|
رد: الدرس العاشر (الذكاء)
درس مميز ،،
اشكرك على الدروس اللي خلتنا نفهم انفسنا و اللي حولنا اكثر معلومات قيمه فعلاً اذكر مثال على اختلاف الذكاء بين البشر ،، بنتي و هي صغيره و صلت ثاني ابتدائي ،، قالت يا ماما انا ابي افصل من المدرسه ،، لييييه ياماما توك المشوار طويل قدامك ،، قالت خلاص انا عرفت كل شيء لمست فيها سرعة استيعابها للدروس و المعلومات مشاءالله ،، وقتها صرت ابحث عن اماكن اقدر اسجلها فيها غير المدرسه عشان تكتسب معلومات اوسع ،، سجلتها بكذا معهد و نشاطات مختلفه ،، و بالصدفه عرفت عن "موهبة" سجلنا فيه ،، و تجاوزت الاختبار و انضمت لموهبة ،، و كنت اعتب على المدرسة مالمست هالفرق بين الطالبات ،، و قالت لي ،، لكن الحمدلله ،، بنتي تجاوزت كثير مراحل على البنات في سنها مشاءالله ،، انضمت لمدرسة نموذجيه في المتوسط ،، و حقيقي الاحظ فيها اختلاف في هذا العمر عن اهتمامات بنات سنها طبعاً سن مراهقه و تبي تواكب اللي في عمرها ، و هي بدت تلاحظ الاختلاف و تبي تنزل لمستوى تفكيرهم ، و يسبب هذا لخبطه عندها لكن انا معها و لازم نجلس كم ساعة اوضح لها الاختلاف و كيف تتعايش معه و تسحب صحباتها معها لمستوى تفكيرها مو هم اللي ينزلونها معهم ،، عمرها العقلي اكبر من سنها اللي ابي اوصله من كلامي ، ان الذكاء ممكن يكون مكتسب و لابد له تدريب ،، يعطيك العافيه ،، و الله يكتب اجرك على كل ما تقدم .. |
رد: الدرس العاشر (الذكاء)
هند الله يعافيك اختي وشاكر لتواجدك دمتِ بخير سمو المجد تعود لفسفتها من جديد ...فاهلا بك وبفلسفتك ناخذ ردك وحده وحده اولاً / بما أنك حبيتي الدروس الأربع الاخيره ..فمناسب لكِ جدا القراءة و التعمق في ((علم النفس المعرفي )) كما ذكرتِ ..وستجدين اجابه لسؤالك العميق الي ما انصاغلك هنا ههههههه ثانياً/ بالنسبه للجوع الي يجي مع الدراسه ...قال العلماء ان هذا يعود لسببن 1 - بذل الجهد في التركيز يستهلك طاقه وهذا يدعو الجسم للجوع 2 - قد تكون حيله دفاعيه من العقل الباطن للهروب من (الشيء الذي لا تحبينه وهي المذاكره ) اعتقد تكلمنا عن النقطه هذي في الدروس بس ما توسعنا كثير في الحيل العقليه انتبهي للوزن لا يجي اخر الترم وانتِ على قولتك فيل ههههههههه ثالثاً/ اختبارات الذكاء الأفضل تكون مع متخصص يعمل لك هذي الاختبارات من اجل الحصول على نتائج دقيقة ...وتعلمي على طريقة الاختبار وتعالي اختبرينا هههههه رابعا / بالنسبه للذكاء الوجودي الي ذكرتيه ...اعتقد هذا الذكاء يشطح بالمخ ..وترك اسئلته افضل خامساً / تسمعي روايه ...وتدرسي رياضيات في نفس الوقت ..وتفهمي الاثنين؟؟ انتِ انسانه خارقه ما شاء الله عليك ما ادري اش اسمه هذا ...ولكن سبق وقرأت أن المرأه تتميز عن الرجل في حل اكثر من موضوع مختلف في وقت واحد هذا الشي فوق قدراتنا كرجال ....ولكنه ممكن عند المرأه اشكرك يا سمو المجد على تواجد المثري و المميز دائما دمتِ بخير نبض الغلا يا هلابك و الله ..وسعيد بما قلتيه يا أخيه كل الشكر و التقدير لكِ دمتِ بخير امبراطورة البحر كم انا سعيد بهذا التعليق و التواجد الدائم لك وكلماتك وتحفيزك يسعدني كثيرا بارك الله فيك اختي ...ولا عدمنا هذا التواجد دمتِ بخير ام عنبر يا هلا و غلا افضل طريقة لاختبار الذكاء ..هي ان تكون عند متخصص في هذا المجال لتحصلي على نتائج صحيحه ...فيه أشياء في الاختبار لا بد أن تكون بشكل مباشر امام المتخصص ما ينفع اختبار عن بعد ....لن يعطيك نتائج دقيقه اشكرك اختي على تواجدك وردودك الجميله دائما دمتِ بخير النور يا هلا و الله بأختي ..العفوا الله يسعدك ويسلمك هذا من ذوقك ما شاء الله تبارك الرحمن ...الله يحفظها ويخليها لك يارب وجميل جدا انك اكتشفتي تميزها واهتميتي فيها ...هذا بحد ذاته شيء رائع جدا هي في السن هذا تميل بقوه لصديقاتها ...وراح تحاول تكون مثلهم لكن راح يتغير هذا في نهاية الثانوي وعند دخولها للجامعه وبإذن الله نشوفها تحقق إنجازات مبهره في المستقبل وتكون فخر للوطن بأكمله يارب اذا كتب الله لنا الاستمرار في هذي المنتديات راح اسألك عنها بعد سنوات ومتأكد انك راح تعطينا اخبار جميله عنها الله يحفظها لك يارب ويحميها من كل شر شكرا لك اختي على اطلالاتك الجميله دائما وتعليقاتك المثريه وتفاعلك مع كل درس اضعه هنا وهذا أكبر دافع لي ودعم دمتِ بخير |
| الساعة الآن 06:44 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~