|
طفولة عضو •
نتساءل نحن والذكريات دوما عن سرٍ ..!!
هل كنا أطفالا نلعب / نضحك / ونلهو ...؟؟ أم كنا طيورا .. فوق الشمس نحلق /نُغني /ونطير ..؟؟ هل كانت أيامنا أسراب حمام وهديل ..؟! أم كانت أوهاما .. وسرابٍ في الأرض يسيل ؟! يسكننا فرحٌ وحب كثير يجهلنا حزنٌ وهم كثير نجري كالنهر ونرقص كنسمات عليل !! تلكـ هي الطفولهـ تحمل الكثير من المواقف والذكريات ويخالطها الحزن تاره والفرح تارة أخرى ولكـن ؟؟ تبقى الذكريات هي سيدة الموقفـ ؟؟ نبدأ الأسئلـــــهـ -هل كنت مشآآآآكس أو كنت على نياتك وهادئ؟؟ 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ 3-موقف حصلّك وأنت صغير وللحين مأثر فيك؟؟ 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ 5- من أقرب طفلـ/ـة من الجماعة كانـ/ـت أقربلك؟؟ 6- كم كف اخذت وانت صغير؟؟ 7- وش اكثر حلاوة كنت تحبها في طفوولتك الرائعه ؟؟ 8- ماهو مستوى العصبية اللي كنت فيها " مرتفعة / متوسطة / منخفضة " ؟ 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ 11-ماهو اكثر مكان كنت تحب تروح له ؟؟ " مدينة العاب. حديقه ... الخ 12-ماهي اكثر لعبه كنت تحب تلعب فيهاا ؟؟ 13-هل كنت تبكي كثير ؟؟ 14-ماهو اكثر فيلم كرتوون كنت تحب تشووفه ؟؟ 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ 16-موقف صار لك ولحد الحين اذا ذكرته تضحك ؟؟ 17-كنت تحب الحليب والا تشربه بالغصب ؟؟ 18-كنت شاطر بالمدرسة او لا ؟؟ 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ 20-كلمه دآآيمة على لسآنك!! 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ 22-ما هو اقوى عقاب في حياتك عوقبت به ؟؟ 23-نشيد كنت تحبه أيام الطفوله ؟؟ 24-ماهي الموآقف اللي عرضت فيها اهلك للاحراج؟؟ 25-كيف كان اول يوم مدرسه لك بكيت ولا لا ..؟ 26-ضعت في مكان؟ .. سوق او حديقه .. اذا اي قول لنا السالفه ..؟... 27-ماهي اجمل هديهـ خذيتها في طفولتك...ومانسيتها ابد...؟! 29-بصراحهـ من كنت تحب بطفولتك اكثر امك ولا ابوكـ....؟! 30-موقف سويته ..والى الحين مااحد يدري عنه ؟ 31-مين اعز صديق طفولة و الى الان متواصل معه؟ 32- نقدر نشوف صورتك وانت صغير ؟ نختار اول ضيف سافانا ونرجو منك اختيار عضو مِن بعدك ليستمر الطرح |
رد: طفولة عضو •
فكره مرررره جميييله
كل عضو يجاوب ويختار عضو بعد ياليت ينبهه على الزوار برابط الموضوع عشان يمشي الموضوع ولا يتعطل |
رد: طفولة عضو •
اقتباس:
ياصباح الجمال والحب والذكريات الجميله ياهلا با صحافه منتدانا الرائعه اولا بتشكرك لإختياري ومنحي فرصه استرجاع بعض الذكريات وتسليط الضوء على حقبه زمنيه من الماضي الجميل وان شاء الله لي عوده في المساء للإجابه على كل الأسئله :10ل0: |
رد: طفولة عضو •
هل كنت مشآآآآكس أو كنت على نياتك وهادئ؟؟
هادئه ذكيه مرتبه وبتصرف مثل الكبار لان احتكاكي في الغالب مع كبار 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ طبعاً مميزه جداً بحكم اني اعيش مع جدتي بعد انفصال الاب والام فكنت بالنسبه لها شئ عظيم حصلت على الكثير من دلال و غنج المغلف بالحزم و الصرامه في بعض الأحيان 3-موقف حصلّك وأنت صغير وللحين مأثر فيك؟؟ ماثر فيني إلى الان الحمد لله لا يوجد 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ بخصوص المال جدتي كانت بتعطيني ببذخ فالمال فقد بريقه في نظري فاجمل عيديه حصلت عليها كانت زياره للوالد ما انسى لحظه شعرت بحرار جسمه وهو بيحظني بعد فتره غياب طويله 5- من أقرب طفلـ/ـة من الجماعة كانـ/ـت أقربلك؟؟ من الجماعه تواصل اسري من هذا النوع كان محدود وسطحي جدا لان جدتي كانت دكتوره فحياتها كلها سفر و مرضى اصدقائي في الغالب زملاء دراسه 6- كم كف اخذت وانت صغير؟؟ الحمد لله كنت في بيت على قدر عالى من الوعي والفهم والإلمام بما يقتضيه مفهوم التربيه 7- وش اكثر حلاوة كنت تحبها في طفوولتك الرائعه ؟؟ تشوبا تشوبس 8- ماهو مستوى العصبية اللي كنت فيها " مرتفعة / متوسطة / منخفضة " ؟ منخفض جداً 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ عندي اخوان من الاب واخوان من الام اما اشقاء ماعندي انا فقط 11-ماهو اكثر مكان كنت تحب تروح له ؟؟ " مدينة العاب. حديقه ... الخ الموتمرات الطبيه مع جدتي ههههههه 12-ماهي اكثر لعبه كنت تحب تلعب فيهاا ؟؟ المراجيح في حديقه البيت 13-هل كنت تبكي كثير ؟؟ مافي شي يعكر مزاجي علشان ابكي الحمد لله 14-ماهو اكثر فيلم كرتوون كنت تحب تشووفه ؟؟ مافي شئ محدد 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اجمل واروع اللحظات من الطفوله وإلى الان اقضيها مع الاخ والصديق و روح القلب ( فهد ) 16-موقف صار لك ولحد الحين اذا ذكرته تضحك ؟؟ الموقف هذا بوقتها كان مؤلم لكن مع الوقت صار ذكرى مضحكه جدتي كانت دائما تعلمني كيف اقف بشكل صحي مستقيمه الظهر استقامه اميرات دزني ههههه فكنت انفذ تعليماتها بدقه وانا في سمعان الكلام ماعندي يما ارحميني تنفيذ فوري هههههه الحدث هذا صار وانا في الصف الأول الإبتدائي كانت فيه بنوته دائما متقوقعه على نفسها فظهرها مومستقيم وتعاليم الجده اننا نرفع راسنا لفوق علشان ظهرنا يستقيم فأنا اخذت دور الواعظ رفعت راسها كم مره علشان تتعلم تجلس بشكل حلو ما تسمع الكلام الى ان جاء يوم وضربتها بالكتاب على ظهرها ما اعرف ليه تصرفت بالشكل العنيف هذا فهيا شئ طبيعي بتدافع عن نفسها حصل بيننا صراع تخلله بعض الخربشات وعضتني وانا اصلا ما احب المشادات فبكيت وقتها بحراره البنت هذي كانت سمراء حبتين فشكلها ما تأثر بالمعركه وانا بشرتي فاتحه فصار لوني احمر دموي وهذا الشئ خلا المس تتعاطف معاي اكثر فخفف وقع الصدمه ههههههههههه وما كنت اريد إلا الإصلاح النوايا الطيب لا تبرر الاسلوب الخاطي 17-كنت تحب الحليب والا تشربه بالغصب ؟؟ هو اكثر شئ شربته في الحياه 18-كنت شاطر بالمدرسة او لا ؟؟ جيده جيداً ولكن كنت جذابه للمعلمات فارتقي الى مرتبه الامتياز 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ جدتي علمتني الصوم على مراحل حسب القدره مافيه صرامه الموضوع تعليمي فكانت تشجعني و تغريني بطرقها المميزه 20-كلمه دآآيمة على لسآنك!! مافي شي محدد 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ لا على الإطلاق عندي الشجاعه الكافيه للإعتراف بالخطاء الطفل يلجى للكذب بسب سؤ معامله وتقدير الاهل هذي نقطه مهمه 22-ما هو اقوى عقاب في حياتك عوقبت به ؟؟ مايحضرني شئ 23-نشيد كنت تحبه أيام الطفوله ؟؟ النشيد الباااائس هذا هههههههه Hello teacher, hello mom, hello hello everyone, good morning teacher, good morning mom, good morning good morning everyone. 24-ماهي الموآقف اللي عرضت فيها اهلك للاحراج؟؟ واحنا معزومين عند ناس هههههه قطفت ورودهم وعملت باقه الله يسامحني 25-كيف كان اول يوم مدرسه لك بكيت ولا لا ..؟ لا ل ان جدتي هيأتني نفسياً للدخول في عالم المدرسه 26-ضعت في مكان؟ .. سوق او حديقه .. اذا اي قول لنا السالفه ..؟... ما ادكر انو في يوم ضعت 27-ماهي اجمل هديهـ خذيتها في طفولتك...ومانسيتها ابد...؟! مافيه شي محدد لان جدتي بتعطيني بلا حدود فكل الاشياء جميله 29-بصراحهـ من كنت تحب بطفولتك اكثر امك ولا ابوكـ....؟! جدتي الله يرحمها كانت كل شئ 30-موقف سويته ..والى الحين مااحد يدري عنه ؟ موقف ماحد درى عنه نهائي مافيه ولكن فيه موقف مااحدى درى عنه بوقتها بعدين اعترفت للجده لما رجعنا للبيت زمان وانا صغيره كنا في زياره احد الاصدقاء كان في منتصف الممر طاوله مستديره مغطاه بالورد والشموع تسلقت الطاوله علشان اخذ ورده فطاح عدد من الشموع والمفرش احترق والدنيا شعللت وكان بيصير كارثه حقيقيه ( انتبهو للنقطه هذي في حفلاتكم ) 31-مين اعز صديق طفولة و الى الان متواصل معه؟ مع الاسف كل اصدقاء اطفوله انقطعت صلتي فيهم والسبب انشغالي الشديد 32- نقدر نشوف صورتك وانت صغير ؟ هههههه طفله جميله وهذا يفي بالغرض اختار ( محال ) همسه قد يستغرب البعض من كثر ذكر الجده هذه الأنسانه العظيمه تستحق ان يذكر اسمها لما لها من مواقف عظيمه ليست على المستوى الشخصي فقط انما تتعدي الى ماهو ابعد من ذلك بكثير اتمنى من كل شخص يقراء كلماتي ان يدعو لها بالرحمه فهى شخصيه جديره بالإحترام والتقدير في حياتها وبعد مماتها . شكراً لوقتكم 🌹 |
رد: طفولة عضو •
سافانا
هلو تيتشر هههههههه اعجبتني الانشوده <= اول مره يسمعها ههههه عموماً شكراً على الاختيار والله يرحم جدتك واجدادي وجميع موتى المسلمين ولي عوده باذن الله للإجابة على الاسئله <= يارب ماانسى هههههه تحياتي للجميع |
رد: طفولة عضو •
صباح الخير وصباح الروقان وصباحكم انا <= امحق صباح هههههه تدرون اني محتار مدري مين اختار بعدي لكن بشوف المتواجدين بعد مااجاوب واختار منهم يعني ادري انكم بتحسدون اللي راح اختاره لأني انا تواضعت واخترت مثل ماحسدتوا سافانا انها اختارت شخصيه مهمه مثلي ووافقت ياجماعه ترى حنا الصباح ورايق ولحد يدقق ويقول مغرور ههههههههه بسم الله ونبداء نجاوب <= ايوالله بسم الله هههههههههه -هل كنت مشآآآآكس أو كنت على نياتك وهادئ؟؟ كنت مؤدب وهادئ وشاطر ولله الحمد 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ ايه عند اجدادي كلهم لكن جدي من ابوي غير كان يسافر عشان يشوفني ومره خذاني من اهلي اسبوع وقتها لبست ملابس بنت عمتي <= جاب العيد هههههههههه وبرضو تأكيداً لأهميتي جدي انتقل وسكن عندنا عشان فقدني انا واخواني هو اكيد انا بس اللي فقدني لكن تواضع مني كتبت انا واخواني ههههههههه 3-موقف حصلّك وأنت صغير وللحين مأثر فيك؟؟ اذن المغرب وانا بعيد عن البيت وشفت كلب وانتم بكرامه هو يمشي بحاله بس انا شفته وهربت وهو يركض وراي شكله كان فاقد اصدقائه ويحسبني منهم وبيلعب معاي عاد اذكر اني من يومها صرت اسرع واحد بالحاره واكثر واحد سالت دموعه ذيك السنه هههههههه 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ سؤال محرج الله يسامح اللي حطه مافي اكبر عيديه واهم من وجودي بهالدنيا هههههههه <= والله امزح اذكر خالتي ام ماجد لاجاء العيد توزع شرهات غير عن الباقين اللي يعطوننا عشره وعشرين هي ماكانت تعطيني اقل من خمسين ومرات ميه يابعد راسي ياام ماجد والله ماانساك طيب عطها عيديه عقب ماكبرت يالبخيل <= ادري احد قال كذا في قلبه هههههه 5- من أقرب طفلـ/ـة من الجماعة كانـ/ـت أقربلك؟؟ عيال عمي كلهم بصراحه كنا بيت واحد يعني لاتستغربون اصحى من النوم افطر عندهم ومرات اصحى الاقيهم عند امي يفطرون ههههههههههههه 6- كم كف اخذت وانت صغير؟؟ بصراحه كنت مؤدب ومالي مشاكل مع احد واهلي الحمدلله مهما وبخوني مستحيل يوصل الموضوع للضرب ومااخفي عليكم مرات اتمنى ابوي يضربني ولا يهاوشني <= صوته هيبه هههههههه 7- وش اكثر حلاوة كنت تحبها في طفوولتك الرائعه ؟؟ كنت خاق على عصير مو حلاوه اسمه اورنجينا كان فخم مره هههههههه 8- ماهو مستوى العصبية اللي كنت فيها " مرتفعة / متوسطة / منخفضة " ؟ منخفضه جداً وحالياً مرتفعه جداً بس حنون ياجماعه <= يرقع ههههههه 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ الثالث .. مااثر ولله الحمد ولاحسيت بالفرق بيني وبين اخواني وخواتي 11-ماهو اكثر مكان كنت تحب تروح له ؟؟ " مدينة العاب. حديقه ... الخ ملعب الحارة عند بيت عمي 12-ماهي اكثر لعبه كنت تحب تلعب فيهاا ؟؟ كرة القدم ومازلت احبها واحب الهلال بطل اسيا الزعيم العالمي <= عشان ينقهرون النصراويه هههههه 13-هل كنت تبكي كثير ؟؟ لا الحمدلله <= يتذكر ابوه قاله البس نعالك وتعال وسحب عليه وصاح للمغرب هههههههه 14-ماهو اكثر فيلم كرتوون كنت تحب تشووفه ؟؟ من يوم يومي وانا شنب ومااتابع افلام الكرتون ماوكلي والكابتن رابح <= هذا الادمان اللي مازال فالذاكره ههههههههه 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اخوي اللي اكبر مني لأن اللي بعدي 3 بنات على بال ماجاء بعدهم ولد صرت راعي مسؤليه واسرح بالغنم وماافضي للعب هههههههههههههه 16-موقف صار لك ولحد الحين اذا ذكرته تضحك ؟؟ هذا الله يسلمكم راكب مع اخوي وراء ع السيكل واخوي مسوي فنان سواقه عاد انا طلعت راسي وهو من الفن شطف جنب عمود الكهرب ع اساس حريف وجه الحمار <= حاقد ع اخوه للحين هههههه المهم والله ويصقع راسي فالعمود واطيح واخوي وقف ويناظر ويضحك عاد اكبر مني لو قلت له شيء توطى فبطني وخلاني جنب العمود قمت ونفضت ملابسي وركبت معاه ونزلني عند البيت <= ناوي يكمل ويوم نزلني بس دخلت البيت وشفت امي قمت ابكي هههههههههههههه 17-كنت تحب الحليب والا تشربه بالغصب ؟؟ تصدقون والله ناسي هههههههههههههههههه 18-كنت شاطر بالمدرسة او لا ؟؟ شاطر قليله كنت متفوق ولله الحمد <= هذا اللي مصبر اهلي علي هههههه 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ يازين رمضان سواء صايم ولا بزر هههههههههههههه للعلم انا ماصمت الا وعمري 13 واول سنه صار فيها لقيمات بالدس ههههههههه بعد كذا صرت اصوم ولليوم هذا وانا اصوم ومااكل لقيمات ههههههههه 20-كلمه دآآيمة على لسآنك!! ناسي اشرب حليب ولا لا وتبون اتذكر كلمه كنت ارددها مدري ليه تذكرت سلوى المطيري وهي تقول الله يسلط عليكم هههههههه عموما مااتذكر وشكراً <= شكلي فقدت الذاكره هههههههه 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ نو نو نو وي وي وي لا لا لا مستحيل مستحيل مستحيل والله كنت مسالم جداً 22-ما هو اقوى عقاب في حياتك عوقبت به ؟؟ مانسيت مره كانت عيوني متنفخه انا واخوي الكبير <= طبعاً اكبر مني عمر فقط والا انا اعقل هههههه وكان وقتها المستوصف يداوم بعد المغرب <= طبعاً الجيل الجديد مايعرفون هههههههه المهم اخذنا قطرات ومرهم وكنا وقت الشتاء وفي عشاء عند عديل ابوي يعني زوج خالتي المهم امي وخواتي رايحين العشاء وحنا قطر ابوي في عيوننا وحط مرهم وراح للعشاء وسحب علينا ههههههههههههههه هذا عقاب بريء بس مانسيته ههههههه 23-نشيد كنت تحبه أيام الطفوله ؟؟ كنت احب لاتخافي لاتخافي نحن ابطال المطافي لدرجة اني نجحت من رابع كنت ابي اسجل بالدفاع المدني وقالوا وين يابابا ادرس باقي خامس وسادس ومتوسط وثانوي ولكن مازلت احبها وارددها للحين <= يارب انك تسامحيني هههههههههه 24-ماهي الموآقف اللي عرضت فيها اهلك للاحراج؟؟ مو احراج اذكر خوفت امي كنا عند خالتي وقالت لي خالتي روح لغرفة العيال ونام فيها وانا رحت وطلعت برا ومشيت مشوار طويل مدري للحين وربي ليش الزبده لقوني اخر الليل نايم في برحه عند شجره صغيره هههههههههههههه بس والله ناسي انا للحين هاليوم وامي مازالت للحين تذكره وتقول الله لايعيدها من ليله ههههههههه 25-كيف كان اول يوم مدرسه لك بكيت ولا لا ..؟ ناسي بس اكيد اني بكيت هههههه 26-ضعت في مكان؟ .. سوق او حديقه .. اذا اي قول لنا السالفه ..؟... مادريت عن السؤال الا الحين لكن ارجعوا للسؤال 24 ههههههههههه 27-ماهي اجمل هديهـ خذيتها في طفولتك...ومانسيتها ابد...؟! الله يخلي خالتي ام ماجد ههههههههههههههه 29-بصراحهـ من كنت تحب بطفولتك اكثر امك ولا ابوكـ....؟! ابوي لين يمكن عمر 10 سنوات بدت تقتحم المنافسه امي وفازت وتقدمت ع ابوي وكلهم عينين في راسي الله يحفظهم لي ويطول في اعمارهم ويحفظ لكم والديكم واحبابكم وشكلي بلقي عليكم محاضره عن بر الوالدين هههههههه 30-موقف سويته ..والى الحين مااحد يدري عنه ؟ دام للحين محد يدري عنه ليش تبون اقوله لكم ومن انتم وبأي صفه تسئلون شكلي متأثر بمسلسلي الجديد ههههههههههههه مافيه شي ع بالي <= وتلف وتدور ليش ههههههه 31-مين اعز صديق طفولة و الى الان متواصل معه؟ كان واحد اسمه متعب الى رابع ابتدائي درس معاي وبعدين طس مدري وين عاد كبرت وصرت ادري انه حنا خواله وراح ديرة اهله وسكن هناك الحين كل ثلاث سنوات اشوفه مره هههههههههههههههههههههههههههه 32- نقدر نشوف صورتك وانت صغير ؟ تقدرون بس كم تدفعون التراث قيمته فيه لازم نتفق اول ههههههههههههههه بصراحه ماعندي مانع لكن مافيه صوره متوفره جنبي واذا حصلت راح احطها لكم <= ناوي يرجع ههههههههههههه الحمدلله انتهت الاجابه <= احس انتم اللي بتقولون الحمدلله افتكينا هههههههههههه عموماً شكراً للمره السبعين على الاختيار ونلتقي في استضافات قادمه واستحقاقت جديده والى الملتقى <= تذكرت ابوخالد السبيكه الله يرفع عنه ههههههههه اختار بعدي مستريح البال <= من غير تفكير هههههههههههه |
رد: طفولة عضو •
الله فكره حلوه حبيت انا اعشق طفولتي وايد فيها ذكريات اكثر يوم كبرت
بس ان شاء الله اتذكر منها شيء هههههه اتريا دورري ههههه يازيني و انا متحمسه خخخخ :97: |
رد: طفولة عضو •
<<<< الايام هذه مستريح كان فار تجارب تعرفون لونه ابيض طبي هههههه اي موضوع اختار مستريح هههههههههه هين محال اوريك هههههه
1-هل كنت مشآآآآكس أو كنت على نياتك وهادئ؟؟ كنت مرهف جدا ورممانسي وهادئ <<< الكذاب يروج الناار هههه 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ واحد طلع للدنيا وبعد 9 شهور تطلقوا ابوه وامه وش تتوقع طفولته ههههههه يا وجه النحس يا وجه الشؤم ليتك ماجيت ههههه من جيت للدنيا وحنا معتفسين ههههه هذا كان استقبالي بكل حفاوة 3-موقف حصلّك وأنت صغير وللحين مأثر فيك؟؟ المواقف كثير بس اتذكر وانا صغير ولد عمتي حمد كان دب وقزم هههه كنت اكرهه كره بالعيد وانا امزح معه فقعت عينه هههههه وصارت هوشة كبيرة بين ابوي وعمتي هههههه 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ ممممممممممم كانت 300 ريال من خالي الله يسعده شريت فيها مسدسات <<< من يوم مهايطي هههه 5- من أقرب طفلـ/ـة من الجماعة كانـ/ـت أقربلك؟؟ طفله بنت خالتي حب الطفولة مالت اما طفل عيال عمي مو كلهم اثنين بس 6- كم كف اخذت وانت صغير؟؟ ممممممممم وجهي صغير ما يساعد ياكل كف اكثر كنت اكله شوته على ظهري هههههه 7- وش اكثر حلاوة كنت تحبها في طفوولتك الرائعه ؟؟ حلاوة ابو بقرة هههه لين ما ضاعت سنوني كلها حشو وزراعه 8- ماهو مستوى العصبية اللي كنت فيها " مرتفعة / متوسطة / منخفضة " ؟ مرتفعه والله صنفت من اخطر الاطفال المرهفين بالعايلة ههههه 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ السادس قبل الاخير ذكور الله وكيلكم ماعندي اخت اهئ اهئ نعم اثر ملطوش 24 ساعه من اخواني الكبار لا احساس ولا ضمير ههههه 11-ماهو اكثر مكان كنت تحب تروح له ؟؟ " مدينة العاب. حديقه ... الخ البحر ياعين ابوي البحر صديقي المفضل 12-ماهي اكثر لعبه كنت تحب تلعب فيهاا ؟؟ الكورة بالحارة والرقص على الجليد ههههه 13-هل كنت تبكي كثير ؟؟ انا من كثر ما كنت اكتم كان ابوي يقولي ماتحس انت ما تبكي شكوا فيني دمعتي نزولها صعب 14-ماهو اكثر فيلم كرتوون كنت تحب تشووفه ؟؟ روحوا مدونتي وبتلقون اخر مشاركة لي منزل كراتين الطفولة 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اخوي الكبير تميم كان بمثابة الاب لي هو اللي رباني احوووبووو كتير كتير 16-موقف صار لك ولحد الحين اذا ذكرته تضحك ؟؟ كنت احب بنت خالتي بس زوج خالتي القبيح رافض لين كبرنا وتقدمت رسمي وقالي حياك الله انت زي ولدي وصلت 4 العصر تقدمت لها 6 المغرب رفضوني 8 المساء هههههههه وهذا وانا زي ولده هههههههههه موووولت 17-كنت تحب الحليب والا تشربه بالغصب ؟؟ السيرلااك اكثر شي بطلته يوم دخلت الابتدائية هههههه 18-كنت شاطر بالمدرسة او لا ؟؟ شاطر ياعيني شاطر ساحر كلامك ساحر هههه الحمد لله لا شاطر ولا متفوق ماسك العصا من النص 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ <<< لازم اجاوب المصيبه كنت افطر اشياء فيها بصل ثوم ههههه واقول صايم طيب والروائح الزكيه هذه من وين ههههه يعني كنت مشفوح وغبي هههههه 20-كلمه دآآيمة على لسآنك!! من قوة الهياط وانا صغير كنت احط يدي على شنبي اللي ماطلع واقول ابشر بعزك هههههه 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ اتوقع كل الاطفال اللي اعرفهم ههههههه ياخي كنت شرير بشكل مايوصف هههه 22-ما هو اقوى عقاب في حياتك عوقبت به ؟؟ ابوي ما يتعامل الا بالعقال الله يهديه او دباسه ههههه بالمدرسة مدرس قران حقير كان يجيب القلم ويحطه بين اصابعي ويضغط بقوة حسبي الله عليه 23-نشيد كنت تحبه أيام الطفوله ؟؟ مالي كثير بالاناشيد واصلا هالمادة بالذات هي والعلوم كنت انام فيها ههههه 24-ماهي الموآقف اللي عرضت فيها اهلك للاحراج؟؟ كنت ابي اقلد اللي يشربون دخان وانا صغير اخذت مصاص بلاستك ونزلت السيارة حق الوالد وشبت النار فيها كامله <<< الى يومك ماحد يدري منو شب النار بالسيارة سر لاحد يعلم هههههه 25-كيف كان اول يوم مدرسه لك بكيت ولا لا ..؟ حلاة مدرستنا كانت كلها بني تميم ههههه يعني عيال عمي وعماتي ومدري منهو يوم خشيت عادي نفس اللي اشوفهم بالبيت بس لقيتهم انظف شوي ومتروشين وحاطين عطر هههههه 26-ضعت في مكان؟ .. سوق او حديقه .. اذا اي قول لنا السالفه ..؟... ضعت بكورنيش الخبر يوم كامل ولقوني على البحر اشكي همي ههههه << اكلت ضرب ههههه 27-ماهي اجمل هديهـ خذيتها في طفولتك...ومانسيتها ابد...؟! العاب صراحه جتني العاب كثير لكن اجمل هديه زلاجه رجول كفرات لونها ازرق هلالي فريت المملكه فيها كلها ههههههه 29-بصراحهـ من كنت تحب بطفولتك اكثر امك ولا ابوكـ....؟! امي اكثر ابوي عصبي مرهف امي كانت بعيده فكنت اشتاق لها الى يومك 30-موقف سويته ..والى الحين مااحد يدري عنه ؟ حرقت سيارة ابوي ههههه مسوي راعي دخان ههههه 31-مين اعز صديق طفولة و الى الان متواصل معه؟ صديق طفولة كان قحطاني الله يرحمه توفى بحادث حاليا ماكو احد كلهم انقرضوا اقرب صديق لي من 13 سنه تعرفت عليه بماليزيا كنا بكازينو <<< خوش معرفه هههههه 32- نقدر نشوف صورتك وانت صغير ؟ <<<< واخزياه اخاف عليكم من الفتنه هههههههه https://2.bp.blogspot.com/-zyeeC0WkW...73951536_n.jpg <<<<<<< وجه ملائكي مرهف هههههههه ومشكوروين على الاستضاافه اختار عمري انت عشانها متحمسه ههههههه:33: |
رد: طفولة عضو •
-
موضوع كثير رائع فيه نتعرف على طفولة الاعضاء ^_^ كما استمتعنا مع الاعضاء ( سافانا ، محال . مستريح ) اللي تكلموا لنا عن طفولتهم الحلوه والتي الاتخلو من الشقاوه :97: يعطيكم العافية جميعاً .، |
رد: طفولة عضو •
إحم إحم وصصصلت . .شكرا أخوي مستريحح ع إختيارك هههههه إن شاء آلله أتذكر شيء ههههههههههه عاد سوري تأخرت عليكم لمشاغلي الخـآصصهه
|
رد: طفولة عضو •
ننتظرك الحين تجي بععد اسبوع هههههههه
|
رد: طفولة عضو •
نبدأ الأسئلـــــهـ -هل كنت مشآآآآكس أو كنت على نياتك وهادئ؟؟ كنت شيطونهه هههههههه 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ شي أكيد مميز ههههههههههه مصدقهه عمري هع 3-موقف حصلّك وأنت صغير وللحين مأثر فيك؟؟ أذكر كآن أخوي يدرس رحت قصيت صفحة من كتابه هههههههههه أبوي عصب عليه رحت جري بيت يدي خخخخخخ و كنت خايفه لآنه أبوي من النوع العصبي هع ليومي هذا أذكرهه ههههههههه 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ يمكن 5 مآ أذكر خخخخ 5- من أقرب طفلـ/ـة من الجماعة كانـ/ـت أقربلك؟؟ خـآلي 6- كم كف اخذت وانت صغير؟؟ ما ينعدون ع الأصابع هههههههه 7- وش اكثر حلاوة كنت تحبها في طفوولتك الرائعه ؟؟ إمم وآيد بس ياللي أذكرها مال البيبسي كنت أستانسس عليها هههههه 8- ماهو مستوى العصبية اللي كنت فيها " مرتفعة / متوسطة / منخفضة " ؟ بطفولتي أحسها منخفضه ههههههههه 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ الأولى 11-ماهو اكثر مكان كنت تحب تروح له ؟؟ " مدينة العاب. حديقه ... الخ حديقه 12-ماهي اكثر لعبه كنت تحب تلعب فيهاا ؟؟ الأرجوحه أيام و الله 13-هل كنت تبكي كثير ؟؟ مب وآيد نص و نصص 14-ماهو اكثر فيلم كرتوون كنت تحب تشووفه ؟؟ الرسوم القديمةة بشكل عام 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ أخوي 16-موقف صار لك ولحد الحين اذا ذكرته تضحك ؟؟ إممم في وآيد مآ أذكر ذآكرتي منعدمه هههههههههههه 17-كنت تحب الحليب والا تشربه بالغصب ؟؟ عادي أشربه بالعكس أحبه 18-كنت شاطر بالمدرسة او لا ؟؟ نص و نصصص ههههههههه 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ لآ وحليلي أصوم . . 20-كلمه دآآيمة على لسآنك!! نسيت هههههه 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ لآ مـآشي 22-ما هو اقوى عقاب في حياتك عوقبت به ؟؟ يوم كنت صغيره معلمتي ضربتني بإيدي هههههههههه عاد ناسيه شو مسويه حزتها خخخخخخ 23-نشيد كنت تحبه أيام الطفوله ؟؟ مـآشي 24-ماهي الموآقف اللي عرضت فيها اهلك للاحراج؟؟ مـآ أذكر 25-كيف كان اول يوم مدرسه لك بكيت ولا لا ..؟ لآ عادي 26-ضعت في مكان؟ .. سوق او حديقه .. اذا اي قول لنا السالفه ..؟... إممم يبالي أسأل أمي هههههههههههه بس مآ أتوقع 27-ماهي اجمل هديهـ خذيتها في طفولتك...ومانسيتها ابد...؟! الهدايا ياللي أحصلها من أبوي و أمي 29-بصراحهـ من كنت تحب بطفولتك اكثر امك ولا ابوكـ....؟! الإثنين طبعا 30-موقف سويته ..والى الحين مااحد يدري عنه ؟ ماشي 32- نقدر نشوف صورتك وانت صغير ؟ ههههههههههه شكلكم حاسين إختي من يومين مطرشه لي صوره يوم كنت صغيره بس ما بحطيها هههههه يوم ميلادي 2-نوفمبر أتريا هدياتكم هههههههههههههه |
رد: طفولة عضو •
أختـــــآر حبيبتي آلهيمـآنه :97:
|
رد: طفولة عضو •
ثانكس قلبيي ،
لي عوده الاسالة كثيره ههههههه :bb32: |
رد: طفولة عضو •
-هل كنت مشآآآآكس أو كنت على نياتك وهادئ؟؟
نوو مره هادية 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ لا طفلة على جنب 3-موقف حصلّك وأنت صغير وللحين مأثر فيك؟؟ مافي شي معين 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ اتوقع 5 دراهم مادري من منو بس على طول ع الدكان خخ 5- من أقرب طفلـ/ـة من الجماعة كانـ/ـت أقربلك؟؟ بنت عمي 6- كم كف اخذت وانت صغير؟؟ وايييد هههههه بس كف مال نذاله من اخوي العود 7- وش اكثر حلاوة كنت تحبها في طفوولتك الرائعه ؟؟ مصاص بو ربع هههه 8- ماهو مستوى العصبية اللي كنت فيها " مرتفعة / متوسطة / منخفضة " ؟ ما اعصب ابد صياحه 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ الرابعة و لا اثر بشي 11-ماهو اكثر مكان كنت تحب تروح له ؟؟ " مدينة العاب. حديقه ... الخ حديقة طبعاً 12-ماهي اكثر لعبه كنت تحب تلعب فيهاا ؟؟ لعبة العرايس و لعبة كروك وايد ههههه 13-هل كنت تبكي كثير ؟؟ هييي 14-ماهو اكثر فيلم كرتوون كنت تحب تشووفه ؟؟ سالي ، جودي ابود 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اخويي حسوون 16-موقف صار لك ولحد الحين اذا ذكرته تضحك ؟؟ كان واحد يلحقنا ماذكر ليش بس الريال كان بيحسب عقصت شعري ونحن كنا نركض مثل الهبل ههههه 17-كنت تحب الحليب والا تشربه بالغصب ؟؟ نص نص 18-كنت شاطر بالمدرسة او لا ؟؟ نوووو 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ ماذكر بس تعودنا نصوم 20-كلمه دآآيمة على لسآنك!! ماعرف ههه 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ لا والله كنت مسكينه 22-ما هو اقوى عقاب في حياتك عوقبت به ؟؟ واييد بس مش ف بالي 23-نشيد كنت تحبه أيام الطفوله ؟؟ فرش التراب 24-ماهي الموآقف اللي عرضت فيها اهلك للاحراج؟؟ نادو امي المدرسة 25-كيف كان اول يوم مدرسه لك بكيت ولا لا ..؟ اكيد بكيت 26-ضعت في مكان؟ .. سوق او حديقه .. اذا اي قول لنا السالفه ..؟... نووو 27-ماهي اجمل هديهـ خذيتها في طفولتك...ومانسيتها ابد...؟! مااذكر 29-بصراحهـ من كنت تحب بطفولتك اكثر امك ولا ابوكـ....؟! الاثنين 30-موقف سويته ..والى الحين مااحد يدري عنه ؟ اخذ شبس ومحد يعرف 31-مين اعز صديق طفولة و الى الان متواصل معه؟ شممموتي 32- نقدر نشوف صورتك وانت صغير ؟ طيب ويتت https://l.top4top.io/p_1749zz0a40.jpeg |
رد: طفولة عضو •
واختار
خيتي الوفاا ،:1554: |
رد: طفولة عضو •
وفوي نترياججج
:97: |
رد: طفولة عضو •
@
وينجججج وفوي ؟ :97: |
رد: طفولة عضو •
،’
فديتَ آوختتي نبدأ الأسئلـــــهـ نبدّآأ يلا اقتباس:
يعنيَ مع اليَ حولي مشآكسه مع المشآكسين:ff1 (230): و هآديـهه مع الهادين , اقتباس:
اقتباس:
اقتباس:
اقتباس:
من خـآلي اتوقع كآنت 200 درهَم ’ ههه , آوه حسيت نفسي آغنى وحده في العـــــــآألم هههههههههه ’ على ايـآمنا 200 يعنيَ رقم خيـآلي , ولا شو تقولون قوم 1990 هههههههههه :01: اقتباس:
اقتباس:
اقتباس:
اقتباس:
اقتباس:
بذآت اليَ يصبغون حلج هههههه و لا نقول شوف كيف صار لون حلجي هههههههه اقتباس:
اقتباس:
آنا فيَ الوسط , ثـآلثـهه , كنتَ فيَ كلَ شي معلقه ههههههههههه بين الدلع و الكرف ’ مره يخلونيَ صغيره و متى ما يبون يخلونيً كبيره على كيفهم يـآأخيي ههههههههه هذآ حـآل اليَ ف النص , اقتباس:
آيَ مكآن فيَ آلعـــــــــأب آحبـهه اقتباس:
و ايَ شي في تسليق و تعليق هههه اقتباس:
بسَ حد يقول لي شي آصييح حد يهزبني آصييحح , كنت حسـآأسهه بالقووو و آصيح على الدقـهه , جنيَ آتريا شي عسب آبجي خخخخخ اقتباس:
سآلي و ليدي و آنسـه صفـآأء و جوتي آبد , بومبـآأ , مدينـةة النخيل, . ابطآل الديجتـآل و تليتبيز و سلآآحف نينجـآ و دآي الشجـآأع و كـآبتن مآجد و كآبتن رآبح ههههههه وآييد والله لو آعصر بعد مخي رآح تعرفون ’ قنآةة آسبيتون كلَ اليَ تحطـهه اقتباس:
اقتباس:
كنت العب و جآن الحمآمه آتي توقف فوقـهه ’ ,, و تعملها و آيطيح على رآسي هههههههههه و يلست آصيييح :01: اقتباس:
آروح المطبخ آكله جيي و هو بودره ههههههه 18-كنت شاطر بالمدرسة او لا ؟؟ آمبلآ و عقب آختربت يوم تعرفت على شله حق المشآكل و يوم ططلعو من مدرستنـآأ رجعت لـ شطآره ههه اقتباس:
بالغلط آشرب ههه اقتباس:
اقتباس:
اقتباس:
بسَ كآنو يحرمونآ من تلفزيون ههههههههه هذا أقوى عقب في زمنـآأ , اقتباس:
بسَ آذكر يآ طيبـة خخخخخخ اليَ يذكره يرفع آيده , اقتباس:
اقتباس:
مدريَ ليش ’ يمكن عسب كنت آشوف آخواني يسون شي وآنا جي فآضيه هههههه أبا أقلدهم اقتباس:
أيه ضعنا ممره ف القرية العالميـهه هههههههههه اليَ آذكر آول م نزلنا القريـةة الكّل ييدور على حمآم عزكم الله و دخلنا و قلنا اليَ يخلص يطلع يوقف مكآن طبعـآ كآن زحمه و تفرقنـآ و تحمسنا طلعنا انا و يدتي و حرمتهه عمي عقب آختفو الكَل ههههههههه عقب آتصال و زقرونـآأ فيَ و وصلنا لهم ههه اقتباس:
و معككبآت ’ اقتباس:
مآ كان يقول شيي و ىمي تهزبنـآ , اقتباس:
اقتباس:
32- نقدر نشوف صورتك وانت صغير ؟ https://l.top4top.io/p_1583dwimb0.jpeg و آختتــــــــــــــأر مصرقع , آحسه مجموعةة آجـرآم و هو صصصغير’, |
رد: طفولة عضو •
السلام عليكم ورحمه الله وبركاته
هههههه يالس يشوف الصوره هههههه :ff1 (7):كعبول صغير هههههه ههههه امزح اوف منج هههه :ff1 (201)::ff1 (201):كتكوته ههههه أهم شيء زاخه عروسه ههههه حنونه من يوم يومج هههههههههههههههه تعرفين كنت بسحب عليج بصراحه هههه وبعتذر بس مب حلوه مني :ff1 (201):كل يوم أسحب عليكم :ff1 (201):عيب عليه :ff1 (201):من جي ولا يهمج بنجواب :ff1 (201):بس بالأول راح أجاوب على الأسئله اللي أختي فاطمه اختارتني فيه وبعدين بيي هنيه :ff1 (201): |
رد: طفولة عضو •
السلام عليكم ورحمه الله وبركاته
نبدأ الأسئلـــــهـ -هل كنت مشآآآآكس أو كنت على نياتك وهادئ؟؟ كنت مشاكس :ff1 (28): 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ هيه اكثر شيء مع عيال حارتنا هههههه كانو يخافوني :164: 3-موقف حصلّك وأنت صغير وللحين مأثر فيك؟؟ وايد بصراحه هههههههههه:17733:بس بحط لكم واحد منه هههههه مره كنت اللعب مع اخواني وجي تعرفون درايش مال أول ؟ مربعات كنا ندخل فيهن وننقز صوب الحوش وكذا ونرجع وندخل مره ثانيه المهم انا دخلت فيه وجان ينشب رأأأأأسي ههههههه عاد شو أخبركم شفت الموت ههههه :ff1 (46):وكل واحد يمط هالرأأأأأس عاد أختي تمت تطنز عليه وقالت حشى مب رأأأأأأس عليك ومن يومها تمت تزقرني بو رأأأأأأأس :17733:هههههههههههههه لا بعد تخبر عيالها عن سوالفي زين ستري عليه ههههههههه:17733: 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ يوم اجمع عيال حارتنا كلهم ونروح نعيد هههههه انا اخذ اكثر عنهم ههههههه مستوي الزعيم لهم هههههههههههههههه وانا تراني اختار لبيوت اللي يعطون اكثر ههههههههههههههههههههه طبعا البعض يزعل بس مع نفسه هههههه أقول لهم اذا مب حابين تيو معاي لا تيو بس ما يقدرون من دوني هههه 5- من أقرب طفلـ/ـة من الجماعة كانـ/ـت أقربلك؟؟ الكل كانو قريبين مني 6- كم كف اخذت وانت صغير؟؟ هو مب كف بس تقدرون تقولون رفسات وشوتات وضرب بالمسطره ههههه من قبل أخواني طبعا ههههههه وايام المدرسه بعد كانو يضربونا ضرب 7- وش اكثر حلاوة كنت تحبها في طفوولتك الرائعه ؟؟ ما عندي حلاوه معينه 8- ماهو مستوى العصبية اللي كنت فيها " مرتفعة / متوسطة / منخفضة " ؟ متوسطه 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ الثامن .... لا 11-ماهو اكثر مكان كنت تحب تروح له ؟؟ " مدينة العاب. حديقه ... الخ الملعب اللي ورا بيتنا 12-ماهي اكثر لعبه كنت تحب تلعب فيهاا ؟؟ كوره قدم 13-هل كنت تبكي كثير ؟؟ لا مب وايد 14-ماهو اكثر فيلم كرتوون كنت تحب تشووفه ؟؟ طمطوم بو رأس هههههههه:17733:وفيه بعد طم طم انا هههههه كنت بعد اتابعه هههههه وكابتن ماجد وكابتن رابح وراعد العملاق وغيره 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ الكل 16-موقف صار لك ولحد الحين اذا ذكرته تضحك ؟؟ أيام الكليه كان اللي يدرسنا أجنبي يوم مر عليه قلت لهم اوف هذا شكله ما يسحب خقنا من ريحته عاد ربيعي قالي اسكت تراه يفهم قلت له كبش ما يفهم ههههههههههههههههههه واخر شيء زقرني وتم يرمس بالعربي وجان انصدم ما عرفت شو أقول ههههههههه بس صدق ريحته خايسه ما جذبت هههههه:17733: 17-كنت تحب الحليب والا تشربه بالغصب ؟؟ لا مب وايد احبه 18-كنت شاطر بالمدرسة او لا ؟؟ ههههههههه خلينا صاخين بس ههههههههه:17733:تحبون تجرحون الواحد انتو ههههههههه:17733: 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ اكيد جي كنت اسوي ههههه :17733: 20-كلمه دآآيمة على لسآنك!! مب كلمه كنت أحب اغايض ههههههه جي اسوي لهم حركه بضروسي ههههههههههههههههههههههههه صدق ينقهرون ههههههههه:ff1 (46): 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ لا 22-ما هو اقوى عقاب في حياتك عوقبت به ؟؟ يوم رسبت في الصف الأول :17733: 23-نشيد كنت تحبه أيام الطفوله ؟؟ ما اذكر 24-ماهي الموآقف اللي عرضت فيها اهلك للاحراج؟؟ أيام الروضه كنت ما احب ايلس ف الكرسي واتم اسحب شعر البنات واخمس فيهم تخميس ههههههههه ودوم يشتكون عليه 25-كيف كان اول يوم مدرسه لك بكيت ولا لا ..؟ كنت ما احب اروح واتم أقول لهم بطني يعورني وما عرف شو هههههه 26-ضعت في مكان؟ .. سوق او حديقه .. اذا اي قول لنا السالفه ..؟... جني كنت ههههههههه ما أضيع هههههههههههههه:ff1 (46): 27-ماهي اجمل هديهـ خذيتها في طفولتك...ومانسيتها ابد...؟! ما أذكر بصراحه 29-بصراحهـ من كنت تحب بطفولتك اكثر امك ولا ابوكـ....؟! ثنين كنت أحبهم 30-موقف سويته ..والى الحين مااحد يدري عنه ؟ كنت أشوف اخوي الله يرحمه يدوخ سيجاره وكان بخاطري اجرب وسرقت بصراحه صلب من عنده ورحت فوق السطح عسب اجرب والله يا جماعه بغيت اموت ههههههههه مول ما عيبتني ومن يومها حرمت أدوخ وكرهتها كمان 31-مين اعز صديق طفولة و الى الان متواصل معه؟ ربيعي حمدان الله يسعده 32- نقدر نشوف صورتك وانت صغير ؟ https://www5.0zz0.com/2020/10/25/02/394989511.jpg يارب انك تسامحني ههههههه تراها مب صورتي بس حبيت اسوي لكم مقلب ههههههههههههههههههههههههههههههه |
رد: طفولة عضو •
:ff1 (46)::ff1 (46):
وتلوموني اذا قلت راسك يبي له تصغير جدو هههههههههههههههه والله طلعععت شررر ههههههههه وصورتك الله يحفظك متاكده يشبهك بس البويه اغمق بعشر درجات والشعر معكرش اكثر وطاير لفوق :ff1 (46): |
رد: طفولة عضو •
،’
ههههههههههههه قلت آنك رآعي آكشن ’ :99: طفوله شرسـهه أقوى شي , آختـآأر عضو غيركك يجآوب , :203: |
رد: طفولة عضو •
السلام عليكم ورحمه الله وبركاته
حفيدتي هههههههههه يبالج كف محترم هههههههه ويا خشمج ههههههه الوفا هههههههه مب شرس هههههههه:ff1 (201):كنت مظلوم هههه:ff1 (201):ولازم أدافع عن نفسي وكذا ههههههه:ff1 (201): المهم راح اختار الشيخ نايف حياك يالغالي :f5m: |
رد: طفولة عضو •
اقتباس:
https://5.top4top.net/p_122907brr0.gifhttps://5.top4top.net/p_122907brr0.gifhttps://5.top4top.net/p_122907brr0.gif https://5.top4top.net/p_122907brr0.gifhttps://5.top4top.net/p_122907brr0.gif https://5.top4top.net/p_122907brr0.gif فطستني ياابتاه حرام عليك :54: تخيلت شكلك وانت ناشب واهلك يتماعطونكhttps://5.top4top.net/p_122907brr0.gif ماهزه الطفوله المشرده ياوالدي العزيز انتا نسفت ابو الطفوله حاس هالمرحله من عمرك سويتلها طاااااااااف :54: الله يسعدك ياعسل حاسني من زمان ماضحكت كثر ضحكي الحين بس صورتك وانت صغير كتكوووت :d ماعليك منهم صدقوا والا ماصدقوا انا صدقتك :d |
رد: طفولة عضو •
ههههههههههههههههههههههههههههههههه :ff1 (201):يعلها دوم هالضحكه يالغالي هههههههههههههه بس عاد مب جدام الكل تضحك على أبوك هههههههه الستر زين يالغالي :ff1 (201):عاد هم يبونها من الله ههههههههههه :ff1 (201):ههههههههههه
فديت اللي يصدقني انا ههههههههههههههههه جميل طالع عليك يوم كنت صغير هههههههههههههههههههههههه:ff1 (201)::67: يا عساها دوم هالضحكه والبسمه ما تفارق شفاتك يارب العالمين ويطول بعمرك وعمر كل غالي عليك يالغالي |
رد: طفولة عضو •
نايف ننتظرك للرد
|
رد: طفولة عضو •
اقتباس:
ليش انا في القفص والا وش القصه:d |
رد: طفولة عضو •
ايوه في القفص ابوك اختارك عجل ننتظر نشوف طفولتك ..مع الصوره اهم شي |
رد: طفولة عضو •
يعني الحكايه جد ياعم رايق
سامحك الله ياابتاه :619: اخترت الوقت الزنقه صبركم علي شوي بس واجيكم |
رد: طفولة عضو •
نبدأ الأسئلـــــهـ
1-هل كنت مشآآآآكس أو كنت على نياتك وهادئ؟؟ اممممم نص ونص 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ في محيط اسرتي نعم كنت مدلل بشكل معتدل والكل من اخواني تدلل بالشكل المرضي مو انا بس 3-موقف حصلّك وأنت صغير وللحين مأثر فيك؟؟ وفاة جدتي الله يرحمها 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ مااذكر تحديدا والله .. لكن يجيني خير :d لاني اجتهد كثير صراحه بها المناسبه واترزز عند كل الاقارب اللي اعرف انهم كرماء ويدينهم فارطه بالفلوس:54: 5- من أقرب طفلـ/ـة من الجماعة كانـ/ـت أقربلك؟؟ ولد عمي اللي بنفس سني كان الاقرب ولا يزال 6- كم كف اخذت وانت صغير؟؟ امممم تجي كفوف خفافي من ورا الراس من الوالد الله يحفظه اذا عنّدت احيانا :d 7- وش اكثر حلاوة كنت تحبها في طفوولتك الرائعه ؟؟ مثلثات الكاكاو وكاكاو ابو ملعقه وشوكالاتة اولكر المربعات الحمرا دي عشقي في الصغر 8- ماهو مستوى العصبية اللي كنت فيها " مرتفعة / متوسطة / منخفضة " ؟ متوسطه يمكن :d 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ الثاني 11-ماهو اكثر مكان كنت تحب تروح له ؟؟ " مدينة العاب. حديقه ... الخ اعشق سيارة المصادمات عشق وكمان كانوا يضحكون علي اهلي ويركبوني البغل على انه حصان مقاس صغير حق الاطفال الفرسان اللي زيي :54: 12-ماهي اكثر لعبه كنت تحب تلعب فيهاا ؟؟ سوني 1 كان عشق 13-هل كنت تبكي كثير ؟؟ يمكن اكثر شي وقت الروحه للمدرسه الصباح خصوصا ايام الشتاء ماودك تفك البطانيه:d 14-ماهو اكثر فيلم كرتوون كنت تحب تشووفه ؟؟ سنشيرو فارس الشجاع موكلي كابتن ماجد تيمون وبومبا نيمووو كثير والله 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اختي الاصغر مني اكثر شي يمكن لانو انا واياها الوحيدين من اخواني مابيننا فرق كبير بالعمر 16-موقف صار لك ولحد الحين اذا ذكرته تضحك ؟؟ وحنا صغار كنا انا واختي نقول كلام خرابيط على انا نتكلم انقليزي وسقنا فيها وصدقنا نفوسنا اننا خواجات وصارت الثقه عندنا الف حتى اسامينا غيرناها على بالنا انه حتى الاسماء تتغير بالانقليزي يعني مثلا انا نايف يصير بالانقليزي حاجه ثانيه غير نايف اذكر سميت نفسي البرت وهي آلين خواجات (جولي شيك) عزالله :54: —— وكمان موقف ثاني مره امي تنومت بالمستشفى وخلتنا عند خالتي وانا مابي احد يشوفني وانا ابكي قمت شخصت بنظاره زي كذا https://c.top4top.io/p_1765rxdj32.jpeg وقعدت مرتز ومسوي اتفرج ولاهمني والدموع من تحت النظاره تقوطر 😂😂 وانا على بالي محد كشفني اثاري الكل من حولي قافطني الا انا :54: 17-كنت تحب الحليب والا تشربه بالغصب ؟؟ لا🥴 لوحده ولا حتى بالغصب لازم حليب بالشوكالاته بالفراوله بالموز لازم نكهه معه 18-كنت شاطر بالمدرسة او لا ؟؟ الحمدلله اموري بالمدرسه مره تمام 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ اصلا امي الله يحفظها كانت المفتي حقي كانت تقول لي الصغار يصومون للظهر وبس وانا كانت عاجبتني الفتوى :54: 20-كلمه دآآيمة على لسآنك!! مااذكر والله 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ لاصراحه مااذكر مالي في شغل النذاله كثير 22-ما هو اقوى عقاب في حياتك عوقبت به ؟؟ مصادرة البلايستيشن حقي لمدة شهر عشان جبت مره اختبار شهري 12 من 15 في الرياضيات ولا رجع لي الا بعد ماجبت العلامه الكامله في الاختبار اللي بعده 23-نشيد كنت تحبه أيام الطفوله ؟؟ طلع البدر علينا 24-ماهي الموآقف اللي عرضت فيها اهلك للاحراج؟؟ فيه مره وحده جارتنا ودايم تمسك امي سوالف على التليفون لين تطلع روحها هذا اذا ماجت بنفسها ودقتها سوالف فيس تو فيس المهم ذاك اليوم دقت ورديت انا على التليفون وانادي امي باعلى صوتي .. امي الهذره ام عبدالله تبيك🥴 اذكر امي جت خذت السماعه طربق مع راسي عاد قعدت تحاول تصلح الوضع وعيونها علي ودها تعلقني:54: وعاد بعد المكالمه حظيت ببعض التهزيء :d 25-كيف كان اول يوم مدرسه لك بكيت ولا لا ..؟ الصراحه حاولت اتمالك نفسي بس اللي بالمدرسه يهيضونك وتبكي غصب من باب المشاركه :54: 26-ضعت في مكان؟ .. سوق او حديقه .. اذا اي قول لنا السالفه ..؟... مره امتحنت الوالد الا اروح معه الملعب وحنا طالعين من المباراه وفي زحمة الناس ومعي علم لاهي فيه مره ارفعه ومره انزله ويوم طالعت الا انا بين الجموع اطالع في الوجوه كلها نكره واهلها بكوه وصياح ابوووياا والحمدلله ماكملت نداء الاستغاثه مرتين ثلاثه الا ذاك الكف الخفافي جايني مع رقبتي امش الله يصلحك انت وذا العلم وفاغر في الناس:54: ياشيخ هو انا بس شفتك لو تصفقني كف يوديني السياره بارد على قلبي فكنا بس من الضيعه:d 27-ماهي اجمل هديهـ خذيتها في طفولتك...ومانسيتها ابد...؟! بلايستيشن 1 مع تلفزيون خاص فيني 29-بصراحهـ من كنت تحب بطفولتك اكثر امك ولا ابوكـ....؟! اثنينهم الله يحفظهم عينين في راس 30-موقف سويته ..والى الحين مااحد يدري عنه ؟ مااذكر والله احس مستحيل انك بتدفن شي من ايام طفولتك ماتبوح فيه الا اذا كان جريمه منيله 31-مين اعز صديق طفولة و الى الان متواصل معه؟ ولد عمي اللي بنفس سني اعز الاصدقاء بالنسبه لي على الاطلاق منذو الطفوله وحتى الآن وعمرنا ماانقطعنا عن بعض اما على مستوى زملاء المدرسه هناك البعض القليل لازلت اتواصل معهم من وقت لآخر والحمدلله خلصنا |
رد: طفولة عضو •
اخ نايف نتمنى تختار اللي بعدك
|
رد: طفولة عضو •
لازم يعني انا اختار
اخوي المعتفس تفضل شرفنا :88: |
رد: طفولة عضو •
-هل كنت مشآآآآكس أو كنت على نياتك وهادئ؟؟
مشاكس 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ كنت مميز صراحه في البيت زيي زي باقي اخواني واخواتي 3-موقف حصلّك وأنت صغير وللحين مأثر فيك؟؟ نومت عصفور جنبي ..واول ماصحيت اليوم الثاني صحيت منبطح وادور له جنبي مالقيته اخر شي لقيته تحت بطني ميت ياني فغصته :eferhews: 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ مااذكر 5- من أقرب طفلـ/ـة من الجماعة كانـ/ـت أقربلك؟؟ ولد عمي 6- كم كف اخذت وانت صغير؟؟ كثييييير هع 7- وش اكثر حلاوة كنت تحبها في طفوولتك الرائعه ؟؟ احب ماكنتوش ..والى الآن 8- ماهو مستوى العصبية اللي كنت فيها " مرتفعة / متوسطة / منخفضة " ؟ متوسطة 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ الرابع ..ولا ما أثر 11-ماهو اكثر مكان كنت تحب تروح له ؟؟ " مدينة العاب. حديقه ... الخ كلها تمشي 12-ماهي اكثر لعبه كنت تحب تلعب فيهاا ؟؟ كل الالعاب (: 13-هل كنت تبكي كثير ؟؟ لا 14-ماهو اكثر فيلم كرتوون كنت تحب تشووفه ؟؟ جزيرة الكنز 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اختي الكبيرة 16-موقف صار لك ولحد الحين اذا ذكرته تضحك ؟؟ استاذ ابتدائي كان معقدني وساكن جنب عيال عمي كنت ممتحنه ..كل يوم وانا مبنشر كفراته خخخخخ): 17-كنت تحب الحليب والا تشربه بالغصب ؟؟ عادي لااحبه ولااكرهه 18-كنت شاطر بالمدرسة او لا ؟؟ لا كسول هع 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ ايه ): 20-كلمه دآآيمة على لسآنك!! انقلع/ي 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ ولد عمي 22-ما هو اقوى عقاب في حياتك عوقبت به ؟؟ الضرب بانواعه ..ضرب اول يفرق عن ضرب الحين سواء في البيت او المدرسة 23-نشيد كنت تحبه أيام الطفوله ؟؟ كلها اكرهها 24-ماهي الموآقف اللي عرضت فيها اهلك للاحراج؟؟ ياكثر المواقف اكثرها اضرب عيال وبنات الناس هع 25-كيف كان اول يوم مدرسه لك بكيت ولا لا ..؟ بكيت وتشنجت بعد خخخخ 26-ضعت في مكان؟ .. سوق او حديقه .. اذا اي قول لنا السالفه ..؟... كنت اكثر شي اضيع في المستشفى بس ماطول يلقوني اهلي 27-ماهي اجمل هديهـ خذيتها في طفولتك...ومانسيتها ابد...؟! مااذكر صراحه 29-بصراحهـ من كنت تحب بطفولتك اكثر امك ولا ابوكـ....؟! ابوي 30-موقف سويته ..والى الحين مااحد يدري عنه ؟ مافيه 31-مين اعز صديق طفولة و الى الان متواصل معه؟ محد 32- نقدر نشوف صورتك وانت صغير ؟ ايه عادي نفس رمزيتي خخخخخخ اختار كلمات واذا اختاروها اترك الخيار لها تختار اي احد نيابه عني صراحه ماني متابع الموضوع ومدري مين اللي سبق اختياره ؟ شكرا لصاحبة الموضوع الجميل وشكرا لنيوف لاختياري دمتم بخير |
رد: طفولة عضو •
شكراً المعتفس على اختياري،
أنا اعتذر بس برشح بدالي الغالية؛ ( شوق المها ) |
رد: طفولة عضو •
شاكره لش ع الاستضافه كلمات
نبدأ الأسئلـــــهـ -هل كنت مشآآآآكس أو كنت على نياتك وهادئ؟؟ وسط بصراحه هادئه واحيانا مشاكسه 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ الحمدلله متميزه عن اهلي جماعتي .. 3-موقف حصلّك وأنت صغير وللحين مأثر فيك؟؟ وفاته اخوي اثرت فيني كثير الله يسكنه فسيح جناته 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ ناسيه والله الي اتذكره فلوس 5- من أقرب طفلـ/ـة من الجماعة كانـ/ـت أقربلك؟؟ بنات عمي بنات خالاتي بنات جيرانا كثير والله دووم نلعب سواا 6- كم كف اخذت وانت صغير؟؟ واحد من بنت جماعتنا ورديتها لها بكفين هههههههههههههههه 7- وش اكثر حلاوة كنت تحبها في طفوولتك الرائعه ؟؟ حلاوه ابو قلوب 8- ماهو مستوى العصبية اللي كنت فيها " مرتفعة / متوسطة / منخفضة " ؟ متوسطه 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ اخر العنقود 11-ماهو اكثر مكان كنت تحب تروح له ؟؟ " مدينة العاب. حديقه ... الخ حديقه لما سافرنا لطائف حديقه الملك فهد كنا لروح لها كثير لما انا صغيره 12-ماهي اكثر لعبه كنت تحب تلعب فيهاا ؟؟ سيارات ام ريموت منافسه للاولاد الصغار واحيانا عرائس لعبه مكعبات احب التجارب بالالعاب 13-هل كنت تبكي كثير ؟؟ احيانا دموووع 14-ماهو اكثر فيلم كرتوون كنت تحب تشووفه ؟؟ هايدي فلونه سالي عدنان ولينا النمر الوردي توم جيري سنافر افلام كرتون كثير بس ناسيه اساميها 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اخوي الي توفئ الله يرحمه ذكريات كثير معه من الطفوله لما كبرت 16-موقف صار لك ولحد الحين اذا ذكرته تضحك ؟؟ كثير والله بس ماذكر بتفصيل 17-كنت تحب الحليب والا تشربه بالغصب ؟؟ احب الحليب واحيانا لا 18-كنت شاطر بالمدرسة او لا ؟؟ اي شاطره بالمدرسة بصراحه 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ صغيره كنت ماصمت 20-كلمه دآآيمة على لسآنك!! والله لاعلم امي وابوي هههههههههههههههههههههههه واحيانا والله لاوريك/ش هههههههههه تصير هوشه وانا الي افوز بالمعركه بصدق 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ كثير والله عيال اختي هم كبري مني صغيره واسوي الشي واطلع منها بسلام بريئه هههههههههههه ماعرفكم 22-ما هو اقوى عقاب في حياتك عوقبت به ؟؟ الي اتذكره ماقد صار لي عقاب مني صغيره 23-نشيد كنت تحبه أيام الطفوله ؟؟ امي ربت بيتن امي ماحلاها <<نسيت ههههه 24-ماهي الموآقف اللي عرضت فيها اهلك للاحراج؟؟ ولا مره بصراحه 25-كيف كان اول يوم مدرسه لك بكيت ولا لا ..؟ دموووووع جبو امي ...ههههههههههه 26-ضعت في مكان؟ .. سوق او حديقه .. اذا اي قول لنا السالفه ..؟... هههههههههههه مرتين اتذكر ضعت ولقووني ههههههههه ناسيه السالفه 27-ماهي اجمل هديهـ خذيتها في طفولتك...ومانسيتها ابد...؟! اهلي يعطوني احم هدايا العاب 29-بصراحهـ من كنت تحب بطفولتك اكثر امك ولا ابوكـ....؟! والله الاثنين ابوي دائم معه اي مكان معك معك هههههههه وامي ماستغني عنهاااا رفيقه دربي ..ربي يحفظهم لي لايحرمني منهم 30-موقف سويته ..والى الحين مااحد يدري عنه ؟ ماذكررر بس اتوقع كثير هههههههه 31-مين اعز صديق طفولة و الى الان متواصل معه؟ عندي كثير مني صغيره بس الئ الان ماكو تواصل 32- نقدر نشوف صورتك وانت صغير ؟ حالي لايووجد عندي بالبومات عن اخوي الكبير اختار سمو المجد |
رد: طفولة عضو •
. شوق المها تسلممي ع الدعوة :11: نبدأ الأسئلـــــهـ -هل كنت مشآآآآكس أو كنت على نياتك وهادئ؟؟ والله كنت هادية ومشاكسة :54: اسوي المشاكل الي ماتبان غير بعد اسبوع مثلا <<كنت اكب البيض تحت خشت السرير ولا تحت الدولاب وماما تكتشف بعد اسبوع :54: المشكلة انها كانت تستغرب اني اكل بسرعة ههههههههههههه 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ لا عشني الاولى ووحيدة ماما وبابا كنت مميزة عند اهل الوالد والله حتى دحين كل م شافوني اوه انتِ بنت فلان يع محب كده<<مو وقت حلطمة سمو :67: 3-موقف حصلّك وأنت صغير وللحين مأثر فيك؟؟ ياكتر المواقف بس اذكر موقف وعمري 5ونص تقريبا كان سبب ف بناء الحاجز بيني وبين الوالد لليوم 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ كانت 500 وعمري 11 من امي لمن جات زارتني يوه مانساها وانضحك علي كمان :54: <<ماتهنت فيها:) 5- من أقرب طفلـ/ـة من الجماعة كانـ/ـت أقربلك؟؟ ولا أحد .. يمكن بنت زوجة الوالد لانها كانت اصغر مني بسنة بس 6- كم كف اخذت وانت صغير؟؟ تعرفوا الطرييق من ينبع لمكة:54: <<امزح والله خليها من ينبع لأملج يمكن تكفي 7- وش اكثر حلاوة كنت تحبها في طفوولتك الرائعه ؟؟ ماكنت اميل للحلويات اكتر شيكنت احبو الي هو بسكوت ريكو <<عشان الصوربس:54: والفشفاش الاحمر مع الشطة 8- ماهو مستوى العصبية اللي كنت فيها " مرتفعة / متوسطة / منخفضة " ؟ حقلكم موقف وانتو احكموا اذكر مرة حصل موقف بيني وبين ماما المهم وانا اروح احط حرتي ف الدش حق الشاور واكسروا وهم امس مصلحينوا :) محد قلكم عصبوني والله كانت عصبيتي مستفزة مرة 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ الاولى .. ايوة والله اسوء حاجة بالنسبة لي كنت اتمنى عندي اخ اكبر مني بس:( 11-ماهو اكثر مكان كنت تحب تروح له ؟؟ " مدينة العاب. حديقه ... الخ كنت اتحايل ع اخواتي عشان يكلموا بابا يودينا البحر من صغري احب البحر كنت احب ادفن نفسي بالتراب :) 12-ماهي اكثر لعبه كنت تحب تلعب فيهاا ؟؟ مو لعب كنت احب الالوان بس دوخت ماما وانا اشخمط ف جدران البيت:54: قد م حاولت تجبلي كراريس ووو بس مافي نفع:54: 13-هل كنت تبكي كثير ؟؟ لا , 14-ماهو اكثر فيلم كرتوون كنت تحب تشووفه ؟؟ الحديقة السرية بعد مانرجع من التحفيظ :28: 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ ماهي اختي هي اخت اخواني بس بس كانت اكتر وحدة العب معاها وكانت اكتر وحدة تمقلبني :54: 16-موقف صار لك ولحد الحين اذا ذكرته تضحك ؟؟ لمن مقلبتني اخت اخواني وربي كان مقلب اوف ماينفع اسب بسكت تخيلووا حطت مصروفها ف شوز المدرسة حقي انا ع اساس انا خبيتوا ي اني كرهتها ايامها كره بس دحين كل مانفتكر نضحك :54: 17-كنت تحب الحليب والا تشربه بالغصب ؟؟ امممم ماحبوا كنت سادة احبو بالشوكولاته او بالموز :) 18-كنت شاطر بالمدرسة او لا ؟؟ شاطر لين تالت تانوي بعدين خربت مسيرتي ف الجامعه:54: 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ كنت اصوم والله بس اوقات اذا خرجنا نهاية الشهر نخرج بعد الفجر ونرجع حول 10 معليه اروح اتوضا واشرب موية بالغلط:54: 20-كلمه دآآيمة على لسآنك!! متى .؟؟ زمان.؟ انا مافتكر كلمة ع لساني دحين والله كيف بفتكر زمان بس فترة كنت ع نهاية الابتدائي مسكت معاياا كلمة "أصلاً عادي" أقولها ع اي شي حقيقي 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ لا والله بالعكس كانت الادوار معكوسة انا الي يتبلوا علي بسهولة:54 <<يازيني بريئة كنت 22-ما هو اقوى عقاب في حياتك عوقبت به ؟؟ الي جا ف بالي دحين اذكر مرة مدري اش هببت انا واختي والوالد خلانا نكتب سورة الواقعة والملك والرحمن بيدنا يوه ياتعبت تعب لا وبالتشكيل والخط لازم مرتب:) 23-نشيد كنت تحبه أيام الطفوله ؟؟ طائر النور حلق حلق بالجناحين وصفق صفق صفق :54: ولا التانية هناك في البستان كانت فراشتان.... 24-ماهي الموآقف اللي عرضت فيها اهلك للاحراج؟؟ ف سنة رابع ابتدائي هو موقف محرج لي واكلت ** عليه بس اتوقع حتى هم تفشلوا مني:54: المرشدة الله يرحمها مسكت بنات ف فصلي قاعدين يطبلوا ويغنوا وانا صدفة مريت جنبهم بروح لمكان معين وهي تدخل وتحسبني منهم ووقعتني تعهد <<كان الاول والاخير بس مدري ليه ماعلمت ماما بالحقيقة وقلتلها قصة تانية وسألت هي المرشدة وصار الي صار:) 25-كيف كان اول يوم مدرسه لك بكيت ولا لا ..؟ ههههههههههههههههههه انا كنت اقول لماما تبي تروحي روحي :54: كنت جالسة ف الاول ف اللقاء ومتفاعلة ومتحمسة جداً :) 26-ضعت في مكان؟ .. سوق او حديقه .. اذا اي قول لنا السالفه ..؟... لا ,كنت زي اللصق اتلصق بماما والله <<لليوم كده 27-ماهي اجمل هديهـ خذيتها في طفولتك...ومانسيتها ابد...؟! دبدوب صغير :82: من خالي 29-بصراحهـ من كنت تحب بطفولتك اكثر امك ولا ابوكـ....؟! ماما الي ربتني :28: 30-موقف سويته ..والى الحين مااحد يدري عنه ؟ مادري بس دام محد يدري عنو اكيد طمست عليه ذاكرتي وماحقلكم عليه اكيد:54: 31-مين اعز صديق طفولة و الى الان متواصل معه؟ تغريد:28: 32- نقدر نشوف صورتك وانت صغير ؟ لا ممنوع :54: <<بانطرد بعدين من المجتمع ع حساب صورة:54: اسئلة حلوة بس حسيت نفسي ف اختبار حقيقي:54: يديكم العافية بختار بعدي اخوية "رايـــق" |
رد: طفولة عضو •
اوووهـ نسيت من ذا الموضوع قلت برجعله و رااااح عن بالي معليش اعتذر والله عن تعطيلكم يارفاق ولي عوده اجاوب فيها عن الاسئله |
رد: طفولة عضو •
شكرا اختي سمو المجد ع الاختيار ونبدأ نجاوب على بركة الله 1-هل كنت مشآآآآكس أو كنت على نياتك وهادئ؟؟ لاني مشاكس مره ....ولا على نياتي مره ...بين البين لكن في الغالب على نياتي 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ الله يرحم جدتي عمة والدي كنت الطفل المدلل عندها لان اسمي على اسم اخوها 3-موقف حصلّك وأنت صغير وللحين مأثر فيك؟؟ كان فيني شوية لقافه .. اخذتني امي لزيارة والدها بيتهم كان دورين .. طلعت السطوح ... وطلعت فوق الجدار حق السطوح وجت في بالي حركه قلت ليه ما اتمسك في الجدار بيديني وادلدل رجولي ( يعني اكون معلق ما غير يديني تمسك في الجدا) وبعدين أرجع المهم سويتها ومعد عرفت ارجع :ff1 (46):.. وأيقنت اني لو فكيت يديني راح اطيح من الدور الثاني واموت هههههههه جلست معلق واقاوم من أجل البقاء واصيح وابكي الين جت نبع الحنان وانقذتني ثم ضربتني ضرباً مبرحاً الله لا يوريكم ههههههههههه هذا الموقف اذا تذكرته أقول كيف لو طحت :ff1 (201): 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ من جدتي عمة ابويه اعتقد ٤٠٠ ريال فرحت كثر بها 5- من أقرب طفلـ/ـة من الجماعة كانـ/ـت أقربلك؟؟ قبل ادخل المدرسة كانت بنت عمتي .. شكلي حبيتها هههه كنت انبسط معها وافررح اذا شفتها بعدين. لما دخلت المدرسه وكبرت شوي كان ابن خالتي صديقي ورفيق الدرب 6- كم كف اخذت وانت صغير؟؟ كثييييير والله 7- وش اكثر حلاوة كنت تحبها في طفوولتك الرائعه ؟؟ حلاوا توفي..(ريكو) واي شي بنكهة البندق يعجبني 8- ماهو مستوى العصبية اللي كنت فيها " مرتفعة / متوسطة / منخفضة " ؟ منخفضه 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ الثاني .. الي قبلي بنت بما اني الولد الاول في العائله كنت القائد ولا ازال حتى الآن كل اخواني وخواتي يستشيروني ويلجئون لي 11-ماهو اكثر مكان كنت تحب تروح له ؟؟ " مدينة العاب. حديقه ... الخ حديقة الحيوانات كنت اعشقها 12-ماهي اكثر لعبه كنت تحب تلعب فيهاا ؟؟ سيارات الملاهي رهيييبه ... كانت متتتعه ومصادمات وضحك 13-هل كنت تبكي كثير ؟؟ لا 14-ماهو اكثر فيلم كرتوون كنت تحب تشووفه ؟؟ كابتن ماجد .. مرررره أثر فيني والصياد الصغير و كابتن رابح و فلونا وسالي و مخلص صديق الحيوان 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اختي الكبيره .. واخويه الي بعدي على طول 16-موقف صار لك ولحد الحين اذا ذكرته تضحك ؟؟ كنت في الديره .. وامي كانت تبغى تروح بيت ابوها على رجولها المسافه مي مره بعيده ... قلت لها ماتروحين لحالك انا معاك عشان احميك وفي الطريق خرج علينا كلب وكان ينبح بصوت عالي ... بغيت اهرب واخلي امي ... بس مسكتني وجلست طول الطريك تطقطق علي ههههههههه 17-كنت تحب الحليب والا تشربه بالغصب ؟؟ ما كنت احب الحليب بس كنت احب الحليب بالنسكافه .. لدرجة كانو يحطونه لي في الرضاعه عشان اشرب الحليب... راعي كيف وقهوه من يومي ههههههههههههه 18-كنت شاطر بالمدرسة او لا ؟؟ ايوه كنت من الأوائل .. 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ لا بالعكس كنت فرحان جدا بالصوم بس لما كبرت ايام المتوسط شوي خربتها 20-كلمه دآآيمة على لسآنك!! وانا صغير .. مافي شي محدد 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ اختي الكبيره 22-ما هو اقوى عقاب في حياتك عوقبت به ؟؟ تخبرون كمبيوتر العائله كنت اعششقه واجلس عليه بالساعات .. والوالده تسحبه علينا عشان ننام بدري ونقوم للمدرسه وكنت اعرف فين تخبيه ... واخليها لين تنام واخذ الجهاز والعب وفي يوم واحد من اخواني كان معي وتمشكلنا انا وهو وارتفعت الاصوات وصادتنا الوالده ( ما شافوهم وهم يسرقوا ... شافوهم وهم يتقاسموا):ff1 (46): وانحرمت اسبوع كامل من الجهاز .. هذا كان بالنسبه لي عقاب مؤلم جدا :ff1 (201): 23-نشيد كنت تحبه أيام الطفوله ؟؟ فيه اناشيد كنت اسمعها في اذاعة المدرسه يشغلونها في الفسحه ووقت الاحتفالات جدا جميله اعتقد سلسلة نداء وحداء كذا اسم المجموعه 24-ماهي الموآقف اللي عرضت فيها اهلك للاحراج؟؟ في يوم كانوا يبغون يسافرون ... وانا طلعت ولقيت اصحابي في الحاره وجلست معهم ونسيت من السفر .. واهلي تأخروا على موعد السفر والوالد طلع يدورلي الحمد لله اني قابلته عند البيت وبعيد عن اصحابي .. لأني اكلت وقتها كف اسطوري هههههههههه 25-كيف كان اول يوم مدرسه لك بكيت ولا لا ..؟ لا ابدا كنت فرحان ومندهش من كل شي 26-ضعت في مكان؟ .. سوق او حديقه .. اذا اي قول لنا السالفه ..؟... لا ما اخبر اني ضعت 27-ماهي اجمل هديهـ خذيتها في طفولتك...ومانسيتها ابد...؟! سوني ١ من اختي الكبيره 29-بصراحهـ من كنت تحب بطفولتك اكثر امك ولا ابوكـ....؟! في الطفوله الميول يكون للأم اكثر 30-موقف سويته ..والى الحين مااحد يدري عنه ؟ انا احب بين فتره وفتره اقولهم عن اي شي سويته وما دروا عنه 31-مين اعز صديق طفولة و الى الان متواصل معه؟ هو ابن خالتي .. لازلنا متواصلين لكن لما كبرنا الافكار والاتجاهات اختلفت .. 32- نقدر نشوف صورتك وانت صغير ؟ مافي مشكله نوريكم الصوره بس قولو ما شاء الله ههههه بخليها كم يوم وبحذفها صورتي وبكيفي :99: الي بعدي الي بعدي اختي (النـور) |
رد: طفولة عضو •
هل كنت مشآآآآكس أو كنت على نياتك وهادئ؟؟
هادية مرررره و ف نفس الوقت سوسه اخرب من تحت لتحت 2- كنت طفل مميّز عند شخص ما؟؟ يعني كنت أغلـى الاطفال وإلا مصفوق على الرصيف؟ كنت مميزه عند امي نوره ام امي و خوالي.. سن الطفوله الحلوة عشتها عندهم على ان ما فيه اطفال كلهم كبار.. 3-موقف حصلّك وأنت صغير وللحين مأثر فيك؟؟ موقف سعيد و له نكهة خاصة.. لما كنت اول ابتدائي راح علينا باص المدرسة انا و خواتي ثنتين اكبر مني.. و احتارت امي فينا بالصدفة جا ابوها قال انا اوديهم الله يرحمه كان له هيبه ما تنوصف ركبنا معه.. قال لنا معكم فسحه،، قلنا ايوه عصير و ساندوتش و ريال،، قام عطانا كل وحده عشرة ريال.. و لكم تتخيلون الفرحه 4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ كانت ٣٠٠٠ من خوالي،، و خربتها في الالعاب شعوري اني صرت غنيه خخخ 5- من أقرب طفلـ/ـة من الجماعة كانـ/ـت أقربلك؟؟ في كل منطقه لنا شلة.. لذلك ما في احد كان قريب مره 6- كم كف اخذت وانت صغير؟؟ و لا مره 7- وش اكثر حلاوة كنت تحبها في طفوولتك الرائعه ؟؟ كان فيه بسكوت اسمه تولا للحين موجود بس طعمه زمان كان غير 8- ماهو مستوى العصبية اللي كنت فيها " مرتفعة / متوسطة / منخفضة " ؟ منخفضه جدا 10-ماهو ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ انا الثالثه،، تأثيره كان حلو قريبه من الصغار و الكبار 11-ماهو اكثر مكان كنت تحب تروح له ؟؟ " مدينة العاب. حديقه ... الخ بيت امي نوره.. و لا زال اجمل مكان 12-ماهي اكثر لعبه كنت تحب تلعب فيهاا ؟؟ نلعب حريم خخ 13-هل كنت تبكي كثير ؟؟ شوي بس 14-ماهو اكثر فيلم كرتوون كنت تحب تشووفه ؟؟ احب هايدي و سالي 15-من اكثر واحد من اخواانك كان قريب منك ؟؟ يعني اللي تحب تلعب معاه ؟؟ اخوي اصغر مني ب ثلاث سنوات.. بس هو يخبصها و انا انضرب بسبته خخ 16-موقف صار لك ولحد الحين اذا ذكرته تضحك ؟؟ من المواقف الغبيه اللي تضحكني و مدري ليه سوينا كذا كنا في الديرة و سوو لي عرس انا وولد عم امي العقود كانت اشرطة المسجل فكيناها و ربطناها في الحوش و انا عايشه الدور و مستحيه خخخ و الباقين متحمسين من جد كأنه عرس حقيقي كنا شله غبيه بس صراحه تونّس خخ اي شي يطري علينا كنا نسويه.. المشكلة مدري وين اهالينا وقتها مدججينا او انهم لاهين في المسايير 17-كنت تحب الحليب والا تشربه بالغصب ؟؟ احب الحليب مع الشاهي،، و لازلت 18-كنت شاطر بالمدرسة او لا ؟؟ دافورة خخ 19- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ جميلة جدا،، بديت صيام و انا رابع ابتدائي و كنت ملتزمه جدا 20-كلمه دآآيمة على لسآنك!! مدري خخ. اي سؤال كنت انسأله اقول مدري 21-هل هناك شخص كنت دايم تتبلى عليه يعني تسوي المصيبة وهو ينضرب ؟؟ لا ابد،، انا يتبلون علي خخخ 22-ما هو اقوى عقاب في حياتك عوقبت به ؟؟ اقوى عقاب ما اتحمله ان امي ما تكلمني يالله قد ايش يلعب في نفسيتي و الى الآن 23-نشيد كنت تحبه أيام الطفوله ؟؟ ما اذكر شي مميز.. 24-ماهي الموآقف اللي عرضت فيها اهلك للاحراج؟؟ مافي 25-كيف كان اول يوم مدرسه لك بكيت ولا لا ..؟ يجنن ،، يوم من الاحلام العاب و مسابقات للحين ما انسى ذيك اللعبه 26-ضعت في مكان؟ .. سوق او حديقه .. اذا اي قول لنا السالفه ..؟... مره وحده ضعت بحياتي بغى ينقطع قلبي ضعت انا و ولد عمتي اصغر مني ب ٣ سنوات في حديقه انا ميته صياح و هو عادي يتمشى و يقول ما عليك بيلقوننا.. اتذكر بروده يقهر 27-ماهي اجمل هديهـ خذيتها في طفولتك...ومانسيتها ابد...؟! اللعبه حقت اول ابتدائي،، هي شي مشهور ذيك الفترة اعرف شكلها بس نست اسمه ]29-بصراحهـ من كنت تحب بطفولتك اكثر امك ولا ابوكـ....؟ امي.. كانت اقرب لنا 30-موقف سويته ..والى الحين مااحد يدري عنه ؟ كنت اسجل صوتي و انا اغني و اقول اشياء غبية بالمسجل.. و اقطع الشريط بعدها خخ 31-مين اعز صديق طفولة و الى الان متواصل معه؟ مافي 32- نقدر نشوف صورتك وانت صغير ؟ https://i.top4top.io/p_1819i95q60.jpg هذي القصه كانو يقصونها بالطاسه خخ كمقياس و كالعادة انا ادج و اخوي وراي ... شكرا رايق على الاختيار و شكرا ع الاستضافة. و اختار بعدي ابن الهيثم |
| الساعة الآن 01:22 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~