانت متعلقة بيها شديد والصغيرة ايضاً كانت تحبها جداً وهي طبعاً ما عندها اطفال ؟ وسمح لها حمزه طبعاً بعد موافقة امها مريم وعادت مريم الى واو بعد ان تركت الصغيرة مع عمته فى الشمال ؟ ومرت سبعة شهور وجاء خبر وفاة زوج فاطنة اخت حمزه بنت عمه اثر علة مرض لم تمهله كثيراً ؟ وسافرت مريم للعزاء وايضاً من اجل أحضار الصغيرة فاطنة ؟ وبعد أيام العزاء قررت مريم السفر ورفضت الصغيرة السفر مع امها وارادت البقاء مع عمتها وطبعا لانها البنت الوحيدة بين ثلاثة اولاد لم يرفض لها طلب وجلست مع عمتها وكانت سلوتها الوحيدة ؟ وبعد عام من وفاة زوج اخت حمزه بنت عمه سافر حمزه ومريم اجازة الى الشمال ومعهم اولادهم الثلاثة فى اجازة المدرسة الولد البكر خضر فى اولي ثانوي واخوه البعده محمد فى الصف السادس وسيف الدين فى الصف الثالث والصغيرة فاطنة اكمل الان عامها الخامس ؟ وفى تلك الزيارة وكان موسم الحج على الابواب طلب حمزه من اخوه الكبير بان يتفرغ للسفر مع الوالدة لادائه فريضة الحج وهو جهز كل شى من اجل ذلك عشان الوالدته تقوم هذة السنة الحج ؟ وذهب حمزه الى امه وقال ليها يمة بكرة ان شاء الله تسافري مع اخوى طه الى الخرطوم عشان تعملي الجواز عشان السنة دى ان شاء الله انتي حاجة وقامت الحاجة امينة ومسكت ابنها وتبكي وتدعو له لانه حقق لها امنية غالية والحمدلله تحققت الان ؟ وعادوا بعد اربعة يوم من الخرطوم وكل الاجرات جاهزة والباقى اسبوع ويسافروا وودع حمزه امه واخوانه واخته ؟ وايضاً رفضت الصغيرة السفر ولكن حمزه اقنعها بان عمتها سوف تجي تقعد معها فى واو ؟ واخيراً وافقت آخر العنقود رجعوا الى واو والصغيرة دخلت الروضة وكانت الروضة قريبة من البيت ؟ ومرعام والجميع فى سعادة جاء خبر مرض والدة مريم فى راجا ؟ وقام الاستاذ احمد ومريم بسفر الى راجا لرويته الوالدة هناك وبعد مضى عشرون يوم على وصولهم راجا ؟ وفى مساء يوم حزين ذهبت مريم لاحضار بعض العشب لااجل عمل الاكل ؟ لدغها ثعبان وكان ذلك امام عيون اخوها واختها وتوفيت الى رحمة مولاها ودفنت فى ارض اجدادها ؟ وكان وقع الخبرعلى حمزه شديد ولكنها مشئة الله ولكل عمر اجله اصبح حمزه حزين على فراق زوجته وشريكة حياته وام اولاده ؟ وفكر حمزه من يرعي الصغيرة فاطنة هل يرسلها الى البلد تقعد هناك مع امه واخته الكبيرة لاانه لا يقدر هو على رعايتها مع عمله فى السكة حديد ثم اعماله مع يعقوب شقيق المرحومة مريم وانه صرف كل مايملك فى شراكه مع يعقوب وكمان الباقى له عام ونص وينزل المعاش ؟ وقال له الاستاذ احمد شقيق المرحومة الكبير انت لازم تتزوج عشان تربية البنت الصغيرة دى لو حابت اشوف ليك واحدة من هنا انا جاهز وكمان لو عندك واحدة من اقراباك فى الشمال يكون احسن المهم تربيت الصغيرة ؟ ويقول حمزه ان شاء الله الفيها ربنا يسويها وان شاء الله لو كان فى العمر بقية نكمل