مجتمع غلاك - الكبه الفلسطينيه ع طريقتي

مجتمع غلاك (https://g-lk.com/vb/index.php)

- مطبخي " يمنع المنقول" (https://g-lk.com/vb/forumdisplay.php?f=61)

- - الكبه الفلسطينيه ع طريقتي (https://g-lk.com/vb/showthread.php?t=22677)

الكبه الفلسطينيه ع طريقتي

يسعد صباحكم وكل اوقاتكم آل غلاك
بطلب من الغاليه @أماريلس;
حبيت اقدملكم طريقتي في عمل الكبه الفلسطينيه
https://scontent.fjrs4-1.fna.fbcdn.n...OA&oe=653A1F08

نبدء ونقول بسم الله
المقادير
1/كاسه ونص برغل ناعم
وانا برضه بطحنه ع ماكنة طحن السكر عشان يكون انعم درجه
2/كاستين وربع ماء مغلي
بنقعهم فيهم وبحركهم منيح وبتركهم لحد ما يتشربو
المي و يبردو
في هاي الاثناء بجهز للحشوه
1/ 2 ملعقه كبيره سمن في طنجره ع النار
2/حطي عليهم اللحمه المفرومه نص كيلو او اكتر شوي
3/حركي منيح لحد ما يتغير لون اللحمه
4/افرمي حبتين بصل ناعم وحطيهم عليهم وحركي منيح
5/قلبي منيح وبعدين ضيفي البهارات ملح وفلفل و أي بهار بتحبيه واتركي اللحمه تتشرب بعدين حطي اي نوع مكسرات بتحبيه واطفي النار.
بنرجع للعجينه
بكون البرغل برد وتشرب بنضيف لاله
كاس طحين
م ص..نعنع ناشف
دبس فليفله وان لم يوجد حبة فليفله حمرا مطحونه ناعم
مردقوش او برش ليمون بداله
نصف كاس زيت ذره
بصل باودر او بصله كبيره مبشوره ناعم
وملح والبهارات فلفل اسود وكمون
اعجني منيح وشكلي حبات الكبه ب ايدك
واستخدمي القليل من زيت الذره عند التشكيل لتسهيل التشكيل
بكونو معك بهاد الشكل

https://scontent.fjrs4-1.fna.fbcdn.n...CA&oe=6539FE14
ملاحظه مهمه
يفضل تفريز الكبه لو نص ساعه قبل القلي
مرحلة القلي
سخني زيت غزير ع النار
وبس يحمى بلشي بوضع حبات الكبه شوي شوي
بعدين وطي النار شوي عشان الحبات تاخد وقتها بالاستواء وما تضل معجنه من جوا
ولما تستوي وتاخد اللون المطلوب بطلعيها ع ورق المطبخ
وصحتين وعافيه♡