مجتمع غلاك - في سما حُبك سدَم

مجتمع غلاك (https://g-lk.com/vb/index.php)

- أدبيات وجماليات اللغة العربية (https://g-lk.com/vb/forumdisplay.php?f=17)

- - في سما حُبك سدَم (https://g-lk.com/vb/showthread.php?t=7917)

في سما حُبك سدَم

-

في وسط قلبي سفينه وفي سما حُبك سدَم
تشتهي بحرك وتجري عكس شهوتها الرياح

كن هذا الصبح بـ العتمه بليّاك ، إنردَم
يا صباح الخير من غيرك بلا خير الصباح

أثر ثلج فراقنا يلسَع وشوقك ، ما خِدَم
توّي أفهم :شنهو تعني لسعة الثلج لـ فلاح

لا تحارب ما أبيك تعض إبهامك نِدَم ،
جيت لك :قصدي إنت فاهم ، شوووف ما أحمل سلاح

الزعل : غلطة حبايب قلب من قلب إنصِدَم
والرضى ساكت ، وعزة نفس تتثاقل سماح

ياحبيب الجرح شوف إحساس محبوبك عَدَم :
ما يحس القلب في جرحك وهو كله جراح

كان في وجهك بقى لك دمعتين ، وفيه دَم ؟
هذي هُدنه نتّفق ب شروط وننساه اللي راح

يا أجي أرضك وأترك فيها لي بصمة قدَم ،
أو أصد وأكتب عليها : أرض مافيها صلاح

يا أعيش بـ وسط قلبك ونبني كل شي إنهِدَم
وإلا قدامك أموت وأوقف ب وجه الرماح

إعتبر نفسك معزّب و المشاعر لك : خَدَم ،
وإنت كيفك دام قلبي أرض منزوعة سلاح

رد: في سما حُبك سدَم

يسعد صباح ذوقك

تسلمين

رد: في سما حُبك سدَم

سلم الذوق الرفيع
نقل رائع جدا
الله يقويك ويعطيك العافية يالغلا

~

رد: في سما حُبك سدَم

جميله جدآ ..
صح لسآن قآيلهآ وسلمتي على النقل ..

-

رد: في سما حُبك سدَم

عبير

يا روعتك

رد: في سما حُبك سدَم

-

سلمت على هكذا إنفراد وَ تميُز
دام حضورك وَ عطائِك اللا محدود ..!

رد: في سما حُبك سدَم

تسلمين على الذوق
جميلة اعجبتني
شكرا لك

رد: في سما حُبك سدَم

راقني انتقائك
سلمت يداك وبانتظار جديدك
:9517: