مجتمع غلاك - يالغايب اللي غابت ايامي معـاك

مجتمع غلاك (https://g-lk.com/vb/index.php)

- أدبيات وجماليات اللغة العربية (https://g-lk.com/vb/forumdisplay.php?f=17)

- - يالغايب اللي غابت ايامي معـاك (https://g-lk.com/vb/showthread.php?t=4996)

يالغايب اللي غابت ايامي معـاك

يالغايب اللي غابت ايامي معـاك
يا جعل ما جاني من الفرقـا يجيـك

استغفر الله !! جعل ماجانـي فـداك
حتى لو ان نهايتي على يدييـك!

مسامحك واللي بقوله فـي قفـاك
خيرك كثيرويرحـم الله والديـك

ماصار شي ابلا رضاي الا رضاك
اللي ماهو فيني وابيـه القـاه فيـك!

كنت السما في عيني وعيني سمـاك
كانت حياتـي كلهـا منـك واليـك

كنت بيديني مير مدري مـن خـذاك
حسبي على تقصيري وحسبي عليـك

علمتني.. وش الحياه مـن الهـلاك
في موادعك هذا وفي جيّتـك ذيـك

ياكيف ابلقى شخص يسواني سـواك
كل مانويت انهيك في شخص ابتديك

أبـدى أقـارن مستـواه بمستـواك
واخاف لاتزعل وابيعـه واشتريـك

والمشكله رغم محبتـك وغـلاك
واني رغم كل شيّ مشتـاق وابيـك

ما هوب من حقي يضايقني جفـاك
ولااعشقك ولاالمحك ولااحتريـك

لكن ما يخفانـي ولا اظـن يخفـاك
حقي عليك انّك تطمنّي عليـك