|
وعلى نياتكم ترزقون...
السلام عليكم ورحمة الله وبركاته
مساء الخير اخواني واخواتي.. اخباركم.. عساكم بألف خير.. . . . مشكلتي.. صار لها اسبووع.. جابت لي المرض وكثرت التفكير وغير الصدمه القويه الي حتى دموع عيني ماوقفت. هذا الشخص او اقول مع صديقه الي اعتبرها مثل الاخت.. عشرة عمر دامت سنوات.. من ايام طفولتي ف ابتدائي .. المهم. اني عرفت هذا الشي من صديقه لي تكلم صديقتي الي هي الاساس ف الواتس وقالت لي صديقت عمرك تقول عنك هذا الكلام صورت لي الشاشه وحذفتها واني اعرف اسلوبها ودائما تسوي لي مقالب واني عل نياتي واصدق بس هذا الكلام كان قوي جدا.. عليي.. كبرنا عل هالحركات و ماتابت والشكله تتكلم عن مرض وهذا المرض مو فيني وتقول انه فيني هالشي و وراثه ف عائلتنا. الاني احمل واجهض؛ واني ماعمري تكلمت عن حياتي الخاصه ولا اقول ل اي احد لو حملت او اجهض واني ما اقولها اي شي عني ليشش تجي وتأذيني.. ماعمري اذيتها بشي ونادر جدا اكلمها خاص كل يوم سرحانه وافكر جننتني مالها حق تدخل ف حياتي كلها والرزق على رب العباد ... اني مو قادره اتحملها. وبعدي ما واجهتها. قلت اتكلم هنا قبل لا اتصرف.. زوجي قال حظريها خواتي وامي قالو حظريها حظرتها وتجي من رقم ثاني .. فتحت قلبي لكم. وخاطري مكسور. >< ... . . |
رد: وعلى نياتكم ترزقون...
وعليك السلام زهراء
تحمدي ربك اللي كشفها لك هذا اولا ثانيا لاتتضايقين ..كلام الناس وسبهم حتى الله تعالى والأنبياء والرسل ماسلموا منه فشي طبيعي اذا تكلموا علينا الناس ثالثا ..عليك براي زوجك ..اذا قالك واجهيها واجهيها واذا قال لك بس احظريها احظريها ولاتضايقين نفسك واتمنى لك الابتسامة والسعادة الدائمة |
رد: وعلى نياتكم ترزقون...
•'
وعليكم السسلام و الرحمــهه ، يا قلبييي يا زهرتيييي ، شوفي ي قلبيي بكون معاجج واقعيــهه مهما كـانت علاقتي قويــةة من صديقـهه و غيرها من العلاقـات ، دايمـا حطي جانب في حياتج انج تكونين مستعده لاي صدمــهه ، عسب ما تضايقين هالكثر و تتعبين ' اولا ، احمدي رببج ربي كشفج حقيقتها ، و اهم شي ما تظلمينا ، بناء على محادثات واتس ، تقولين صديقةة عمر انتي متوقعه هالشي منها ......!! قد مره حسيتي بي يوم راح تجرحج بالكلام نفس هذا ..؟ و لا قد مره لمحتج و لا نغزتج بالكلام ...؟ بينكم عشرة عمر لا تخلين كلام واتس و كلام فلانه ياثر على علاقتكم ، ما اعرف كيف علاقتج مع البنت الثانيـةة ، ليش ما يكون هي تبي تخرب علييج و تهدم علاقتكم بناء على غرض ، لا تخذي الامور بعذي سهوله و تنهين الشي ، لان هذي الانسانه تعتبرينها مثل اختج و هي تعبرج مثل اختها ، علاقـةة الاخوه ما تنتهي كذا ، واجهيها افضل ، حتى ما يكون قصور منجج ، ولا تندمين مع الايـام ، انج نهيتي علاقتج معها بناء على كلام محادثات واتس ، و الي راح يصير يصبر لان انتي كذا كذا بناء على كلام اهلج ودج تحظرينها ، واجهي و طلعي الي ف قلببببج ' لا تضايقين نفسج ' و هني راح تعرفين الصددق ، . . شوفي يا قلبيي لا ياثر عليج كلام النــاس ، محد خـالي من مرض ولا تعب و لا عيب خلقي هذا كل من الله ، الله سبحـان و تعالى ما يعطينا شي الا و هو عارف قد شو نحن فينا حيل نتحمل و نصبر ' ربي بيعرضج باذن الله ، و ربي يجبرج ب قلبجج و خـاطرجج و لا يضيق صدرجج و عسساني افرح فيج بخبر يسعدجج و ينسيج كل الايام الي تعبتي فيها ، عساني ما اذووووق حزنجج يا قلبيي :n2: |
رد: وعلى نياتكم ترزقون...
وعليكم السلام ورحمة الله وبركاته
مساء الخيرات ليش مضايقة نفسج هالكثر أنتِ ما سويتي شي هي اللي تكلمت شوفي لا تتخيلين الناس ملائكة ودايماً توقعي أي شي من أي حد لأنهم بشر ومحد معصوم وكل حد ممكن يغلط لو فكرتي أنهم مثل الملائكة ومستحيل يغلطون بعدين من أول غلطة تشوفينها منهم راح تنهارين وتتعبين نفسياً تقبلي الواقع وقولي الحمدلله على كل حال يمكن خيرة وصديقتج اللي نقلت لج الكلام كوني حذرة منها ولا تعطينها أي سر من أسرارج لأنها مثل ما نقلت لج الكلام يمكن بعدين حتى كلامج تنقله لغيرج طبعاً مو لأنها سيئة بس يمكن تكون علي نياتها وتقول أي شي لأي أحد بدون ما تفكر بالعواقب وترى هي بعد غلطانة ما كان له داعي تنقل الكلام كان المفروض تسكت لأنه كان الكلام خاص بينها وبين البنت حتى لو أنه كلام سيء عادي ترى ف النهاية الحقيقة بتظهر من نفسها بدون ما تنقل كلام وتسبب لج ضيق وعبالها تحذرج ومرات اللي ينقلون كلام يزودون كلام من عندهم وممكن يكونون فاهمين غلط أصلاً لو تكلمين صديقتج وتفهمين السالفة منها أحسن خاصة إذا كانت علاقتج فيها زينة من قبل وما شفتي منها شي |
رد: وعلى نياتكم ترزقون...
يجب عليك أن تكوني مستعدة لأي صدمه
|
رد: وعلى نياتكم ترزقون...
-
حطي في بالك ان ممكن اي شخص بحياتك يأذيك ممكن حتى يكون اقرب لك من الصديق من اهلك بعد ، لذلك لاتعطين مجال ل اي شخص يتعدى حدوده ، في العلاقات بشكل عام يفضل ان تكون سطحيه الى حد ما ومنها تتجنبين المشاكل وترتاحين نفسياً مرات الوحده وتقليل العلاقات شيء جداً مريح .. |
رد: وعلى نياتكم ترزقون...
ً
ً الحقيقة ما فهمت زين هل انتي صاحبة المشكلة او غيرك وعلى العموم راح اعطيك رأيي الشخصي ويبقى بانك تعرفين نفسك وصديقتك اكثر منا اولاً لا تصدقين اي شيء منقول لابد تتأكدين بنفسك عشان ما تظلمين احد وكيف تتأكدين ! عن طريق الاتصال لا تراسلينها ابد .. اتصلي او حاولي تقابلينها وشوفي هل المنقول صحيح او لا اذا صحيح اسأليها عن السبب ! واذا قالت ما قلت .. خلاص صدقيها وبلاش تنبشين وراها وبلاش زيادة تحقق طبعاً انتي حكمتي على صحة الكلام من خلال معرفتك اسلوبها لكن مهما كان لا تقفين عند هذا الشيء وحاولي تتقابلين معاها او تتصلين عليها الامر الثاني : دامك واثقه من نفسك وعارفه نفسك زين وش عليه الزعل والكدر والتفكير الزايد ؟ ممكن تقولين لاني انصدمت فيها اقول لك ولا تنصدمين ولا شيء لو مثلاً قالت هذا الشيء شوفي هل هذا الشيء فيك بالفعل ؟ راح تقولين لا طيب تمام .. يعني قالت شيء مو فيك وهذا يدل على ان الخبر من اساسه مو صحيح يعني لو بالفعل قالت شي عنك وطلع صح اقول لك بالفعل المنقول صحيح وتعمدت تشويه سمعتك وافشاء اسرارك ولعلمك ما راح تعرف عنك شي الا عن طريقك لذلك لو كان صح فانتي تتحملين الجزء الاكبر من المشكلة لانك انتي السبب في افشاء اسرارك ولكن لو ما كان اللي قالت صح اذاً المنقول عنها غير صحيح ومظلومة عشان كذا اقول تواصلي معها عشان تتبينين فالله يقول " يا ايها الذين امنوا ان جاءكم فاسق بنبأ فتبينوا " وفي قراءة فتثبتوا وعشان ترتاحين اكثر لا تكبرين المواضيع وتهولينها عليك بالتطنيش تراه اقوى علاج ومثل ما يقولون الخسران يقطع المصران يعني طنشي ولا كأنها قالت ولا قريتي لا سيما وان ما فيك كل اللي قالت وحتى لو نظرتي لها من جانب الصداقة والخيانة طبيعي يصير مثل كذا واكثر هذا في حال ثبت بانها قالت عنك كذا وفي ظني حصل بينكم شي قبل وعشان كذا قالت عنك هذا الامر المهم انتي من المفترض ما حظرتيها طنشي وبس وبدون اي لفت انتباه لها لانك بحظرك لها راح تخلينها تدور عليك وبطرق مختلفه وتشغلك معاها عموماً .. الامر بسيط جداً لا تفكرين ابداً في اللي حصل وحتى لو جتك من طرق اخرى اعملي نفسك ميتة :d يعني لا تقرأين اي رسايل لها ولا تلفتين انتباهها باهتمامك وهي اذا ما شافت منك اي تفاعل راح تحاول وتحاول ثم تروح مع الوقت وتترك طولت عليك لكن هذا اللي جا ببالي اقول لك ِ |
رد: وعلى نياتكم ترزقون...
لي رجعه :ff1 (69):
|
رد: وعلى نياتكم ترزقون...
ي عمري انتي ,,
لا تزعلين نفسك .. هي كلمة وحدة و بقولها لك .. اللي ما يستحقك بيطلع من حياتك بكل سهولة و ما عليه حسوفة ,, و ان كان قال كلام سيء عنك اعرفي ان الدنيا دوارة .. عيشي الحياة و استمتعي و اسمحي لمن اراد الرحيل ان يرحل :111: الله يطمن قلبك :1115: |
رد: وعلى نياتكم ترزقون...
الظآهر آنو آول مرآ يصير معآك مثل هالموقف عشآن كذآ آنتي متضآيقه ..
ترآ تصير حتى بين آي نوع علآقه مو شرط بين صدآقات وعشرة عمر .. خلي عندك ثقه ب الله آولا وثآنيا ثقة بنفسك .. ودآم آنك ماسويتي هالشيء ليش تضآيقين نفسك .. وربك يمهل ولايهمل وبيآخذ حقك منهآ وبيجها اليوم اللي تتآذى زي مآذتك .. بنفس الوقت يمكن ماتكون هي نفسهآ فبركت آسم وحكي .. ممكن تكون وحده ثآنيه غيرهآ وهي هآذي اللي نقلت الكلآم مغيره ب الآسم .. يعني مو معقوله عشرة عمر وبيوم وليله تكتشفي هالشيء منهآ .. وبعدين نقل الحكي من وحده لـ وحده هذآ آسوا شيء ب العلآقات .. وآذا كآن قلبهآ عليك فعلآ مآكان نقلت لك الحكي آو آنها فآهمه غلط .. ومآيد فكرة الحظر مهمآ كآن الخلآف وسوء الفهم وغيره .. خليهآ عندك ولآتحكين معهآ بس وهي بنفسهآ بتفهم آنك مثلآ متغيره عليهآ .. وبيجي اليوم إن شاء الله لو بعد سنه رآح يوضح كل شيء .. الكلآم بمثل هالموآضيع جدآ يطول آتمنى تنحل هالمشكله ووكلي آمرك لـ رب العآلمين .. ممكن بعد آنو يكون مقلب الله آعلم .. وعليك آنك تؤمنين آن كل الآشخاص والعلآقات فآنيه وكل شيء له نهآيه .. ومحد يدووم على حآله مع الوقت رآح تتقبلي الآمر بشكل جدآ عادي .. - |
رد: وعلى نياتكم ترزقون...
اهلا وسهلا زهراء
مستشعر جدآ لمشكلتك والحمدلله على كل حال :) صديقتك هذي الله يصلحها ويهديها عليها حاجتين الأولى : استقبت الأحداث بما ان المشكلة ماهي فيك فالله المستعان ثانيآ : الله اعلم بنيتها ! وإن كانت تقول هذا الشيء بسبب التشمت فقد وقعت في اشر افعالها وقل للشامتين بنا افيقوا ... فإن نوائب الدنيا تدور والحمدلله دام زوجك معك وفي صفك هذي نعمة كبيرة المشكلة لما يكون عقله صغير او موسوس ويصدق مثل هل الكلام فهذي هي المصيبة ! موضوعك الى الآن بسيط والله يكون في عونك ووتجاوزين ها الموقف ! ودام حظرتيها وترجع لك من ارقام ثانية فهذي الله يصلحها يا إما تمون عليك بشكل كبير او ما عندها كرامة ! الله يهدي النفوس ويصلح ضال الناس ويردهم الى صوابهم يارب دمتي بخير |
| الساعة الآن 01:13 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~