كرسي الإعتراف الرمضاني مع خفايآ روح~••
 

كرسي الإعتراف الرمضاني

السلام عليكم ورحمة الله وبركــــــــاته....
هـل هلالك رمضـان قـبل أيـام معدودات وراح يكــون فيهـ
كرسي الأعتراف
الطريقة نستضيـف ضيف على هذا الكـرسـي من أعضـاء منتدانا الغالي
الأسئلة وهـي
:
س1_ اسمك ؟؟
س2_كم عمرك؟؟
س3_رايك في رمضان هذي السنه ؟؟
س4_أذكر لنا قصة او موقف حدث لك في رمضان؟؟
س5_اكثر اكله تحبها في رمضاان ؟؟
س6- وش تفضل فطورك مع الاهل ولا برووحك ؟؟
س7ـ هل تدخلون المطبخ في رمضان؟؟أم تدعين العمل على امك و أخواتك؟؟
س8- كم مره ختمت القران ؟؟وعندك طريقه مناسبه تذكرها لنا نختم فيها القرآن باذن الله؟
س9- هالسنه ناوي تختم القران؟؟
س10_وش العصير أو المشروب اللي تحب تشربه في رمضان؟؟
س11_انت من الناس اللي يزيد وزنهم في رمضان؟؟
س12_تقضي النهار كله نوم ؟ أو عادي تقضيه وانت صاحي؟؟
س13_الصيام يتعبك؟؟
س14_تتابع المسلسلات الرمضانية؟؟
س15_تفرح برمضان أكثر أو بالعيد أكثر؟؟



ملاحظه :

[ كل عضو يكون من إختيآري , وبتكون مدة الاستضافه يومين اذا تأخر العضو ]

أرجو من الأعضاء تقديم أساله للعضو المرشح

طبعا العضو راح يجاوب على أسإلتي الموجودة في الاعلى ثم يجاوب على اسإلة الأعضاء

رد: كرسي الإعتراف الرمضاني مع خفايآ روح~••
 

•'











حي الله خف خفات قلبيي ،:m1:




- روتينج اليومي في رمضان كيف...!
- تسهرين ولا ....!
- هل تايدين الدراسه في رمضان و لا و ليش...!
- شو تعلمتي في رمضان هالعام ...!





و في مجال ارجع لجج،:m1:
:341:

رد: كرسي الإعتراف الرمضاني مع خفايآ روح~••
 

شاكره لك للاستضافه :155:
1-رغد
2-26
3-رمضان كل سنه جوه غير وممتلئ بالطمأنية ونشوة السعادة .
4- م اذكر والله بس رمضان بالحجر الكلي كانت كلها ذكريات ومواقف جميلة والله :11:
5-السمبوسة والجلي والكريم كراميل .
6- مع الاهل وللابد ي رب :11:
7- قبل ندخل نسوي طبق حلا بس رمضان هذا ( دخلته من اوسع ابوابه )
8- كل رمضان تقريباً ، والله م عندي خطه بعد كل صلاة اقرا واوقات فراغي احيان واخر ايام رمضان اكثف القراءه عشان اختم .
9- باذن الله .
10-فيمتو .
11-لا العكس ينزل :54:
12-والله اغلب اليوم اكون صاحيه بحكم الدوام .
13-مع الدوام والحر.. جداً
14-والله لي سنتين م اتابع الا استديو 22 والعاصوف سابقاً وبرنامج المديفر بس .
15- رمضان وليلة العيد ابكي والله احس كان شخص غالي علي بيروح :11:

رد: كرسي الإعتراف الرمضاني مع خفايآ روح~••
 

هلا وغلا وكرتون حلا :11:


1- والله ابد دوام وبعده مطبخ وبعده راحه وتسدح خفيف :54:
وبعده قهوه وحلا وبعدين اخلص متطلبات الدكاترة وبعدين راحه شوي ونوم :d:11:

2-غالباً خمس الفجر انام

3-لا والله
متعبه جداً

4-كل رمضان اتعلم اني م حمدت ربي ع النعم اللي عندي
واحيان اشوفها من الامور المسلم بها وانها واقع
بس رمضان كل سنه يعلمني احمد ربي عليها كثير





تنورين فوفه :11:

رد: كرسي الإعتراف الرمضاني مع خفايآ روح~••
 

هل أديت العمرة في رمضان أوصفي لنا شعورك

رد: كرسي الإعتراف الرمضاني مع خفايآ روح~••
 

كثير وكنا ناويين رمضان هـ السنه بس حصل ظرف منعنا


اوووف شعور م يوصف قسم بالله
شعور م ينعرف الا برمضان وبالحرم
تحس انك زي الريشه
تعتمر وتمسك وتشوف العالم كلها نفسك وكلكم سواسيه

وتحس ان كل اللي بالساحه اهلك والله
منظر الفطور بالساحه اعجز عن وصف شعوره
وكل العالم جالسه وفطورها قدامها
وتعطي اللي جنبك واللي جنبك يعطيك واذا اقم للصلاة
كيف كلن يترتب ويتوحد
لايوصف ولايحكي
عسى ربي يكتب لكل شخص عمره برمضان وفطور ف الساحه :11:

رد: كرسي الإعتراف الرمضاني مع خفايآ روح~••
 

اهلا استازه خفخف منوره الكرسي
حاولي تشدي مساميره لايطيح فيك :16g7:
اكيد راهيه برمضان ماشاءالله حاطه سريرك بالمطبخ اكيد :d

المهم جايبلك شوية اسئله على قد ماقدرني ربنا :d

-في اي سن اصبحت خفايا مدركه
لمعنى الصوم ومايجب عليها فعله
واكملتي صوم يومك بطريقه صحيحه ؟؟

-هل تبادرين بالدخول للمطبخ
او لا تفعلين ذلك الا بطلب ؟

-اطرف موقف مر عليك في المطبخ ايام رمضان ؟

-تجلسين بالقرب من ترامس العصير والقهوه
والا تاخذين زاويه بعيده عشان محد يشغلك
عن كرشتك ويبلشك صبي وهاتي :d ؟

-اسوء مرحله على اي فتاه غسيل المواعين
بعد وجبة الفطور صح او خطأ ؟

-لو طلب منك تتفطرون مع اهلك عند ناس
ماترتاحين لهم .
او تقومين باعداد وجبة الفطور كامله للعائله
وش تختارين ؟

-واخيرا انتي مشرفه على تجهيز عزومة فطور
في بيتكم
وش الأطباق الرئيسيه اللي راح تحطي ببالك
انها تكون متواجده على السفره ؟

والمعذره على قل الاسئله
كان ودي تكون دسمه اكثر :d

رد: كرسي الإعتراف الرمضاني مع خفايآ روح~••
 

•'














يا عمري ،
جيت بعد ازعجج ،ههههههههه


- كيف كانت طفولة خف خف في رمضان ..؟
- موقف في رمضان ما تنسينه ...؟



خلينا نطلع من جو رمضـان .
- من هي خفايا ..؟؟
- سبب اختيارج لـ هذا لقب ..؟
- افضل برنامج تواصل اجتماعي عندج ..؟






و اكيد لي عوده ،:513:

رد: كرسي الإعتراف الرمضاني مع خفايآ روح~••
 

م عليك جالسه ع كرسيك
ف مربط من بعدك :d


اكيد راهيه بس مو زيك تسحب لغلوغك وتقلب جنوبك :54:



1-من صغري والله
من 8-9 وانا فاهمه وعارفه شنو الصوم

2-لا والله أبادر

3-قبل يومين تقريباً جونا ضيوف وتفننت لهم
وسويت لهم فطائر قوارب ميني الميني
ولاحظت اللي يأكل منها ياخذ قضمه ويترك الباقي بصحنه
واستغربت
اعرفها لذيذه وبالعاده تخلص بسرعه
وسكتت لمَ قضوا من الفطور وجربتها
طلعت من تحت ملغمه ملح وع عدله
من تاكل وحده تسبدك تقلب
كانك تاكل ملح بملعقه
:d

4-والله العظيم اجلس عند الفيمتو والعصير
لاني احب اصبصب :54:

5- اي والله
انا قولوا لي ادخلي المطبخ من الظهر وسوي الفطور كامل
ولاتقولون لي ادخلي بعد الفطور ونظفي المطبخ :(


6-لا والله اسوي لهم فطور لو يبون ذبيحه طبختها
ولا اروح عند هـ الناس .

7-تشريب باللحم وشوربة شوفان باللحم وجريش بالدجاج وشعيرية وسمبوسة (لحم ،دجاج، جبن سائل ، سبايسي)
بيتزا وخلية وفطائر القوارب والافخاذ الكذابه وصينية دجاج بالمقليات وفته باذنجان وتبولة الشمندر وحلى الايس كريم
وجلي وكريم كراميل وموهيتو كركديه وفيمتو بالليمون والنعناع { عطيتكم منيو اخر عزيمة فطور :54:}



لا عادي نويفان اذا م جيت دسم من يجي اجل :d
وحيا الله من زار وخفف
والا اذا زار م عاد يكرر الزيارة :d:11::11:

رد: كرسي الإعتراف الرمضاني مع خفايآ روح~••
 

هلا وغلا
انتِ عادي تكررين الزيارة
ي زينك وزين ازعاجك :11:

1-جميلة مرره والله
كان رمضان له طقوس مختلفه
لازم اذا رحنا نشتري اغراض رمضان كلنا نروح
من اكبرنا الى اصغرنا وبالسوبر ماركت كلن يروح ويجيب
واذا جينا البيت
كلنا نرتبها
وع الفطور كلنا لازم نجتمع كلنا
اذكر ابوي يطلع من دوامه عشان يفطر معانا ويشوف طاش م طاش معانا بس ويرجع

اللحين اغراض رمضان صفت علي وعلى امي ووحده من خواتي بس :54:
حنا اللي صاملين :54:
ووقت الفطور نقصنا اللي تزوج واللي مداوم :d:11:


2-وفاة جدي وكنا قبلها بيوم عنده فاطرين
الى الان اذا جاء هـ اليوم من رمضان احس مثل خرعة الخبر يوم وصلنا



1- والله م اعرف اتكلم عن نفسي
بس الاهم اني اعشق اهلي بشكل لايوصف
ولو اخير بين نفسي او أهلي
أختارهم من دون تفكير :11:

2-لان ف الاغلب اكون عكس مافِ داخلي
مو تصنع والله
بس كذا م يتوالد بداخلي شئ وم يراه الطرف الاخر مني شئ
م يتفقون ولايجتمعون
بمعنى عادي اضحك واستهبل وافرفش اللي يشوفني يقول يووه يَ حظها
ماخذه الدنيا تساهيل ووناسه
وانا فِ الحقيقه داخلي نيران تأكلني وممكن بعد ساعات قليله راح اكون فِ
موقف م اتمناه لاحد
عشان كذا دائماً اختار اللي احس قريب مني وأحبه
وخفايا روح من ضمنها :11:


3-تويتر وسناب :11:






تنوري آد الدونيا :11:

رد: كرسي الإعتراف الرمضاني مع خفايآ روح~••
 

ماشاء الله خفيفة الظل
روحك عطرة
إجابات روعة
هل صمتي خارج السعودية وكيف كان الوضع
مالذي يشغل بال خفايا الروح لان

رد: كرسي الإعتراف الرمضاني مع خفايآ روح~••
 

أخجلت تواضعي بكلماتك :155:


صمت مره بس اول يوم كان
والله لا رمضت زين ولا سفره زينه
م فيه مثل رمضان بين اهلك:11:



اشياء كثيره والله واحداث صارت بهالسنه عن عشر سنين ولازالت مستمرة
الله يجعلها اخر الاحداث السيئه

رد: كرسي الإعتراف الرمضاني مع خفايآ روح~••
 

وبذلك تنتهي فترة خفايا روح
الف شكر لكي
يغلق الموضوع