|
طفولة عضو •
نتساءل نحن والذكريات دوما عن سرٍ ..!!
هل كنا أطفالا نلعب / نضحك / ونلهو ...؟؟ أم كنا طيورا .. فوق الشمس نحلق /نُغني /ونطير ..؟؟ هل كانت أيامنا أسراب حمام وهديل ..؟! أم كانت أوهاما .. وسرابٍ في الأرض يسيل ؟! يسكننا فرحٌ وحب كثير يجهلنا حزنٌ وهم كثير نجري كالنهر ونرقص كنسمات عليل !! تلكـ هي الطفولهـ تحمل الكثير من المواقف والذكريات ويخالطها الحزن تاره والفرح تارة أخرى ولكـن ؟؟ تبقى الذكريات هي سيدة الموقفـ ؟؟ نبدأ الأسئلـــــهـ -هل كنت مشآآآآكس أو كنت على نياتك وهادئ؟؟ 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ 3-موقف حصلّك وأنت صغير وللحين مأثر فيك؟؟ 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ 5- من أقرب طفلـ/ـة من الجماعة كانـ/ـت أقربلك؟؟ 6- كم كف اخذت وانت صغير؟؟ 7- وش اكثر حلاوة كنت تحبها في طفوولتك الرائعه ؟؟ 8- ماهو مستوى العصبية اللي كنت فيها " مرتفعة / متوسطة / منخفضة " ؟ 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ 11-ماهو اكثر مكان كنت تحب تروح له ؟؟ " مدينة العاب. حديقه ... الخ 12-ماهي اكثر لعبه كنت تحب تلعب فيهاا ؟؟ 13-هل كنت تبكي كثير ؟؟ 14-ماهو اكثر فيلم كرتوون كنت تحب تشووفه ؟؟ 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ 16-موقف صار لك ولحد الحين اذا ذكرته تضحك ؟؟ 17-كنت تحب الحليب والا تشربه بالغصب ؟؟ 18-كنت شاطر بالمدرسة او لا ؟؟ 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ 20-كلمه دآآيمة على لسآنك!! 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ 22-ما هو اقوى عقاب في حياتك عوقبت به ؟؟ 23-نشيد كنت تحبه أيام الطفوله ؟؟ 24-ماهي الموآقف اللي عرضت فيها اهلك للاحراج؟؟ 25-كيف كان اول يوم مدرسه لك بكيت ولا لا ..؟ 26-ضعت في مكان؟ .. سوق او حديقه .. اذا اي قول لنا السالفه ..؟... 27-ماهي اجمل هديهـ خذيتها في طفولتك...ومانسيتها ابد...؟! 29-بصراحهـ من كنت تحب بطفولتك اكثر امك ولا ابوكـ....؟! 30-موقف سويته ..والى الحين مااحد يدري عنه ؟ 31-مين اعز صديق طفولة و الى الان متواصل معه؟ 32- نقدر نشوف صورتك وانت صغير ؟ نختار اول ضيف سافانا ونرجو منك اختيار عضو مِن بعدك ليستمر الطرح |
رد: طفولة عضو •
فكره مرررره جميييله
كل عضو يجاوب ويختار عضو بعد ياليت ينبهه على الزوار برابط الموضوع عشان يمشي الموضوع ولا يتعطل |
رد: طفولة عضو •
اقتباس:
ياصباح الجمال والحب والذكريات الجميله ياهلا با صحافه منتدانا الرائعه اولا بتشكرك لإختياري ومنحي فرصه استرجاع بعض الذكريات وتسليط الضوء على حقبه زمنيه من الماضي الجميل وان شاء الله لي عوده في المساء للإجابه على كل الأسئله :10ل0: |
رد: طفولة عضو •
هل كنت مشآآآآكس أو كنت على نياتك وهادئ؟؟
هادئه ذكيه مرتبه وبتصرف مثل الكبار لان احتكاكي في الغالب مع كبار 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ طبعاً مميزه جداً بحكم اني اعيش مع جدتي بعد انفصال الاب والام فكنت بالنسبه لها شئ عظيم حصلت على الكثير من دلال و غنج المغلف بالحزم و الصرامه في بعض الأحيان 3-موقف حصلّك وأنت صغير وللحين مأثر فيك؟؟ ماثر فيني إلى الان الحمد لله لا يوجد 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ بخصوص المال جدتي كانت بتعطيني ببذخ فالمال فقد بريقه في نظري فاجمل عيديه حصلت عليها كانت زياره للوالد ما انسى لحظه شعرت بحرار جسمه وهو بيحظني بعد فتره غياب طويله 5- من أقرب طفلـ/ـة من الجماعة كانـ/ـت أقربلك؟؟ من الجماعه تواصل اسري من هذا النوع كان محدود وسطحي جدا لان جدتي كانت دكتوره فحياتها كلها سفر و مرضى اصدقائي في الغالب زملاء دراسه 6- كم كف اخذت وانت صغير؟؟ الحمد لله كنت في بيت على قدر عالى من الوعي والفهم والإلمام بما يقتضيه مفهوم التربيه 7- وش اكثر حلاوة كنت تحبها في طفوولتك الرائعه ؟؟ تشوبا تشوبس 8- ماهو مستوى العصبية اللي كنت فيها " مرتفعة / متوسطة / منخفضة " ؟ منخفض جداً 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ عندي اخوان من الاب واخوان من الام اما اشقاء ماعندي انا فقط 11-ماهو اكثر مكان كنت تحب تروح له ؟؟ " مدينة العاب. حديقه ... الخ الموتمرات الطبيه مع جدتي ههههههه 12-ماهي اكثر لعبه كنت تحب تلعب فيهاا ؟؟ المراجيح في حديقه البيت 13-هل كنت تبكي كثير ؟؟ مافي شي يعكر مزاجي علشان ابكي الحمد لله 14-ماهو اكثر فيلم كرتوون كنت تحب تشووفه ؟؟ مافي شئ محدد 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اجمل واروع اللحظات من الطفوله وإلى الان اقضيها مع الاخ والصديق و روح القلب ( فهد ) 16-موقف صار لك ولحد الحين اذا ذكرته تضحك ؟؟ الموقف هذا بوقتها كان مؤلم لكن مع الوقت صار ذكرى مضحكه جدتي كانت دائما تعلمني كيف اقف بشكل صحي مستقيمه الظهر استقامه اميرات دزني ههههه فكنت انفذ تعليماتها بدقه وانا في سمعان الكلام ماعندي يما ارحميني تنفيذ فوري هههههه الحدث هذا صار وانا في الصف الأول الإبتدائي كانت فيه بنوته دائما متقوقعه على نفسها فظهرها مومستقيم وتعاليم الجده اننا نرفع راسنا لفوق علشان ظهرنا يستقيم فأنا اخذت دور الواعظ رفعت راسها كم مره علشان تتعلم تجلس بشكل حلو ما تسمع الكلام الى ان جاء يوم وضربتها بالكتاب على ظهرها ما اعرف ليه تصرفت بالشكل العنيف هذا فهيا شئ طبيعي بتدافع عن نفسها حصل بيننا صراع تخلله بعض الخربشات وعضتني وانا اصلا ما احب المشادات فبكيت وقتها بحراره البنت هذي كانت سمراء حبتين فشكلها ما تأثر بالمعركه وانا بشرتي فاتحه فصار لوني احمر دموي وهذا الشئ خلا المس تتعاطف معاي اكثر فخفف وقع الصدمه ههههههههههه وما كنت اريد إلا الإصلاح النوايا الطيب لا تبرر الاسلوب الخاطي 17-كنت تحب الحليب والا تشربه بالغصب ؟؟ هو اكثر شئ شربته في الحياه 18-كنت شاطر بالمدرسة او لا ؟؟ جيده جيداً ولكن كنت جذابه للمعلمات فارتقي الى مرتبه الامتياز 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ جدتي علمتني الصوم على مراحل حسب القدره مافيه صرامه الموضوع تعليمي فكانت تشجعني و تغريني بطرقها المميزه 20-كلمه دآآيمة على لسآنك!! مافي شي محدد 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ لا على الإطلاق عندي الشجاعه الكافيه للإعتراف بالخطاء الطفل يلجى للكذب بسب سؤ معامله وتقدير الاهل هذي نقطه مهمه 22-ما هو اقوى عقاب في حياتك عوقبت به ؟؟ مايحضرني شئ 23-نشيد كنت تحبه أيام الطفوله ؟؟ النشيد الباااائس هذا هههههههه Hello teacher, hello mom, hello hello everyone, good morning teacher, good morning mom, good morning good morning everyone. 24-ماهي الموآقف اللي عرضت فيها اهلك للاحراج؟؟ واحنا معزومين عند ناس هههههه قطفت ورودهم وعملت باقه الله يسامحني 25-كيف كان اول يوم مدرسه لك بكيت ولا لا ..؟ لا ل ان جدتي هيأتني نفسياً للدخول في عالم المدرسه 26-ضعت في مكان؟ .. سوق او حديقه .. اذا اي قول لنا السالفه ..؟... ما ادكر انو في يوم ضعت 27-ماهي اجمل هديهـ خذيتها في طفولتك...ومانسيتها ابد...؟! مافيه شي محدد لان جدتي بتعطيني بلا حدود فكل الاشياء جميله 29-بصراحهـ من كنت تحب بطفولتك اكثر امك ولا ابوكـ....؟! جدتي الله يرحمها كانت كل شئ 30-موقف سويته ..والى الحين مااحد يدري عنه ؟ موقف ماحد درى عنه نهائي مافيه ولكن فيه موقف مااحدى درى عنه بوقتها بعدين اعترفت للجده لما رجعنا للبيت زمان وانا صغيره كنا في زياره احد الاصدقاء كان في منتصف الممر طاوله مستديره مغطاه بالورد والشموع تسلقت الطاوله علشان اخذ ورده فطاح عدد من الشموع والمفرش احترق والدنيا شعللت وكان بيصير كارثه حقيقيه ( انتبهو للنقطه هذي في حفلاتكم ) 31-مين اعز صديق طفولة و الى الان متواصل معه؟ مع الاسف كل اصدقاء اطفوله انقطعت صلتي فيهم والسبب انشغالي الشديد 32- نقدر نشوف صورتك وانت صغير ؟ هههههه طفله جميله وهذا يفي بالغرض اختار ( محال ) همسه قد يستغرب البعض من كثر ذكر الجده هذه الأنسانه العظيمه تستحق ان يذكر اسمها لما لها من مواقف عظيمه ليست على المستوى الشخصي فقط انما تتعدي الى ماهو ابعد من ذلك بكثير اتمنى من كل شخص يقراء كلماتي ان يدعو لها بالرحمه فهى شخصيه جديره بالإحترام والتقدير في حياتها وبعد مماتها . شكراً لوقتكم 🌹 |
رد: طفولة عضو •
سافانا
هلو تيتشر هههههههه اعجبتني الانشوده <= اول مره يسمعها ههههه عموماً شكراً على الاختيار والله يرحم جدتك واجدادي وجميع موتى المسلمين ولي عوده باذن الله للإجابة على الاسئله <= يارب ماانسى هههههه تحياتي للجميع |
رد: طفولة عضو •
صباح الخير وصباح الروقان وصباحكم انا <= امحق صباح هههههه تدرون اني محتار مدري مين اختار بعدي لكن بشوف المتواجدين بعد مااجاوب واختار منهم يعني ادري انكم بتحسدون اللي راح اختاره لأني انا تواضعت واخترت مثل ماحسدتوا سافانا انها اختارت شخصيه مهمه مثلي ووافقت ياجماعه ترى حنا الصباح ورايق ولحد يدقق ويقول مغرور ههههههههه بسم الله ونبداء نجاوب <= ايوالله بسم الله هههههههههه -هل كنت مشآآآآكس أو كنت على نياتك وهادئ؟؟ كنت مؤدب وهادئ وشاطر ولله الحمد 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ ايه عند اجدادي كلهم لكن جدي من ابوي غير كان يسافر عشان يشوفني ومره خذاني من اهلي اسبوع وقتها لبست ملابس بنت عمتي <= جاب العيد هههههههههه وبرضو تأكيداً لأهميتي جدي انتقل وسكن عندنا عشان فقدني انا واخواني هو اكيد انا بس اللي فقدني لكن تواضع مني كتبت انا واخواني ههههههههه 3-موقف حصلّك وأنت صغير وللحين مأثر فيك؟؟ اذن المغرب وانا بعيد عن البيت وشفت كلب وانتم بكرامه هو يمشي بحاله بس انا شفته وهربت وهو يركض وراي شكله كان فاقد اصدقائه ويحسبني منهم وبيلعب معاي عاد اذكر اني من يومها صرت اسرع واحد بالحاره واكثر واحد سالت دموعه ذيك السنه هههههههه 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ سؤال محرج الله يسامح اللي حطه مافي اكبر عيديه واهم من وجودي بهالدنيا هههههههه <= والله امزح اذكر خالتي ام ماجد لاجاء العيد توزع شرهات غير عن الباقين اللي يعطوننا عشره وعشرين هي ماكانت تعطيني اقل من خمسين ومرات ميه يابعد راسي ياام ماجد والله ماانساك طيب عطها عيديه عقب ماكبرت يالبخيل <= ادري احد قال كذا في قلبه هههههه 5- من أقرب طفلـ/ـة من الجماعة كانـ/ـت أقربلك؟؟ عيال عمي كلهم بصراحه كنا بيت واحد يعني لاتستغربون اصحى من النوم افطر عندهم ومرات اصحى الاقيهم عند امي يفطرون ههههههههههههه 6- كم كف اخذت وانت صغير؟؟ بصراحه كنت مؤدب ومالي مشاكل مع احد واهلي الحمدلله مهما وبخوني مستحيل يوصل الموضوع للضرب ومااخفي عليكم مرات اتمنى ابوي يضربني ولا يهاوشني <= صوته هيبه هههههههه 7- وش اكثر حلاوة كنت تحبها في طفوولتك الرائعه ؟؟ كنت خاق على عصير مو حلاوه اسمه اورنجينا كان فخم مره هههههههه 8- ماهو مستوى العصبية اللي كنت فيها " مرتفعة / متوسطة / منخفضة " ؟ منخفضه جداً وحالياً مرتفعه جداً بس حنون ياجماعه <= يرقع ههههههه 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ الثالث .. مااثر ولله الحمد ولاحسيت بالفرق بيني وبين اخواني وخواتي 11-ماهو اكثر مكان كنت تحب تروح له ؟؟ " مدينة العاب. حديقه ... الخ ملعب الحارة عند بيت عمي 12-ماهي اكثر لعبه كنت تحب تلعب فيهاا ؟؟ كرة القدم ومازلت احبها واحب الهلال بطل اسيا الزعيم العالمي <= عشان ينقهرون النصراويه هههههه 13-هل كنت تبكي كثير ؟؟ لا الحمدلله <= يتذكر ابوه قاله البس نعالك وتعال وسحب عليه وصاح للمغرب هههههههه 14-ماهو اكثر فيلم كرتوون كنت تحب تشووفه ؟؟ من يوم يومي وانا شنب ومااتابع افلام الكرتون ماوكلي والكابتن رابح <= هذا الادمان اللي مازال فالذاكره ههههههههه 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اخوي اللي اكبر مني لأن اللي بعدي 3 بنات على بال ماجاء بعدهم ولد صرت راعي مسؤليه واسرح بالغنم وماافضي للعب هههههههههههههه 16-موقف صار لك ولحد الحين اذا ذكرته تضحك ؟؟ هذا الله يسلمكم راكب مع اخوي وراء ع السيكل واخوي مسوي فنان سواقه عاد انا طلعت راسي وهو من الفن شطف جنب عمود الكهرب ع اساس حريف وجه الحمار <= حاقد ع اخوه للحين هههههه المهم والله ويصقع راسي فالعمود واطيح واخوي وقف ويناظر ويضحك عاد اكبر مني لو قلت له شيء توطى فبطني وخلاني جنب العمود قمت ونفضت ملابسي وركبت معاه ونزلني عند البيت <= ناوي يكمل ويوم نزلني بس دخلت البيت وشفت امي قمت ابكي هههههههههههههه 17-كنت تحب الحليب والا تشربه بالغصب ؟؟ تصدقون والله ناسي هههههههههههههههههه 18-كنت شاطر بالمدرسة او لا ؟؟ شاطر قليله كنت متفوق ولله الحمد <= هذا اللي مصبر اهلي علي هههههه 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ يازين رمضان سواء صايم ولا بزر هههههههههههههه للعلم انا ماصمت الا وعمري 13 واول سنه صار فيها لقيمات بالدس ههههههههه بعد كذا صرت اصوم ولليوم هذا وانا اصوم ومااكل لقيمات ههههههههه 20-كلمه دآآيمة على لسآنك!! ناسي اشرب حليب ولا لا وتبون اتذكر كلمه كنت ارددها مدري ليه تذكرت سلوى المطيري وهي تقول الله يسلط عليكم هههههههه عموما مااتذكر وشكراً <= شكلي فقدت الذاكره هههههههه 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ نو نو نو وي وي وي لا لا لا مستحيل مستحيل مستحيل والله كنت مسالم جداً 22-ما هو اقوى عقاب في حياتك عوقبت به ؟؟ مانسيت مره كانت عيوني متنفخه انا واخوي الكبير <= طبعاً اكبر مني عمر فقط والا انا اعقل هههههه وكان وقتها المستوصف يداوم بعد المغرب <= طبعاً الجيل الجديد مايعرفون هههههههه المهم اخذنا قطرات ومرهم وكنا وقت الشتاء وفي عشاء عند عديل ابوي يعني زوج خالتي المهم امي وخواتي رايحين العشاء وحنا قطر ابوي في عيوننا وحط مرهم وراح للعشاء وسحب علينا ههههههههههههههه هذا عقاب بريء بس مانسيته ههههههه 23-نشيد كنت تحبه أيام الطفوله ؟؟ كنت احب لاتخافي لاتخافي نحن ابطال المطافي لدرجة اني نجحت من رابع كنت ابي اسجل بالدفاع المدني وقالوا وين يابابا ادرس باقي خامس وسادس ومتوسط وثانوي ولكن مازلت احبها وارددها للحين <= يارب انك تسامحيني هههههههههه 24-ماهي الموآقف اللي عرضت فيها اهلك للاحراج؟؟ مو احراج اذكر خوفت امي كنا عند خالتي وقالت لي خالتي روح لغرفة العيال ونام فيها وانا رحت وطلعت برا ومشيت مشوار طويل مدري للحين وربي ليش الزبده لقوني اخر الليل نايم في برحه عند شجره صغيره هههههههههههههه بس والله ناسي انا للحين هاليوم وامي مازالت للحين تذكره وتقول الله لايعيدها من ليله ههههههههه 25-كيف كان اول يوم مدرسه لك بكيت ولا لا ..؟ ناسي بس اكيد اني بكيت هههههه 26-ضعت في مكان؟ .. سوق او حديقه .. اذا اي قول لنا السالفه ..؟... مادريت عن السؤال الا الحين لكن ارجعوا للسؤال 24 ههههههههههه 27-ماهي اجمل هديهـ خذيتها في طفولتك...ومانسيتها ابد...؟! الله يخلي خالتي ام ماجد ههههههههههههههه 29-بصراحهـ من كنت تحب بطفولتك اكثر امك ولا ابوكـ....؟! ابوي لين يمكن عمر 10 سنوات بدت تقتحم المنافسه امي وفازت وتقدمت ع ابوي وكلهم عينين في راسي الله يحفظهم لي ويطول في اعمارهم ويحفظ لكم والديكم واحبابكم وشكلي بلقي عليكم محاضره عن بر الوالدين هههههههه 30-موقف سويته ..والى الحين مااحد يدري عنه ؟ دام للحين محد يدري عنه ليش تبون اقوله لكم ومن انتم وبأي صفه تسئلون شكلي متأثر بمسلسلي الجديد ههههههههههههه مافيه شي ع بالي <= وتلف وتدور ليش ههههههه 31-مين اعز صديق طفولة و الى الان متواصل معه؟ كان واحد اسمه متعب الى رابع ابتدائي درس معاي وبعدين طس مدري وين عاد كبرت وصرت ادري انه حنا خواله وراح ديرة اهله وسكن هناك الحين كل ثلاث سنوات اشوفه مره هههههههههههههههههههههههههههه 32- نقدر نشوف صورتك وانت صغير ؟ تقدرون بس كم تدفعون التراث قيمته فيه لازم نتفق اول ههههههههههههههه بصراحه ماعندي مانع لكن مافيه صوره متوفره جنبي واذا حصلت راح احطها لكم <= ناوي يرجع ههههههههههههه الحمدلله انتهت الاجابه <= احس انتم اللي بتقولون الحمدلله افتكينا هههههههههههه عموماً شكراً للمره السبعين على الاختيار ونلتقي في استضافات قادمه واستحقاقت جديده والى الملتقى <= تذكرت ابوخالد السبيكه الله يرفع عنه ههههههههه اختار بعدي مستريح البال <= من غير تفكير هههههههههههه |
| الساعة الآن 02:14 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~