مجتمع غلاك - "انطوائيه"

..

.....فمان الله ياحُبٍ ترَك خلفه رجِل مكسور
.........وعَيَّشْهِ الضياع وْغربة العمْر الظَّلاميَّه

.........فمان الله ياحبٍ أعيشه حي بس مقبور
........ابيه وْلاقدرت أَهْزم سيوف سْلوم رَجعيَّه

خذوا بنت الخفوق وْبنت أْشعاري بظلم وْجور
........بأَعْرافٍ مَهِي في ديننا الاسلام شرعيَّه

..وفاز ابها رديٍ في المراجل لامكان أو دور
...وهذا اللي فلَج قلب العزوم وْمَيْسَم الكيَّه

هنوف مْن الطُّهُر أَطهَر وِكِنْقَة كلْ بنات الحور
..........غزاله،ذيبهَ مْن الحسْن مرْويَّه وِمكسيَّه

يِغطِّي رْدوفها الشَّعْر الحريري الدَّامس الدِّيجور
...........وكلْ من هو غَزَتْهِ بْدعجها مسلوب حرِّيَّه

... خليطٍ من عطور وْمن بياض وْمن شعاع النور
............. دوايه في رحيق لْوردةٍ بالحيل ورديَّه

غدا لون الشَّفق في وجنتيها العاشق المأسور
............والى منها اضْحَكَتْ غمَّازتيها عزَّرَن فيَّه

. عذابي يارقَبْةِ الظَّبْيِ من تحْتِك ثمَر محظور
هنِيْ من هو خذا غفوه مَ بين (....) خوخيَّه

..وعذابي ياخصِر ضامِر وِردف مْن التَّرَف مغمور
وكُفوف ادفى من اكفوف الامومه لابْن وابنيَّه

...........معاها ولَّت أَيام لْحظوظٍ صُمْخ عُرْجٍ عُور
....ولقى فيها اليتيم آمان يروي ظْماه حنيَّه

الين الوقت ردِّ وْشان وارض الحلم صارت بور
......صحيت مْن الهنا مَنفي فِظلْمات انطوائيَّه

..بتبكيهاالقصايد طالما لي في الشِّعِر حنجور
............وباترك واقعي واعيشها فْدنيا خياليَّه

........فمان الله ياحبي وسحر الساحر فْمسحور
......مدامي حي لك ذكرى فعمري تْعيش جِنبيَّه

المعتفس