((لي عشقة ما هي مع البيض يا ناس))
 

لي عشقة ما هي مع البيض يا ناس
ولا ظنتي بين الصبايا .......... مثيله
عشقة هوى للروح والقلب واحساس
المترفة فاقت عليهن .......... طويلة
يزهى عليها لبسها طقم ..... الالماس
والا الشهد بين الاشافي ........ ونيلة
من شافها صابه من الشوق وسواس
يا ويل عينه بالسهر طال ......... ليله
ريمية حياتها بين ........... الاطعاس
مشروبها صافي قراح ......... الثميلة
ريح الخزامى والنفل بين ... الانفاس
ومبيسمه غطاه باطراف ........ شيلة
ما شاقها غير الفتى قاسي .... الباس
ما هو جبان حار برمحه ....... يشيله
يزهاه سيفه باللقاء وقب ... الافراس
ويزهاه قول الناس حامي ... الدبيلة
اخت الذي ما هيبه كل ......... عباس
يرمس على ذيب السرايا ...... بخيله
هي نقوتي من بينهن ترفع ... الراس
قصيرة الخطوات بحي ....... القبيلة
ما هي من اللي كسبها كل .... لولاس
شر شرير للبراقي ................ عميلة
مستورة غض البصر عندها ... ساس
خنساء الكلام ولا تجيب .... الفشيلة


القارظ العنزي

رد: ((لي عشقة ما هي مع البيض يا ناس))
 

صح لسانك وسلم نبض قلمك شاعرنا القارظ
ودمت بخير

~

رد: ((لي عشقة ما هي مع البيض يا ناس))
 

صح لسانك ياجزل
ولاعدمنا فيض ابداعك

رد: ((لي عشقة ما هي مع البيض يا ناس))
 

لي صاحب رفقته ترفع......الراس
راعي كرم والنفس ماهي... بخيله

فعايله بالخير تحكي بها.....الناس
ماشافت عيني بالبشر ....... مثيله

وغلاه بالحنايا ومبني على ..ساس
لوغاب ليله ياكنها الفين......... ليله

من زود الغلا احسه يجري بالانفاس
ولالي في غلاه ياناس ......... حيله

❤️

الشاعر العذب

🌹القارظ العنزي🌹

صح لسانك ملايين
تقبل مروري كماهو

ودي وجنائن الجوري

رد: ((لي عشقة ما هي مع البيض يا ناس))
 

صح بدنك ويسلم
عمرك غاليتنا رآنيا

رد: ((لي عشقة ما هي مع البيض يا ناس))
 

صح بدنك ولا عدمنا
حضورك المعتفس