في غيابك كل طاري ياحسافه
 

ياربيع القلب ولا ياجفافه
يامشاوير الضياع وياحنيني

ياطريق الحزن ياأول مطافه
ياآخر دروب الفرح يا أول ونيني

من عذابي صار في جسمي نحافه
أستر جروحي ولا أبيح كنيني

وعقب عرفك بان فالحال اختلافه
سبتك يالي لياضقتي تجيني

ومن لقاني شاف في حالي كلافه
وأنتي ماتدرين وش قد صار فيني

في غيابك كل طاري ياحسافه
وفي حضورك كل شي في يديني

كنت أصد من الفراق وكنت أخافه
وصرت أخاف انك تجين تعذبيني

خاوي نجوم السما لأبعد مسافه
واتركيني في عذابي وأهمليني

عرضيني للهبوب وللصلافه
خلي الفرقا تصير وتحتويني

حبك أكبر ذنب وأعلنت اقترافه
فآخر المشوار هدي واسمعيني

صاحبك لا راح ماينظر خلافه
عادتن فيني وأنا بأول سنيني

لاتجيني بالمحبه واللطافه
كلمتي وحده وأظنك تعرفيني

رد: في غيابك كل طاري ياحسافه
 

الله يا أنفاس

جميلة جدا
صح ذوقك

رد: في غيابك كل طاري ياحسافه
 

صح لسان شاعرها وناقلها وسلمتِ يالغلا

~

رد: في غيابك كل طاري ياحسافه
 

انتقاء رائع
سلمت اناملك :رحيق:

رد: في غيابك كل طاري ياحسافه
 

موضوع في قمة الروعه
لطالما كانت مواضيعك متميزة
لا عدمنا التميز و روعة الاختيار

دمت لنا ودام تالقك الدائم

رد: في غيابك كل طاري ياحسافه