|
انثى معجونة ب ماء الحب
https://up6.cc/2023/10/169628478844841.png
|
رد: انثى معجونة ب ماء الحب
كل الشكر للغالية *امواج الشرقية * ع تدليع مدونتي بتنسيقها اللطيف والجميل :ff1 (160): ســــــــــــعيدة ومتألقــــــــــة جدا بتصميمك الأنيق :55::55: |
رد: انثى معجونة ب ماء الحب
قبل شهر تقريبا سافرت اختي زيارة لعند اخوي
اول مرة بتسافر اخت الي صحيح كنا نتضارب كتير بالبيت ونزعل وم نحكي مع بعض بالايام بس وقتا سسافرت كتير انخنقت وكتير بكيت وكتير ندمت عمواقف كتيرة صارت بيننا وكنا نعادي فيها بعض لايام بطريق الرجعةمن المطار انخنقت كتير .ووقت انخنق كنت دايما اروح عند خالتي الله يرحمها وقتا لا شعوريا حكيت لاخوي:خدنا عند خالتو (-----)نفطر ونغير جو وبعدها غصيت لوهلة نسيت انها ماتت واتزكرت موقف كتير مشابه صار مع بابا قبل تلاتين سنة بس اتوفى عمي الله يرحمه كانت ماما توخده كل يوم ليزور بناته الايتام بمرة كان قاعد ببيتهم بعد وفاة عمي قام سال بنته :وين ابوكي ليش اتاخر بالجامع الفقد صعب كتتتتتير والاموات ما بينتسوا بضلهم عايشين معانا لانهم كانوا جزء من حياتنا بس خالتو كانت كل حياتي الله يرحمك يا حبيبتي ويجعل مأواكي الجنة يا اطيب واحن واكرم قلب بالوجود |
رد: انثى معجونة ب ماء الحب
اللهم إنّا نستودعك غزة أرضها وسماءها وبحرها
رجالها ونساءها وأطفالها فاحرسها بعينك التي لا تنام، واكنفها بكنفك الذي لا يرام، واحفظها بعزك الذي لا يضام .. اللهم احفظ فلسطين بحفظك ورعايتك |
رد: انثى معجونة ب ماء الحب
اوقات بتميلي لشخص وبتعجبي فيه
ووببدا هالاعجاب يتحول لحب من ناحيتك وبضل يعذبك هالحب بشتتك وبذهب كل عقلك وما بتعود تفكر بمنطقية غالبا اوقات برهقنا هالحب لدرجة انو يدفعنا لنبوح ب حبنا للطرف الاخر لانو حتى لو بتم رفضنا لكن بكون افضل النا منو انو نضل متوهمين ومعلقين بالسما رغم انو اكبر غلط ممكن ترتكبه البنت بحق نفسها انها تبوح للشخص اللي بتحبه انها بتحبه وبجينا بعدا الرد القاسي اللي بحطم فجاة كل احلامنا وشغفنا وبنطفي الكون بعيووننا بعد ما كان وردي باحلامنا يمكن ك شعور اول تحسي انو كرهتي هالشخص لانو ما بادلك نفس الاحساس بس من امتى كان النا سلطة ع قلوبنا الحب م بيجي بالاكراه وبعد ما اقتنعت بهالحقيقة ارتاحت نفسي واستكانت اما هو رح اضل ادعيله بالسعادة لانو انسان متله بستاهل كل السعادة والفرح بحياته ربي يسعدك وين كنت ومع مين ما كنت |
رد: انثى معجونة ب ماء الحب
ما دار بيني وبين قلبي اليوم
من قلب الحدث هههههه مالك يا قلبي ليه زعلان مني؟ . نقطة لكل شعور كان ومن اليوم بداية جديدة وتفكير جديد بدك تنسي اللي مالك مكان بحياته اياكي تقللي من قيمة حالك واياككككي ثم اياكي تتسولي الحب من حد لا تفرضي حالك عحد ولا عاد تربطي سعادتك بوجود شخص معين دون سواه وع قولة الاتراك يتاااااااااااار بككككككفي يا شهد https://i.pinimg.com/originals/a5/6f...e68250c417.gif حاااااااضر يا البي بس تعصبش عليي يؤبرني العصبي يا ناس تاني مرة احكيني برواق يا البي عارفني حساسة هههه |
رد: انثى معجونة ب ماء الحب
لا يعترفان بالحب
لكنهما يشعران بأن شيئًا ما يجري بينهما مذهلاً :ff1 (174): |
رد: انثى معجونة ب ماء الحب
يمكن اكون انا اكتر حد بحلم بالاموات
تيتة الله يرحمها كتير بحلم فيها وكتير بتكرر الحلم تقريبا كل اسبوع بحلم فيها وعمدار خمس ينين وكتير بحلم بعمي وخالي وبنت عمي الله يرحمها وقت اتوفت يمكن حلمت فيها فوق العشر مرات بس خالتو حبيبتي نادرا م احلم فيها مبارح اجتني بالحلم كنا قاعدين بدار سيدو انا وهي وماما واخوي محمد بعدين اجت عبيت كنا فيه نحنا وبنات خالتي التانية دخلت البيت ببسمتها الدافية الحنونة بعدين سلموا عليها خواتي وطلعوا وجيت اسلم عليها عبطتها بكل قوتي واشياقي والها وبكككككككككككككيت ضليتني ابكي بصوت عالي طول ما انا حاضناها بكا بحياتي ما ببكيته.. عالي كلو وجع وحرقة واشتياق وصحيت من نومي وانا بعدني حاضناها وببكي تتخيليش اديش اشتقتلك يا حبيبتي الله يرحمك يا اطيب واحن قلب بكل الكون |
رد: انثى معجونة ب ماء الحب
اليوم صارت معي مشكلة مع ماما
مع انو الموضوع ما كان بستدعي ابدا عصبيتها عليي اشتد الحكي بيننا وحكتلي الله يشفيكي من مرضك انتي معقدة نفسيا نفس الكلمة كررتها ع مسامعي وقت ضربتني كف بعيد ميلادي ال 30 حكتلي يومها اني معقدة بغض النظر عن كل مشاعر الالم اللي تسببتلي فيها جيت عالكمبيوتر افتش باختبارات تحليل الشخصية لاشوف هل انا فعلا مريضة نفسيا او معقدة متل ما بتتهمني واجريت اختبار تحليل شخصية بعنوان :هل انت مريض نفسي وكانت هي نتيجتي من الممكن انك تعاني من بعض الامراض النفسية البسيطة وربما لا , انت في بعض الاحيان ترى نفسك بعيداً عن الناس بشكل مفاجىء كما ينتابك أحياناً شعور مفاجىء بالكآبة او الملل , بشكل عام انت شخص ودود جدا وغالبا ما تقضي اوقات ممتعة مع اصدقائك عندما تلتقي بهم , انت شخص عاطفي جدا وحساس وربما عاطفتك وحساسيتك الكبيرة هي التي تبعدك قليلا عن بعض الناس فانت سريع التأثر لو اساء اليك احدهم , نصيحتنا لك هي ان تقلل قليلا من حساسيتك نحو الامور وان تحيط نفسك بالاصدقاء والعائلة فهكذا ستكون بعيدا جدا عن أي مرض نفسي ممكن :ff1 (174)::ff1 (174)::ff1 (174): هههههههههههههه والله بعرف اني مو هيك بس الله يسامحها امي اللي خلت فيي جروح ما بتندمل ابدا لا قلبي ولا عقلي ممكن بيون ينسوني كلامها الجارح لكن انبسطت ب نتيجتي وكتير بحب بصراحة متل هيك اختبارات مع انو كتير ناس بعارضوها بس انا بتسلى فيهم ولانو دايما بكون التحليل تماما بمثلني وبعكس شخصيتي الحقيقية |
رد: انثى معجونة ب ماء الحب
اهداء خاص يعرف طريقه الى قلبه
https://youtu.be/D7EvHmQhu6g?si=KQ4ohg4YxQgwVBnd صعب جدا تبقى شايف قدام عنيك حد انت بتعشقه مليان الااااام صعب جدا تبقى شايف كل دمعة من دموعه نازلة حايرة من عنيه من غير كلام صعب جدا تبقى واقف بين ايديه شايف ايديه حضنه الالم من غير امين تبقى مش عارف تروح فين ولا فين تبقى ناسى حتى انت تبقى مين صعب جداااااااااااااا يا حبيب عمرى وحياتى ونور عينيا يا ارق ملاك نزل على الارض ديا عمرى ما احلم انى اشوفك تنكسر يوم وانت جنبى ده انت روحى ونور حياتى انت عايش جوه قلبى كل ثانية فى عمرى فدااااااااااا نظره الم كل لحظة فى عمرى فدااااااا لحظة ندم مش ح اسيبك تنجرح تانى فى حياتك حالف انى اعوضك كل اللى فاتك قلبى حاسس يا حبيبى انى راجع بيك زمانى وانى جوه قلبك انت هو ده هيكون مكانى راجع وشايلك جوه عينى اسقيك حبيبى من حنينى ياااااااااااا رب عمرى ما اشوف دموع نازلة تانى من عينيك تلقى كل الدنيا عندك جايبة نور الفجر ليك تلاقى فرح العمر جايلك وبكرة دايما بيناديك مش ح اسيبك تنجرح تاني ف حياتك حالف اني اعوضك كل اللي فاتك حالف اني اعوضك كل للي فاتك حالف اني اعوضك كل اللي فاتك |
رد: انثى معجونة ب ماء الحب
كنت بدور ع اختبار تحليل شخصية لانزل موضوع نتسلى فيه
لفت نظري هاي الاختبار وسيويته بعنوان :اختبار تحليل نسبة الجمال وهيك طلعت نتيجتي : https://www.freeiqquizz.com/images/1578893542.jpg بعد محاولتنا تحليل نسبة الجمال الخاصة بك تبين انك تملك الكثير من الصفات الوراثية الروسية التي تمنحك جمالا قد يكون الافضل في العالم, نعتقد انك الاجمل والاكثر سحرا بين اصدقائك على الاطلاق فقياسنا لمستوى جمالك كان كبيرا جدا وغير متوقع, :376: بالاضافة الى الجمال نحن نعتقد بانك شخص شرس جدا رغم جمالك وسيندم كل من يحاول الاعتداء عليك فانت كالوردة لكن لها أشواك تدافع بها عن نفسها. اللي ضحكني بالموضوع ههههههههه انو قبل فترة حد حكالي الروسية هههه لهيك فرطت ضحك عالتحليل |
رد: انثى معجونة ب ماء الحب
اليوم المسا ووصلني خبر استشهاد عضوة كنت اعرفها من منتدى اخر
قضيت فيه ست سنوات من عمري استشهادها هي وأمها وخواتها .من اول م قرءت الخبر قشعر كل بدني وراسي ما بعرف شو صارله .صابني وجع ككككبير فيه هالعضوة كانت من بين كم عضوة خلوني اترك هداك المكان والي تلات سنين تاركاه نهاءي ومستحيل ارجعله بيوم حسيت جسمي كلو برجف وفقدت السيطرة عايدي ورجلي عادتي بكل مرة بخاف فيها رحت انام كرمال ارتاح صابني تسارع بدقات قلبي واستمر ساعتين متواصلات .. رغم كل اللي عانيته عندهم الا اني بفوت زاءر خلال هاي الفترة لانو أغلبهم من فلسطين والعشرة الها حق عليي. رجعت تاني هلا لنفس الصفحة وسرت بجسمي نفس القشعريرة وراسي ضرب تاني من ورا .اتوقع ضغطي ارتفع لانو هاي وجع الضغط الله يرحمككككك يااااا رب ويتقبلك من الشهداء خبر استشهادك صدمني واحزنني جدااا الله يرحمككككك وهنيءا لك الشهادة كنت من اطيب العضوات ومن اكترهم نضج وووعي والتزام ديني الله يرحمك حبيبتي |
رد: انثى معجونة ب ماء الحب
نانا
عيونها سميلي شي حلو بحرف ال ح حبيبي :84: طب شي حلو بحرف الكاف كمان حبيبي :212: طب شي حلو بحرف الخاء خلاص قلتلك حبيبي هههههههه |
رد: انثى معجونة ب ماء الحب
هذا ما يحدث عندما يكون هناك شخص لا يغادر عقلك
هذا ما يحدث معي https://scontent.famm13-1.fna.fbcdn....Og&oe=655E391A https://scontent.famm13-1.fna.fbcdn....5A&oe=655D93EE https://scontent.famm13-1.fna.fbcdn....YQ&oe=655E7554 https://scontent.famm13-1.fna.fbcdn....8w&oe=655E9028 https://scontent.famm13-1.fna.fbcdn....aA&oe=655D7D20 https://scontent.famm13-1.fna.fbcdn....gg&oe=655F59D7 اطلع من راسي بككككككككفي |
رد: انثى معجونة ب ماء الحب
https://encrypted-tbn0.gstatic.com/i...iqcRI&usqp=CAU
:ff1 (152): https://encrypted-tbn0.gstatic.com/i...R9FPM&usqp=CAU :ff1 (152): https://encrypted-tbn0.gstatic.com/i...NjBD4&usqp=CAU :ff1 (152): https://gror.cc/wp-content/uploads/2020/02/375-3.jpg ههههههههههههههههههههههههههههه :16: https://lyricss.cc/wp-content/upload...8/12680-14.jpg :ff1 (152)::ff1 (152): |
رد: انثى معجونة ب ماء الحب
أتحبها .....؟؟؟
لاااااا :251: (طب فكر شوية يا زلمة هيك سكرتها بوجهي من اولها ههههه) لماذا لاااااا .... عنيـدة تتكلم قبل أن تُفكر لا تعرف ماذا تقول .. صريحةٌ أكثر من اللازم .. لكنها رقيقة تبكي بسرعـةٍ وتضحك أسرع غير مفهـومة مزاجها متقلب لكنها -لكنها ماذا..... هي ناعمـة وبريئة .. وتخلق من مأساتها ضحكة ومن مُشكلتها نكتـه لاتعرفُ التفكيـر بنفسها وأيضا حنونـة كثيرًا كأنها أخذت دور الأمومة مع الذين تحبهم لاتؤذي ولا تكذب ومهما حاولت ملامحها تفضحها هي إنسانة غريبة ...... -كل هذا ولا تُحبها ...... لا اعلم |
رد: انثى معجونة ب ماء الحب
https://scontent.famm10-1.fna.fbcdn....kQ&oe=6588BC82
جوي كل يوم بعد م يناموا اهلي والسعادة بالنسبة الي :غلاك +موسيقى +اكل لزيز :100: |
رد: انثى معجونة ب ماء الحب
واخخيرررررا زبط بعد مليون محاولة ههههههههه
|
رد: انثى معجونة ب ماء الحب
لو أنت بتحب من طرف واحد ف اتأكد انك شخص مُحارِب . وشخص قوي
أنت متخيل المعركة اللي بتخوضها يومياً ب انك تحارب غيرتك على شخص مش من حقك تغار عليه … وخوفك من فقدانه بأي لحظة .. وخوفك من أنو مشاعر هداك الشخص تروح لحدا غيرك لو انت بتحب شخص من طرف واحد اوعى تفكر انك تكمل الطريق وتقول لعلى وعسى او يمكن يحبني هالشخص … الحب مافيه يمكن او لعلى وعسى … روح لبعيد واحمي قلبك وحالك ووقتك والحق حالك وانتظر ربك يعوضك …. الحياة مليانة بس دوّر منيح ايه بعرف بس شو سهل الحكي يا ريتنا بكبسة زر نوقف هالشعور بس ما النا سلطة ع قلوبنا حتى لو م حس وما بادلني الشغور بكفيني انو بخير واني بحبه |
رد: انثى معجونة ب ماء الحب
أشعر أنني أريد أن أقول لك فقط:
أحبــــــــــــــك ثم أبكي أبكي لأنها تعبِّر عن الكثير ولأنها تختصر الكثير |
رد: انثى معجونة ب ماء الحب
مدينة الك بكل لحظات السعادة اللي عم اعيشها بهالايام
من فترة مرض خالتو الله يرحمها خلال الخمس شهور ومن بعد وفاتها عشت متل الاموات تماما فقدت شغفي بكل شي انطفت روحي فقدت الرغبة باني اعيش اي يوم جديد لحد ما اجى اليوم اللي عرفتك فيه واتغيرت حياتي تماما رجعت احب الحياة رجعتلي ضحكتي ومن بعد م مات قلبي رجع ينبض خلقت السعادة جواي صرت اصحى والإبتسامة عوجهي بفكر فيك طول الوقت وبمجرد ما افكر فيك هالشي بسعدني وبغير مودي تماما الك تأثير كبير عليي ولو تكون طالعة معي للسما بكلمة حلوة منك برجع اغني وارقص واملى الدنيا ضحكات. محظوظة جدا اني عرفت انسان متلك انسان نو بعرف انو الملائكة بس بالسما بس انت بعيوني ملاك بالمختصر انت دهب يا ريت فيي اوهبك كل لحظات السعادة اللي مكتوبة الي لتعيشها انت وبالمقابل اخد عنك كل لحظة حزن ممكن تمرك بحياتك واعيشها عنك |
رد: انثى معجونة ب ماء الحب
مخنووووووقة
وحاسة انو ماليش حد بالدنيا وكاني مقطوعة من شجرة |
رد: انثى معجونة ب ماء الحب
|
رد: انثى معجونة ب ماء الحب
|
رد: انثى معجونة ب ماء الحب
لو بصيت قدامك تعرف
لو بصيت قدامك تعرف مين بتحبك مين اللي شايفها ف احلامك لو بصيت قدامك تعرف لو بصيت قدامك تعرف مين بتحبك مين اللي شايفها باحلامك ليه مانتش عارفني؟؟ ليه مانتش شايفني؟؟ لو فكرت فيا شوية ح تحس بهوايا بيبان من سلامي بيبان من كلامي بشتاقلك وكل ما فيا بشتاقلك معايا |
رد: انثى معجونة ب ماء الحب
مجرد حلم -حبيبي -اي يا ئلبي -مين أفضل رجل بالعالم؟؟ ^^ -هههههه أنا http://www.bntpal.com/vb/images/smilies/ssss/90.gif -بلا بياخة ولي عبحكي جد ... قليلي مين أفضل رجل بالعالم؟؟ ... -اي حبيبي سهلة كتير ... ما بدا .. أكيد بابا يؤبش ئلبي http://www.bntpal.com/vb/images/smilies/58.gif -بابا؟؟؟ وليش مو أنا؟؟ -لأنو... مين كان يحملني وأنا صغيرة؟؟ -أبوكي -مين كان ياخدني مشاوير وأنا صغيرة؟؟ -أبوكي -مين كان يجبلي أكلات طيبة وأنا صغيرة؟؟ -أبوكي -ومين كان يسهر كل الليل لما كون مريضة؟؟ -أبوكي -ومين ومين ومين؟؟؟؟؟ -لك اي فهمنا أبوكي .. أبوكي ... أبوكي http://www.bntpal.com/vb/images/smilies/31.gif -أيوا شفت كيف - لا حياتي ما شفت -وليش؟؟ -مين رح ياخدك مشاوير وانتي كبيرة؟؟ :147::147:-انت -ومين رح يجبلك أكلات طيبة؟؟ -انت -ومين رح يسهر كل الليل جنبك اذا مرضتي؟؟ -انت -ومين ومين ومين ؟؟ http://www.bntpal.com/vb/images/smilies/t072.gif -انت وانت وانت تئبشنننني -اي مين أفضل رجل بالعالم؟؟ - بابا م تحاولش هههههههههه بحبك بس مو اكتر من بابا |
رد: انثى معجونة ب ماء الحب
هي،
تريده بقدر ما هو ليس لها، وبقدر الحرمان منه تعلّقت به. هو، يظنّ أنّها تحبّه بمزاجيةٍ، مرّةً تقرّبه ومرّةً تبعده. هي، تعيش في صراعٍ؛ مرّةً تستسلم للواقع، ومرّةً يُخضعها قلبها. هو، عاجزٌ عن فعل شيءٍ، فيبتعد لترى حياتها. هي، تريده أن يُحدث معجزةً، فلا ترى حياتها إلّا من خلاله. هو، يتألّم مرّتيْن: مرّةً لشعوره بها، ومرّةً لعجزه عن فعل شيءٍ. هي، الألم يغذّي حبّها له، فهو الوحيد المتبقّي لها، ولن تقدر على حبّ غيره، ولو أحبّها غيره أكثر منه. هو، كلّما خمدت نار قلبه، أشعلته من جديدٍ بالغيرة. هي، إن لم يكن لها، فلا تريده أن يذهب لغيرها، ولو أظهرت عكس ذلك. هو، يريدها له، ولو لم يعترف بذلك، لكن، لا يرضى أن يسلبها عمرها. ( هي وهو ) ، ألف حربٍ تقام بداخلهما، ولا يستريح أحدهما إلا في قلب الآخر ! ..https://static.xx.fbcdn.net/images/e...1/16/1f5a4.png https://scontent.famm11-1.fna.fbcdn....6Q&oe=657BB4F5 |
رد: انثى معجونة ب ماء الحب
مبارح كان يومي سيء جدا مع اهلي
مع اني صحيت بدري وكتير اشتغلت بالبيت وطول الوقت بالمطبخ اجلي متل سندريلا بس شو أعمللهم مو راضيين عني ووقت الغدا م بعرف ليه زعلوا مني وما نادةني اتغدى معاهم واليوم كرروا ذات الشي معي وقت الغدا م حد فقدني ومحد نادى عليي ككككتير حزت بنفسي وكتير انخنقت يمكن الموضوع جدا تافه عند الكل بس م بعرف ليه هيك أعلنوا عليي الحرب فجأة قبل ربع ساعة بس حسيت بالجوع واتزكرت اني م اكلت ولا شي من اول م صحيت قمت قليت حبة بطاطا .بس اول لقمة اتزكرت كيف أنهم نبذوني ونزلت اللقمة متل السم جواي وم قدرت ابلع شي بعدها غصصيت وضليت ابكي بس وحياة الله وهي يمين انو ما عاد اكل ع سفرتهم ومعاهم من يوم ورايح رح اخد صحني كل يوم واروح بغرفتي واكل لوحدي طول الايام |
رد: انثى معجونة ب ماء الحب
كتير بس احكي لقلبي عنك
بحتار شو اناديك رافض صداقتي لاحكي انك صديقي ورافض حبي لاحكي عنك حبيبي طب اللي بحب من طرف واحد شو يسمي حبيبه غير حبيبي :393: حيرت قلبي معاك |
رد: انثى معجونة ب ماء الحب
اليوم اتزكرت واحد من اكتر الافلام الهندية اللي بكيت عليهم بحياتي
الفيلم كان يحكي عن شب هو وحبيبته كان يحب حبيبته لدرجة الجنون وهي كانت تبادله نفس الحب واتزوجوا لكن الزوجة ماتت وقتا الزوج عاش وحيد ...عشرين سنة بعد وفاة زوجته وهو مخلص ل حبيبته ومو راضي ينساها عايش الها وذكرياتها لحد م دخلت حياته بنت تانية حبته وضلت تلحقه من مكان لمكان ليحس فيها بس هو م اتقبلها بتاتا .كان يرفض انو تدخل حياته واحدة غير زوجته اللي اتوفت كان مخلص جدا الها ...لحد م يجي اليوم اللي ببدا الشب يميل للبنت اللي ظهرت بحياته فجأة .بتبدا صداقتهم بسمحلها تتقرب منك ك اصدقاء فقط مع الايام بتقوى علاقتهم كتير لدرجة انو ببلش قلبه يدق الها بس كل ما يدق قلبه الها يتزكر زوجته وببعد عن صديقته إحساسا منه انو بخون زوجته المتوفاة وبضل عايش بصراع واللي بتحبه مو قادرة تشيله من تفكيرها وعم تفهم مشاعره جدا كانت بدها تحميه من عذاب الضمير اللي عاش فيه فهمت ندمه بعد اعترافه.فهمت تأنيب ضميره لانو حس وقتا انو بخون ذكرى زوجته بس هالشي ما زادها الا حب اله وتقدير لشخصه لحد م يجي اليوم اللي بوقع فعلا بحب البنت وهون بتجي حبكة الفلم بترجع زوجته للحياة وبصير واقع بين تنتين زوجته اللي اخلص الها طول السنوات اللي فاتت واللي حلم كل لحظة انو ترجع وبين البنت اللي ظهرت بحياته فجأة ورجعتله إحساسه بالحياة ووقتها بتخبط ما بعرف يكسر قلب مين ويكون مع مين بس لانو البنت اللي ظهرت بحياته فجأة حبته اكتر من روحها .بتضحي بحبها كرماله وب تنسحب من حياته .لانو كانت تعرف من خلال صداقتها معاه مدي إخلاصه وحبه لزوجته واديه هو اتعذب بموتها م بعرف ليه اتزكرت الفيلم اليوم ههه بس بتزكر اني بكيت عليه لترات دموع كتير حلو ومؤثر بس ناسية تماما اسمه |
رد: انثى معجونة ب ماء الحب
ما اجمل الذي حدث بيننا
ما اجمل الذي لم يحدث وما اجمل الذي لن يحدث اجى الوقت لاطوي هالصفحة للابد ي خسارة انتهت قصتنا من قبل ل تبتدي وانا تعبت وبرفع راية الاستسلام |
رد: انثى معجونة ب ماء الحب
وابتعدُ عنك ...
فأنتَ رجلٌ موجـــــــــوعٌ بأخرى .. مفجـــــــــــوعٌ بهـــــــا !! لم تُبقِ فيك سوى رجل غارقٌ في ثمالة الذكرى .. |
رد: انثى معجونة ب ماء الحب
ألـقـيـتُ في ســمـع الحـبـيـب كـليـمـةً
جـرَحـَتْ عـواطـفـه ،،، فـمـا أقـســانـي قـطـع الحـديـث وراح يـمـســح جـفـنـه فـوودتُ لـو أُجـزى ،،، بـقـطـع لـســانـي |
رد: انثى معجونة ب ماء الحب
قدر الحب...الخيبة
|
رد: انثى معجونة ب ماء الحب
حبيب قلب شهد
بابا حبيبي الغالي كل سنة وانت سالم يا احن قلب بهالدنيي ويا اكتر حد بحبه بهالدنيي ربي يخليلي اياك وم يحرمني منك يا صديقي وحبيبي يا اغلى انسان بهالدنيي مو عارفة الف جمل مفيدة ههههههه بس بحبك كككككككتير :11: |
رد: انثى معجونة ب ماء الحب
نفسي احكيلك
نفسي اشكيلك عللي تاعبني منك...ليك قلت انا ح ابعد ...مش قادر ابعد نفسي ارتاح ف حضن عينيك |
رد: انثى معجونة ب ماء الحب
بيت العوانس
نحنا بالبيت اربع بنات انا والي تلات خوات واصغر واحدة فينا ٣٨ واكبرنا ٤٥ وشاء ربنا انو انا واخواتي ما يكتبلنا الزواج والحمد لله عكل شيء قدر الله وما شاء فعل . والحمد لله بابا ريانا من واحنا صغار عالقناعة وانو نرضى بكل شي كتبه ربنا.ربانا ع اننا ما نتطلع عشي مش النا .وانو نكيف حالنا تحت اي ظرف فرضته علينا الحياة . والحمد لله بسبب هالشي ما اتوقفت حياتي عند هالشي . بس احيانا الناس ما بيكفيهم جروح التانيين وفوق جروحهم برشوا ملح عالجرح . ليش الناس ما بتأمن انو هالشي مو بأيدينا وانو هاي إرادة رب العالمين لا بجمال البنت ولا بأخلاقها ولا بشخصيتها ولا باي شي بتملكه فيها تتزوج.هاي نصيب ومشيءة رب العالمين وحده .ليه م بتركونا لحالنا شو صعبة يتسمى بيتك بيت العوانس عداكم عن نظرات الشفقة ونظرات الخوف من كل واحدة ع زوجها وكأننا نحنا وخواتي رح نخطف ازواجهم ...اصلا بابا ضد فكرة تماما انو اي حد من بناته يعطيها لارمل أو مطلق او حتى حد اكبر من عمرنا.امن تماما انو هاي نصيبنا بالدنيي وانا امنت طول سنيني اللي مرقوا من حياتي بس اوقات بمرني لحظات بحتاج فيه لسند بالحياة .شريك حياة يمشي معي بطريق الحياة الوعر .الحياة كتير قاسية واحنا أضعف بكتير من انو نعيشها بأنفسنا ومواجهة كل صداماتها وخيباتها بروحنا وقلوبنا مالنا سيطرة عليها .مش بايدنا ازا بعد كل هالسنين حلمت متل كل بنت بالحياة بزوج واولاد يملوا عليها حياتها . هي فترات معينة براودني والاحساس بس برجع بحكي انو كل شي ازا اتاخر ماله اي معنى ولا قيمة .حتى انا نفسي ما رح اتقبل اكون زوجة لاي انسان بعد كل هالعمر . ولا هو شي مقبول بنظري هي مش اكتر ولا اقل من لحظة بحلم فيها الواحد يعيش حياة طبيعية . لكن بالاخر عليه يصحى من كل حلم حلمه ويرجع لأرض الواقع ويرضى بنصيبه اللي كتبه ربنا اله .بدون احلام تانية بدون حب بدون اي شي لازم عالعقل يقول كلمته الأخيرة بالموضوع وينصاع القلب اله مجبر .غير مخير |
رد: انثى معجونة ب ماء الحب
من علامات الزعل عندي
أشخص بهاي الرمزية :216: اعطل الخاص ورساءل الزوار اعمل تسجيل خروج حتى الفيس م بيسلم مني بعمله تعطيل حساب مع انو م دخله :216: يؤبرني الحردان بس :216: |
رد: انثى معجونة ب ماء الحب
تعال وينك جلسة الليل حلوة
محلى هدوء الليل مابين قلبين جرب تعيش الحب في جو خلوة انت وحبيب الروح والناس غافيين بتعيشها ليلة وناسة وسلوة وتقول ياليل الهنا صير ليلين |
| الساعة الآن 07:48 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~