قلاية البندوره الفلسطينيه بناء ع طلب الغاليه اماريلس
 

يسعد مساكم آل غلاك

اليوم الغااليه اماريلس طلبت مني طريقة قلاية البندوره الفلسطينيه
انا الصراحه كنت مفكره الاغلب بعرفها
هي اكله بسيطه جدا وبنفس الوقت لذيذه جدا
مشهوره جدا جدا في فلسطين وفي الاردن
هي طبق جانبي فطور او عشاء

نبلش ونقول بسم الله
1/بقلايه ع الغاز حطي شوية زيت زيتون
راس بصل مفروم ناعم
(ممكن كمان تنعمل ع النار ،الحطب بتكون اله نكهه مختلفه تماما)
و٢ سن ثوم مفروم
وقرن فلفل اخضر مفروم
وممكن قرن الفلفل نحطه متل ما هو مش مقطع
معلومه{اهل غزه بحبو الحار كتير كتير ف ممكن يحطو
بهالاكله اكتر من قرن وتكون حراقه كتير}

2/قلبي البصل والثوم والفلفل ع النار لحد ما يتحمرو
3/بتكوني قطعتي البندوره اما مربعات او دوائر اوشرايح
متل م بتحبي

4/حطي البندوره فوق البصل والثوم

5/حطي بس رشة ملح وغطي القلايه وخففي النار
واتركيها لحد ما تستوي البندوره تماما
وبس هيك
ما عندي صور والله كنت ضفتلك مع الوصفه
لكن هاي صوره من النت متل اللي بعملها تماما
https://www3.0zz0.com/2023/12/17/16/795169206.jpg[/]

وهاد مقطع ريلز ان شاء الله يزبط ويفتح معك
https://youtube.com/shorts/wChdmTDW6...vYqH1OGU-rmXow

رد: قلاية البندوره الفلسطينيه بناء ع طلب الغاليه اماريلس
 

@أماريلس

رد: قلاية البندوره الفلسطينيه بناء ع طلب الغاليه اماريلس
 

:479:
أسهل مما تصورتها، جربت أشوف وصفات
بس كان في خاطري أعرف وصفتك الخاصة
لأنه ما دايما تضبط وصفات الإنترنت :ff1 (62):

أحسها تناسب تكون أيضًا صوص بيتزا أو باستا :ff1 (152)::11:
تسلم إيدك وشكرًا لك

رد: قلاية البندوره الفلسطينيه بناء ع طلب الغاليه اماريلس
 

بالزبط هي صوص بيتزا بس ضيفي عليها شوية زعتر او اي اشي بتحبي نكهته
كتير سهله
والنضج على حسب م بتحبي
في ناس بتحبوها تستوي ع الاخر وتذوب..متلي
وفي ناس بحبو اتضل قطع البندوره مبينه

يلا جربيها واحكيلي
ملاحظه..اختاري حبات البندوره طريه مش قاسيه..ازكى
فتح معك الرابط؟

رد: قلاية البندوره الفلسطينيه بناء ع طلب الغاليه اماريلس
 

من اكلاتي المفضلة
بس احنا منعملها مع رز
يسلمو توامي عالوصفة
م ننحرم

رد: قلاية البندوره الفلسطينيه بناء ع طلب الغاليه اماريلس
 

:358:
ياعيني ايش هذا
الشكل الذيذ
بس ماتوقعت الطريقه بـ هالسهوله
جد تحمست اجربها بس عادي نبدل الفلفل > المعده ماتتحمل الحار
الف شكر لك عيوني هل الوصفه
تسلم يدينك يارب:11: